انتهى الطموح...ادارة جديدة .. ومدرب جديد .. وغربلة اللاعبين.... قد يكون حل مفيد مبكرا وقد يكون اخر العلاج لأن المنظومة كاملة وكأنها اكتفت بأسيا والعالمية...... ونسوا أن الجمهور لايرضى الا بإستمرار البطولات فريق ... للأسف لاروح ولاتكتيك.. ولا حل من الادارة كأنهم ينتظرون الفترة الشتوية تنتهي او يتعرض الفريق لنتيجة قاسية من احد الفرق ليتحركوا... شكرا للمعيوف حفظت ماء وجه الهلال في المبارتين الأخيرة. البليهي ..الحافظ.. العابد ...كردي ... فنيا صفر. |
الهلال عندها فرصه من ذهب يمدي انه يبدل ادواردو بمدافع اول انه يخطف محمد سالم الشباب ورجع متعب المفرج رح يكون الهلال متكامل ورح يرجع بقوها المدرب لزم يحل مشكلة الدفاع ويترك لعب بنار |
يا ساتر مدرب ادارة غربلة فقدان طموح المشكلة أبسط من هذا بكثير فلسفة وقناعة مدرب لابد أن يناقش فالتدويرالمبالغ فيه يجب أن يتوقف فهناك مشكلة بالإمكان حلها وليس كارثة تحتاج لكل ما ذكرت فالفريق يتأخر بنقطة عن الصدارة في منتصف المسابقة ومتأهل لدور الأربعة |
انا من شفت العنوان قلت تأكد هبوط الهلال للدرجة الأولى ! قليلا من المنطق انا اتمنى على الإدارة والمدرب اللعب بجميع الأسماء الموجودة بالكشوفات بالدوري وتكون تجربة للجميع ومحاولة الحصول هذا الموسم على كأس الملك والاستعداد للبطولة القارية ببيع ومقايضة وعدم تجديد الواكد وكردي والحافظ والعابد وعزل الشلهوب والتعاقد محليا مع حارس وظهير أيسر ومهاجم اذا صح الاتفاق مع اليامي حارس الاهلي والعبيد ظهير ايسر المجزل فهذا جيد واتمنى التعاقد مع الغامدي مهاجم الرائد بالمقايضة وإعادة الشهري ويبقى محاولة بيع عقد ادواردو والحصول على عفيف أو موري اذا صحت المفاوضات مهم أيضا |
ما اقدر اشتم المدرب اللي حقق المستعصية لكن كويلار ما ينفع اساسي مفروض كنو وسلمان أو كنو وعطيف واترك الفلسفة الزايدة غير قناعاتك بالتدوير ياكوتش ترا ما فزنا بكنو بعد اراحته؟ |
اهدى من كذا صاحي انت نغير النادي بعد وش رائيك الهلال راجع بإذن الله بس المدرب والاعبين يبون شوية اثاره |
معد برامج قناة UFM تركي السالم - | اللاعبين في الهلال لا يملكون الجدية، معلوماتي تقول أن اللاعبين أقاموا "حفلة" بعد رحيل فهد المفرج، هذه الانضباطية مفقودة، وتحصلوا على الرفاهية التي يريدونها. الأمر هذا يتحمله الآن المدرب وسعود كريري / إذا كان الأمر كذلك فهذه مصيبة . ! ربما يكون من بعض النجوم السعوديين ، ولكن الأجانب اكاد لا اصدق ذلك . / اذكر أن المنتخب الاول فقد هيبته بعد طيب الذكر فهد المصيبيح نظراً للانضباط الذي يفرضه . |
الغرور أصاب اللاعبين بعد اللقب القاري والدليل أندية الوسط هي من عطل الهلال الاستهتار بالمنافس والتراخي افقدنا اربع نقاط باقي 24 جولة بادن الله كلها انتصارات يارب |
انا اقترح تصفية الفريق والاندماج مع فريق اخر ونرتاح كذا من كل ماتعادل الفريق او خسر ناط لك واحد ليه وليه هذي كرة قدم ماهي مصاقيل ولايوجد فريق في العالم يفوز باستمرار |
لو كان عندنا مهاجم اجنبي بدال خريبين كان اختلف الوضع ويمكن كان هاجم بمهاجمين من البداية لكن ظروف الهلال صعبة وضغط المباريات رهيب وما هذا كله ما قدرو يفرقون عن الهلال إلا بنقطة الدوري طويل وما في نادي إلا وراح تجيه إصابات في أعمدة فريقه لكن الهلال يفرق بأنه عنده احتياط في كل الخانات ولا ينقصه إلا القليل وبإذن الله نجيب اللي ينقصنا قريب |
إقتباس:
المدرب ذبحنا بالتدوير بحجة الإرهاق البدني للاعبين .. آمَنَّا بالله .. طيب والإرهاق الفكري والذهني اللي أصاب المدرب وش الحل فيه ..؟! أتمنى جلسة جادة و حازمة مع المدرب و مناقشته على كل المباريات الماضية ( الفيصلي دوري و كأس ) والإتفاق و الشباب .. كذلك يتم مناقشة اللاعبين عن أسباب اللعب ببرود و بدون حماس أو روح ! ليت كريري يجلس مع النعيمة أو الأحمد أو أبو إثنين ويستفيد من أفكارهم ! معوضين خير .. :: |
إقتباس:
هذا فريق الشباب جاب نجم نادي إشبيلية في الدوري الاسباني الأرجنتيني ايفر بانيغا نجم ما يحلم فيه اي نادي عربي واحنا جالسين تحت رحمة هيئة الرياضة توافق لنا نجيب لاعبين والا لا الطحالب جابوا بلايلي وجايب جناح منتخب ألمانيا وعد واغلط لازم تتحرك إدارة الهلال وأعضاء شرفه الموضوع ماعاد يحتمل خربين الله يسهل طريقة ما حنا فاتحين عيادات طبية والبطولات تهدر من قدام عيوننا إدواردو ما يبي يطيح وتتوسخ ملابسه الباب ياحبيبي قوميز جيب مهاجم أفضل منه مليون مرة ان عجبه الوضع والا الله يفتح عليه من بعد هدف البليهي بصدره لحد الان ماحد سجل ولا هدف جيوفينكو يبي يجدد بنصف عقده السايق والا مع السلامه كويلار كان منت مرتاح محد متمسك فيك اذلف ويجي محور عالمي أفضل منك ومن ناديك العالم تشتغل وتجيب نجوم عالميين واحنا تطبق علينا الحوكمة والمضرطة الكذابة ثلاثة أجانب على أقل تقدير ضروري يجيبهم الهلال ولن نرضى بغير نجوم عالميين من أكبر الدوريات العالمية ولعوها تكفون والله غبنه أندية مداخيلها صفر وتجيب نجوم من أكبر دوريات العالم قال ايش قال بانيغا |
بسم الله ماشاء الله كل هذا علشان فارق نقطه ؟؟؟ لاتنسو ان الفريق الي حللتوه وضعفتوه هو بطل القارة ورابع العالم الادارة الي نازلين فيها اهانات هي الي جابت المستعصيه من 20 سنه شوية هدوء ياشباب واتمنا وقفه صادقة مع اللاعبين والادارة وماننسى الي يقدمونه علشان اسعادنا ولانرمي اخطاء غيرنا على نادينا |
إقتباس:
المفرج لم يكن فارض الانضباطيه الحقيقه الحاصلة وهي شي طبيعي لديك اصابات في مفاصل مهمه في الفريق وارهاق واستنزاف للاعبين مهمين المطلوب تدعيم الفريق والاستغناء عمن لا يفيد الفريق ويعتبر عاله فقط وهم معروفون بالاسم أمثال كردي وغيره الأندية الكبيرة بسبب الواسطة والمحسوبية في الفئات السنية لا نراها تنتج لاعبين مبدعين ومن يبدع يكون مصيره الاستغناء او الاعارة او الدكة لصالح النجم المتعالي فترة التوقف القادمة كافية لالتقاط الانفاس واستعادة المصابين وترتيب الأوراق الدوري مايزال طويل والفارق نقطه فقط اي تعثر للنصر وتفوقك يعيدك للصدارة الأهم المحافظة على الاستقرار الفني |
نصيحه للي يهاجمون إدارة توها محققة الآسيوية بعد مرور 20 سنه ترى وضعكم مثل القزم الي يناطح الجبال هدو أعصابكم ووقفو مع الإدارة ترى الي صاير ظلم تحكيمي وليس أخطاء إدارية ولافنية |
الوقت المعتمد في المنتدى بتوقيت جرينتش +3.
الوقت الان » 05:49 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd