|
ملاحظات .. الهلال و الاتحاد .. ربع نهائي آسيا السلام عليكم مبروك التأهل .. راح المهم وتبقى الاهم المعيوف .. لم يختبر البريك .. عودا حميدا .. مستوى مطمئن الكوري .. جيد .. كان الحمل عليه خفيف بسبب السيطرة شبه الكاملة للزعيم البليهي .. ينطبق عليه ما ينطبق على الكوري لكن لابد ان يضبط اعصابه فهو معرض للاستفزاز طوال المباراة .. نرفزة وعنترية غير مبررة مع منافس مهزوم ليس لديه ما يخسره . الشهراني .. جيد جدا كنو .. ادى واجبه مثل ما يقول الكتاب بلا زيادة ولا نقصان الفرج .. يأبى ان يخرج من اي مباراة بدون نقاط سلبيه .. اليوم رايناه يمسك بقميص احد لاعبي الاتحاد بشكل مستفز بدون داعي .. انما (لقافه) ليقوم بتهدئة لاعب المنافس الذي تنرفز لأن الحكم احتسب ضده خطأ وكذلك تسبب بكل برود (كالعادة) بفاول امام منطقة ال18 وحصل بموجبه على كرت مجاني .. يحسب له تمريرة الكرة بالكعب داخل 18 الاتحاد والتي جاء على اثرها احد الاهداف سالم .. ماشاء الله لاقوة الا بالله اداء مثالي لا يعلى عليه .. انتقدناه كثيرا لكن اليوم مسح اخطاء موسم كامل .. اما الهدف الرأسي فحكاية لأنه هو من بدأ الهجمة وتحرك لداخل ال18 واكمل عرضية كاريلو بالمرمى . اذكروا الله ياجماعه :d جوفنكو .. من منتصف الشوط الاول كنت اتوقع استبداله .. كراته مقطوعه كأنه اول مره يلعب مع الفريق .. حسنته الوحيدة الهدف فقط كاريلو .. سجل وصنع .. ولا زالت انتظر منه اكثر من هذا المستوى بكثير قوميز .. الرقابة تنهي 90% من خطورته رغم ذلك استطاع ان يسحب الدفاع جانبا في اكثر من مره مما يفتح المجال امام زملائه للتسجيل كما حدث في الهدف الثاني المدرب .. يجب عليه ايجاد حلول عاجلة لترتيب (التنظيم الدفاعي) فالذي شاهدناه ان خط الدفاع يغلب عليه الارتباك مع اي ضغط من المنافس . |
والله مسافر وماشفت المباراة وكان ودي أرد رد مفيد ولكن أشكرك على التوضيح الدقيق على الي صار بالمباراة |
بصراحه الجميع قدم مستوى جيد وبالذات المدرب فحينما تعود بالتعادل من أرض الخصم وتلعب على أرضك وتتأخر بهدف ثم تعود وتسجل ثلاثة أهداف فهذا عمل رائع من الجميع ويجب انصافهم وشكرهم ... الأفضلية كما أرى سالم ثم البريك ثم كاريو ثم كنو ثم الشهراني ثم الفرج ثم قوميز ثم جوفينكو ثم البليهي ثم جانق ثم المعيوف أثرت نقطة مهمه جدا وهي أن الفرج والشهراني وبعض لاعبي الهلال عدا البليهي يحاولون دائما ان يواسون لاعبي الفريق الخصم بشكل لا اجد له مبرر صحيح لا نريد منهم أن يسيئوا التصرف ولكن أيضا لا يحاولون رفع روح لاعبي الفريق الخصم وهناك ملاحظة أخرى وهي أن سالم والبريك والفرج والشهراني مهما تعرضوا للخشونة لا يعرفون كيفية السقوط والضغط على الحكم لانذار لاعبي الفريق الخصم وضغطهم . |
كلامك سليم وازيد عليه بعض الملاحظات مجرد رأي شخصي.. اولا جيوفينكو معروف بالتسديدات القوية ولكن لاحظنا انه لم يستغل هذه الميزة كثيرا واصبح يتخوف من التسديد ويقوم بادوار الصناعة والاسيست مما افتقدنا اهم مميزاته اللي شفناها له مع الفريق الأمريكي السابق.. مادري هل هي تعليمات او تكتيك الله اعلم كذلك قوميز هذا الموسم ما صار يتمركز مثل الموسم الماضي وخاصة مباراتي الفيحا والاتحاد صح يتواجد ويسحب مدافعين وكل شي لكن يجب أن يعود كما كان يتمركز سواء الراسبات او الكرات الأرضية سلمان له أدوار عظيمة في وسط الملعب والطرف الأيسر والعمق الهجومي فلا يجب أن ننتقد لمجرد هفوات عابرة.. اللاعب يؤدي عمل كبير جدا في أصعب الخانات ويحتاج منا كل المساندة والتشجيع اخيرا البليهي فقد كثير من الحماس والشجاعة وقوته البدنية اللي كان يتميز بها في بداياته مع الهلال |
، آلف مبروك الفوز ، نجوم المباراه الأجنحه والأظهره وكنو :ba: الباقي مآقصرو يعطيهم العآفيه إن شاء الله ، وبالتوفيق للزعيم الملكي ! |
الفوز جاء بوقته.. خسارة المباراة راح تحبط الزعيم طول الموسم.. خاصة لو طلعنا من الاتحاد أو النصر .. لظروف تنافسية.. رجال الهلال كانوا بالموعد في هالمباراة.. ويعلم الله كنت متوقع الفوز.. حتى و الهلال متأخر بهدف.. الهلال يملك عناصر مرعبة.. مشكلته تكتيكية فنية بحتة .. توظيف اللاعبين بغير محله في المباريات السابقة و ترقيع من الموسم الماضي بالمراكز.. رغم توالي المدربين على الهلال إلا إنهم نسخة من بعض بهالنقطة.. مباراة أمس كان كل لاعب بمركزه و يقوم بأدواره فقط.. ضيعنا أكثر من فرصة.. و سالم كان زئبقي الحركة أمس ماشاؤ الله عليه.. كنو قدم مباراة جميلة .. البريك بعد رجعته من الإصابة تحسه تغير.. حتى ذهنياً كان حاضر و مركز.. يمكن إصابته خيرة له و للهلال.. ماتوقعته بيكون بهالمستوى.. بعض المرات الابتعاد عن الضغوط و أخذ راحة تفرمت و تصفي العقل.. سلمان الفرج.. من أفضل اللاعبين امكانيات بالتمرير و صناعة الهجمة.. لكنه كمحور يعتبر كارثة.. قوميز أمس تحسه مشتت.. وده يسجل و عنده رغبة قوية يسوي شيء.. لكنه بكورتين لسالم ما طلع مع سالم بالهجمة .. وقف على خط الثمانطعش يحتري سالم يعكسها متأخرة له.. رغم ان سالم يركض بالكورة وواضحة إنه راح يعكسها قريبة للحارس لأن مالها إلا كذا.. بالنسبة لكاريلو و جيوفنكو فماراح أقيمهم هالموسم نهائياً.. يزعلون بعض الربع علينا :d راح نشيد بأي لاعب يقدم نفسه.. و هالمباراة كان سالم و كنو و البريك نجومها.. المعيوف لم يختبر.. لكنه كل كورة كان واقف بمكانه و لو الكور بالمرمى دخلت عليه هدف.. ثلاث كورة كان يتفرج فقط.. و رابعة هي كورة الهدف.. الفوز بإذن الله يرفع المعنويات.. ونشوف كأس آسيا بالرياض مع أخوانه بخزينة البطولات الهلالية.. |
صراحة السد ليس الاتحاد التنظيم الدفاعي ضعيف كل هجمة مرعبة وارتباك وطوشة عفيف والهيدوس وبونجاح والكوري ما يمزحون الله يوفق الهلال |
إقتباس:
أتفق معاك .. فريقهم منظم وهذا اللي يخفي عيوبهم الدفاعية .. دفاعنا بالأمس مرتبك والظاهر لنا بأن البليهي كان منرفز قبل تبدأ المباراة من خلال الحوار اللي دار بينه وبين سلمان .. عموماً الفوز لا يجب أن ينسينا بعض الأخطاء اللي وقع فيها الدفاع أو حتى المهاجمين اللي كانوا يتعازمون أمام مرمى فواز القرني .. مش معقول اللي كان يحدث في الكرات الثابتة علينا ! لا يوجد لاعب قادر على تغطية زياد ! مبروك الفوز ،، والقادم أحسن بإذن الله .. ::: |
السد عنده نص قوووي جدا في العمق وفي الاطراف عطيف لابد ان يجهز للمباراتين ويفرغ لاسيا اللين تنتهي البطوله كويلار يكفي في الدوري كنو لازم يكون قريب من البليهي لان والله البليهي لحاله بينطرد والا بيكون شارع جوفينكو شوط ثاني اللاعب شايب ومستحيل يراكض ظ©ظ دقيقه ومع توفيق الله بيكون الانتصار هلالي |
إقتباس:
ترا الطحالب جالدين السد هدفين مقابل لاشي ومع الفقر شفنا فريق باهت الهلال اذا تم تحضير وتجهيز دفاعه صح صدقني راح نجلدهم جلد ما ينسونه مشكلة لاعبي الهلال بدنيا نحتاج برنامج لياقي وغذائي مكثف من الآن |
إقتباس:
، آبو سآري مدري وش فيه على جوفينكو وكاريو ، مو راضي يمدحهم أجلّها لنهاية الموسم ، المهم آنآ آبثرثر عن هاللآعبين s13s اول شيء جوفينكو ، نجم كبير لاعب متخرج من مدرسة اليوفي ، دولي سآبق في المنتخب الإيطالي تدرج في المتتخبات السنيه الإيطاليه ، لعب تحت قيادة مدربين كبار أبرزهم كونتي و رانييري و اليجري ! الغارديان و ليكيب الفرنسيه ، إللي ما بعدهآ إلا فرانس فوتبول اختارو جوفينكو ضمن أفضل اللاعبين في تاريخ كرة القدم ! من أفضل اللآعبين اللي شآتو الكوره في العالم كله يآ آبو سآري ض1 صرآحـه ، من الآخر هاللآعب إسمه في اللاسته يكفي ، وجوده إضافة كبيره لـ الدوري السعودي ولـ نادي الهلال ! تقييم آخر الموسم يآ آبو سآري إسمحلي مع أي لآعب إلآ سيبـآ :ba: كآريو ، مابتكلم واجد لكن نقطتين بأوضحهآ ع السسريع 1 اللاعب أسلوبه واستايله في اللعب من يومه كذآ ، حتى أيام كان في الدوري الإنقليزي هادي وبارد ومروق وماعنده ف احد ، صح أنه أحيان يفقع القلب ويستاهل الدكه لكن الحقيقه والواقع أن الأسلوب والإستايل هذا نادر بالملاعب عندنا نشوفه ، و الفريق يحتاج دايم هالنوعيه من اللآعبين اللي ماتدري متى ينفجر ! الأمثله كثير على هالنوعيه ابرزهم اوزيل والفرج وأحمد الفريدي اللي ضيّع نفسه للأسف ، ب النهايه تخيل عندي 11 لاعب كلهم سالم الدوسري أو كلهم نفس ادواردو أو الفرج او 11 لاعب مثل كويلار او عطيف او البريك ، تصير فرفيره ما تصير كورة قدم ! 2 بعض الجماهير تقارن مستوى ويلهامسون و ادواردو ب كاريو ، هذا غلط انا من وجهة نظري المقارنه بالمستوى ظالمه و ناقصه ، ليه ؟ لأنه المفروض ناخذ بعين بالإعتبار ثلاث نقاط رئيسية قبل المقارنه من أساسه ، 1 مسيرة اللآعب قبل الهلال 2 الفتره الزمنيه مع الهلال 3 اللقب الآسيوي كلها في صالح كاريو ، يتفوق على الإثنين و بكل جداره ! بداية من مسيرته قبل يجي الهلال مع بنفيكا + سبورتينغ + واتفورد و الفتره الزمنيه برضه في صالح اندريه ، موسم واحد مقابل 5 مواسم لإدواردو و ويلي ! و الآسيويه ، اللي تعتبر اهم بطولة عندي وعند الجماهير الهلاليه كلهآ ، خذلونا الإثنين ، ويلي و وادواردو مآحققوهآ للأسف ! آمآ كآريو إلى الآن ماندري s13s المجموعه كامله ومن ضمنها كاريو كانو قدهآ في ربع النهائي :ba: وصلنا لنصف النهائي ، الحمدلله باقي السد ونلعب ع النهائي ان شاء الله ، ننتظر ونشوف وإن شاء الله خير ! طبعاً هذآ مآيمنع أن ويلي + إدواردو من ضمن أفضل الاجانب اللي مرو بتاريخ الهلال على الأقل على المستوى المحلي ، مآفيها جدال الله يوفق الزعيم الملكـي ! |
سلطان يابعد راسي.. ماعمري أبثرت المنتدى بلاعب إلا هالاثنين ههههههه صحيح إن بكل موضوع عنهم أكتب عنهم.. بس والله أكتب من حر ما أوجس.. أحترم جميع الآراء.. و لا أتدخل برأي شخص نهائياً.. بس مرات تنحد تتكلم.. أنا كاريلو و جيوفنكو على قلة فايدتهم مقارنة بأسعارهم.. ماتكلمت بهم لين شفت بعض الجماهير تتكلم عن الاستغناء عن ادواردو .. عجزت أستوعب .. كيف أهم لاعب عندك تطالب باستبعاده مع إنه بالأرقام أفضل من الاثنين هذولا.. و هو يلعب بمركز جديد و مهام جديدة.. هنا بدت المشكلة مع الاثنين.. على لعبهم و تضييعهم .. أشوف الناس عادي ساكتة و ماسكة جلد باللاعبين الثانين.. نفس الموضوع تكرر مع جحفلي.. محيطينه من أول ماستلم الريس محمد بن فيصل السمة الماضية.. بدون أي سبب .. مع إنه قبل يشوتونه للدكة آخذ أفضل مدافع للسنة.. تخيل تاخذ أفضل مدافع .. ثم بداية السنة تمسك الدكة.. لأن الجماهير مايحبونه.. ومسك مكانه البليهي.. وضاع علينا مدافع ممكن يشكل مع البليهي أو المفرج أو الحافظ قلوب دفاع تستغني به عن الأجنبي.. انا مهب مشكلتي مع كاريلو و جيوفنكو.. ماعندي مشكلة يلعبون.. جيوفنكو لاعب كبير و جت فترة قبل يروح للدوري الأمريكي تمنيته يجي.. بل حتى وهو بالدوري الأمريكي تمنيته يجي.. بس الرجل جاء و عمره بالثلاثينات.. مع مدرب يصر إنه يخليه يدافع و يهاجم.. وهو لاعب قصير ماله بالمشاكل بنص الملعب.. لا يضرب راس و لا يقطع كورة و لا هو راعي مجهود و احتكاكات.. شلهوب رقم اثنين .. طيب خله مهاجم اللي هو مركزه باخر عمره.. خله جناح مركزه بالبدايات.. وش سوى المدرب؟.. لعب بادواردو بمحور.. وبنص الملعب..! طيب خله احتياط و العب بناصر الدوسري اللي هو افضل من ادواردو بهالمركز.. و خل ادواردو يلعب كورقة رابحة بديل لجيوفنكو.. او خله مداورة بينهم.. المردود ياسلطان هو اللي أبيه.. هل عشرة مليون يورو تقابل مستوى كاريلو و مردوده؟. هل جيوفنكو بمركزه الحالي يقدر يلعب تسعين دقيقة؟؟.. ولكن انا ماراح أقول شيء إلا نهاية الموسم.. وصدقني لو انفجروا بكون أسعد هلالي على وجه الأرض.. لكن من خلال خبرتي اشوف بيبقون على نفس الحال.. مباريات يغيبون و مباراة يظهرون.. وانا بخلي الحكم النهائي بعد نهاية الموسم.. ولا راح اقول بهم شيء لو ينكبوننا عشر مرات.. موسعن صدري.. و الهلال ماوقف على ادواردو و لا على كاريلو و لا على جيوفنكو.. والمناسبة.. مسيرة ويلهامسون افضل بكثير من كاريلو.. لعب لأندرلخت و لروما الايطالي و مثل المنتخب السويدي باكثر من سبعين مرات دولية.. غير إنه لعب للهلال أربع سنوات كان نفاثة هلالية و أرقامه نارية.. |
إقتباس:
بمقارنة العائد الفني للإثنين مع أسعارهم تجد أنهم لم يقدموا ( حتى الآن ) ما يجعلهم يستحقون هذه المبالغ الباهظة ..! لكن الكرة في ملعبهم وإن شاء الله إنهم يجبروننا على تغيير آراءنا و قناعاتنا .. الله يكتب كل ما هو جميل لأزرق العاصمة .. :: |
، *أنا كاريلو و جيوفنكو على قلة فايدتهم مقارنة بأسعارهم ماتكلمت بهم لين شفت بعض الجماهير تتكلم عن الاستغناء عن ادواردو هذي المشكله ، كاريو وإدواردو سمن على عسل والله ما درو بالجمآهير والمقارنات اللي قاعدين نسويهآ ، ادواردو انا آشوف انه اخر موسم ممكن يلعب بالهلال ، آتوقع ! *نفس الموضوع تكرر مع جحفلي محيطينه من أول ماستلم الريس محمد بن فيصل السمة الماضية بدون أي سبب السبب https://www.youtube.com/watch?v=T7dt3Skj1Yw *بس الرجل جاء و عمره بالثلاثينات مع مدرب يصر إنه يخليه يدافع و يهاجم وهو لاعب قصير ماله بالمشاكل بنص الملعب..لا يضرب راس و لا يقطع كورة و لا هو راعي مجهود و احتكاكات طيب خله مهاجم اللي هو مركزه باخر عمره خله جناح مركزه بالبدايات..وش سوى المدرب؟..لعب بادواردو بمحور.. وبنص الملعب..! جوفينكو يلعب خلف المهاجم ولا احلى و يلعب جناح بس مو ذاك الزود ، مركز المهاجم الثاني هو السبب اللي خلاه يترك اليوفي ! المدرب يلعب 442 وكان يخليه مهاجم ثاني وعلى كلامك ماهو حق احتكاكات و بالدوري الإيطالي بعد يعني المدرب ورطه من الآخر وكان قاصد هالشيء ! وفعلاً طفش وما قدر يقدم نفسه وراح اعاره لين طار المدرب من اليوفي وعوّد لهم ، بالمناسبه ، مدربنا أثبت لي انه خيق بيق في التغييرات امام الفيحاء طلع قوميز وأشرك كنو طلع العابد واشرك كآريو ، صار جوفينكو مهاجم مع خربين وادواردو وكاريو اطراف وخلفهم كنو وكويلار عفس الدنيا والله ، مفروض قوميز يقعد ويطلع سيبا ويدخل كنو ويطلع خربين ويدخل كاريو ويصير ادواردو خلف المهاجم وكنو محور جمب كويلار والعابد وكاريو اجنحه ، لكن مشش حالك ! *مسيرة ويلهامسون افضل بكثير من كاريلو لعب لأندرلخت و لروما الايطالي و مثل المنتخب السويدي باكثر من سبعين مرات دولية.. ويلهآمسون نفآثه آنآ معآك ، لكن هل النفاثه جآبت لي آسيآ ؟ مسيرة ويلي مع إحترامي له كآنت فقط في أندرلخت البلجيكي ، وكلنا نعرف الدوري البلجيكي و بالمنآسبه آنآ أسميه دوري الجاليات مع كل الإحترام لكل الجاليات ، ولكن هذي حقيقه باقي مسيرته قضاها إعاره في دوآري اوروربا ، مآآثبت نفسه فعلاً في فريق غير أندرلخت ! راح الدوري الإنقليزي بالعآفيه لعب 8 مباريات ثم طقو عليه الإنجليز ! المنتخب السويدي والله من كثر اللعيبه اللي بآرزين من ذآ الدوله ؟ مآفيه آصلن أبرزهم كان لاعب في الارسنال الوسط مايحضرني اسمه واللي ملخ في منتخبنا 94 برضه نسيت إسمه و ابراهيموفيتش ، يعني محدوده الخيارات في ذا المنتخب اللي مدري وش وضعه ! كآريو آنآ مآبتكلم عن البلاوي اللي عملها مع سبورتينغ وبنفيكآ ب الدوري البرتغالي ، اليوتيوب مليان لكن يكفيه تجربته مع واتفورد في البريمير ليج و 30 مباراه يشارك فيها في أقوى دوري في العالم ! اليوتيوب والله مآيخلص من مقاطعه ف الدوري الإنقليزي ، لكن الفكره وين اللآعب هذآ آنآ عندي إحساس إنه بيعمل عمايل بس الجمهور يطوّل باله ومآيقارنه بأي لآعب سابق نفس الفكره تنطبق على كويلار ومقارنته برادوي ، جوفينكو ومقارنته ب إدواردو ! تحيآتي لك ، وبالتوفيق للزعيم الملكـي ! |
إقتباس:
------------------------------------------------------- |
| الوقت المعتمد في المنتدى بتوقيت جرينتش +3.
الوقت الان » 09:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd