الفوز من الله للهلال هذه المره

و لا تنسى في المواجهه السابقة كان الهلال هو المسيطر
وهم يلعبون على المرتدات

إقتباس الرسالة الأصلية كتبت بواسطة تايجر ابن تايجر الفوز من الله للهلال هذه المره و لا تنسى في المواجهه السابقة كان الهلال هو المسيطر وهم يلعبون على المرتدات

متفائلين وعندنا علم ان التوفيق بيد الله اذا مكتوبه لنا ناخذه باذن الله واذا مهي مكتوبه لو توقع وتطير منت شام ريحه لكن يجب الاخذ بالاسباب والعمل الجاد مثل الاختبار تجي ماذاكرت تندمغ ماتدري وش تعمل تصير تقل رقبت رقيعي تلفت يمين ويسار تدور احد يغششك واذا ذاكرت ودك لو يجيبون لك اوراق الي بالفصل كلهم تحلهن هي مباراة مثله مثل غيره يجب ان يهيئ الفريق التهيئه الصحيحه ختاما يقول الشاعر ، ( رزقي يجيني لو كل حي(ن) يحاوله : ورزقن لغيري ياعسى مايجيني )

اتفق معاك

وياليت المدرب يركز ع وضع لاعب ينظف منطقة القوس اللي امام المرمى عندهم لاعيبه تأتي من الخلف وتصوب وعاد تعرفون الحراسه والمدافعين اللي عندنا

بالتوفيق للهلال من امام النصر اولا ثم بقية المباريات

يعطيك العافية

اقول كيف الحال
حنا نلعب مع برشلونة او ريال مدريد
حسستني بهذا
رفعت من اوراوا وقزمت الزعييم الاسيوي
الله يصلحك

إقتباس الرسالة الأصلية كتبت بواسطة هلاليه زي القمر اتفق معاك وياليت المدرب يركز ع وضع لاعب ينظف منطقة القوس اللي امام المرمى عندهم لاعيبه تأتي من الخلف وتصوب وعاد تعرفون الحراسه والمدافعين اللي عندنا بالتوفيق للهلال من امام النصر اولا ثم بقية المباريات يعطيك العافية

حنى دايم متفقين مع بعض بكل شي ياقمر

الزبدة
هي
( عدم دخول اي هدف في مباراة الذهاب مهما كلف الامر ) حتى تكون مباراة الاياب سهلة على الفريق وللاعبين .
الامر الاخر هو ((كنو)) لابد من الاستعجال في علاجة وتهئته بشكل سليم

إقتباس الرسالة الأصلية كتبت بواسطة aommasi اقول كيف الحال حنا نلعب مع برشلونة او ريال مدريد حسستني بهذا رفعت من اوراوا وقزمت الزعييم الاسيوي الله يصلحك

انا اتكلم معك بالعقل والمنطق وتبي تشوف بعينك اذا حصل ماحصل. في مبارات السد اياب اسيا قد اعذر من انذر يجب مضاعفت المجهود 100٪ قيمه مضافه اذا تبي تكسب

إقتباس الرسالة الأصلية كتبت بواسطة oculus الزبدة هي ( عدم دخول اي هدف في مباراة الذهاب مهما كلف الامر ) حتى تكون مباراة الاياب سهلة على الفريق وللاعبين . الامر الاخر هو ((كنو)) لابد من الاستعجال في علاجة وتهئته بشكل سليم

كلامك صحيح يجب الحفاض اولا على شباكك نضيفه ومن ثم التسجيل او التسجيل والمحافضه على شباكك نضيفه مهو تسجل هدف ويخرطونكً عشر اهداف بدقيقتين

لا أحب المبالغة تضخيما أو تقليلا لأن نتاج ذلك كارثي ومحصلته حسرة وألم احترام الخصم. هو المطلوب والثقة دون غرور والحذر دون خوف هو معادلة الإنتصار والأهم هل مباراة الأحد مع الفريق الياباني أم مع النصر تناسوا النهائي لأن التركيز والتحدث عنه كارثي إن كان ما يفعله العشاق هو نفس تفكير اللاعبين

يكون الهلال في يومه وباذن الله مع قليل من التوفيق
ويرجدونهم رجد لايوصف

اختصر كل ما قلته بجمله واحده فقط / الفرق اليابانيه بوجه عام وارواو بوجه خاص اذا قابلت الفرق الخليجيه فانها تلعب على اخطاء تلك الفرق الخليجيه ..... يعني داخلين في تحدي مع نفسهم كانها معركه حربيه على اساس ان ولا واحد منهم يخطيء تبي تفوز على الفرق اليابانيه استدرجهم للاحطاء ورح تشوف شلون رح ينهار اوراو ... يعني تمريرات قصيره بينه تضرب خط الدفاع اوفر للاعب فاضي ما غطاه الدفاع تسديده ما يقدر حارسهم يصدها زي كذا

مفتاح الفوز هو قوميز..
متى ماكان رايق و متحمس بيسجل..

نقطة ضعف الهلال دفاعه.. أو بالأصح تنظيمه الدفاعي..
الهلال دفاعياً يلعب على فزعة أقرب واحد.. بدون تمركز دفاعي..
واللاعب اللي يجي من الخلف بسهولة يسجل علينا..
لأن ماعندنا مراقبة القادمين من الخلف..

ارتكاب الأخطاء بالمناطق الخلفية صارت عادة..
المحاور مستهترين بالتمرير في كثير من الأحيان..

الهلال صعب تغير من مستوى عقلية لاعبيه بيوم و ليلة..
لكن المدرب لازم يعطيهم تعليمات شديدة باللعب على المضمون..
وعدم الاحتفاظ بالكورة بشكل مبالغ فيه..
التشتيت الدفاعي لازم يكون ممنهج.. و في مناطق يتواجد فيها لاعبي الطرف لاستلام الكورة و بناء المرتدات..

هجوميا الهلال ماعنده أي مشاكل
وقادر على التسجيل أمام اي فريق

الاظهرة اللي كنا نتغنى بهم أصبحوا نقطة ضعف
اولا عدم تجانس مع لاعبين الوسط لعمل مثلثات
مستوى الشهراني والبريك هذا الموسم ومنتصف الموسم الماضي مستواهم علامة استفهام بدنيا وتكتيكيا
ثانيا تجد فراغات خلف الاظهرة وهذا يسبب ربكة للمدافعين ويا ما شفنا تراجع كاريلو وجيوفنكو احيانا لتغطية وترك خاناتهم الأساسية
ثالثا تجد اظهرتنا يسمح للاعب بالتوغل أكثر فأكثر حتى يصل مشارف منطقة الجزاء وهنا تبدأ الارتباك الدفاعي
ياليت المدرب يثبت الاظهرة ويطلب منهم الفدائية أكثر وزيادة معدل لياقتهم المتهالكة

بالنسبة لخانة المحور الدفاعي وتنظيف قوس منطقة الجزاء فهذا اختصاص لاعبين الوسط وتبادل الأدوار والتفاهم بينهم على شل الفريق الياباني من التسديدات من خارج المنطقة

زرع الثقة في اللاعبين امر هام جدا
والتوفيق من الله تعالى

قراءة ممتازة تشكر عليها..
الزعيم يجب أن لا يفتح اللعب كم فعل امام السد. ويجب عليه التمرن على التسديد من خارج المنطقة، ومراقبة مفاتيح الفوز للخصم.
المباراة تحتاج إلى جهد كبير، والزعيم قدها إن شاء الله.
المدرب واللاعبون يجب مشاهدة مباريات أوراوا ودراسته بشكل جيد.
ليس هناك شيء صعب، والنجاح لا يأتي إلا بالاجتهاد.
بالتوفيق للزعيم في المباراتين النهائيتين في آسيا.