|
شخصيا مع قرار إعارته بعد تجديد عقده وإن كنت أتمنى إعارته للاتفاق لأن فرصة مشاركته أساسي أكبر فالدكة تنهي اللاعب والمشاركة تطور اللاعب وبما أن المدرب لم يضعه من خياراته لذلك إعارته أفضل |
إقتباس:
أول مرة أشوف لاعب مصاب جالس بالدكة ..؟ يمكن ناوين ينزلونه للملعب بعكازاته !! للمعلومية : المفرج لعب مع التعاون 18 مباراة بالدوري + 6 مباريات في كأس الملك ! وتم إختياره كأفضل لاعب بالموسم بناء على نجوميته بالدفاع التعاوني خصوصاً أمام الفرق الكبيرة ومنها الهلال ! أما مسألة إن إختياره تم بناء على تصريحاته ضد الهلال فهذا عذر البليد مع كامل الإحترام لك ! طيب ليش ما فيه لاعب نصراوي أخذ أفضلية الموسم بدال كنو ..؟ وين جمهور الفقر عن لاعبيهم ! ::::: |
، 30 مباراه في الدوري لكل فريق ، فيها 2700 دقيقه متعب لعب 1354 دقيقه ، معدل 45 دقيقه في المباراة يعني شوط واحد التعاون لقم هدف في كل 45 دقيقه شارك فيها متعب المفرج ؟! اللآعب أرتاح وماشارك في 1346 دقيقه ، يعني نص دوري متعب مريّح كِنه لعب دور واحد والدور الثاني إجازه ! ثم جاك بعد ماخلّص الدوري ، لعب في كاس الملك 6 مباريات وطبعاً كله نشاط وحيويه ، و بالدم ؟! ثم إصابه مدري كيف جاته وتأهيل في المعسكر على حس الهلال و هو أصلن مرتآح مالعب الموسم كله ، هذي عجزت أفهمهآ والله ! المهم ، عشآن نبسّطهآ له ولمطبلين معه من أصل 3240 دقيقة مع الشباب في الدوري وكاس الملك متعب لازم يلعب أقل حاجه 2500 دقيقه عشآن يرجع للهلال ؛ وإلآ أحسن يمددون إعارته موسم ثاني ، المجاملات مآتصلح ! الله يوفق الزعيم الملكـي |
تم التجديد معاه بـ آوآمر آلوآسطه ولآ آللي مثل آلمفرج تنسيق آو بيع عقد |
إقتباس:
دفاع الهلال أو دفاع التعاون ..؟ شف كم لقم الهلال وكم لقم التعاون من أهداف وراح تدري من الأفضل .. أما سالفة ( مطبلين ) أتوقع إننا لو نطبل للمفرج فهو يستاهل لاعب حصل على جائزة أفضل لاعب بالموسم وحقق إنجاز يستحق الشكر والإشادة .. كل التوفيق للمفرج .. مدافع المستقبل للزعيم .. ::: |
إقتباس:
اخ عبد العزيز قل سلاما انا من شفت الرجل قام يألف تصويت النصر وخرابيط بطلت النقاش هذولا ممكن يقولون أي شي عشان يفوز بالنقاش حتى لو كان ضد مصلحه الهلال سواءً بقصد أو بدون قصد هو والي معزز له |
إقتباس:
، الهلال 33 هدف في مرمانا ، التعاون 31 هدف في مرماه الفرق مره كبير هدفين ، لكن بالدرجه الأولى ترآ يهمني الفريق مآيخسر مباريات و نقآط لأن الدوري يحسم ب النقاط ، التعاون خسر 6 مباريات ، والهلال خسر 3 مباريات دفاعنا احسن من دون متعب ، اخسر 3 ولا أخسر 6 أخسر 9 نقاط ولا أخسر 18 نقطـه ، ليش المجآمله ؟! على مآقلت إن شاء الله إنه نجم المستقبل ، لكن الصرآحه حلوه متعب لازم يثبت نفسه ويلعب اقل حاجه 2500 دقيقه مع الشباب اما جائزة مسلي الفقرآوي مآهي مقياس ،على الأقل بالنسبه لي ! الله يوفق الزعيم الملكـي |
إقتباس:
التعاون مثل الهلال قبل الفريق كله يدافع ... نقول لك المشكلة أكبر من الأسماء حتى لو جبت أفضل المدافعين ما دام الوسط مكشوف ما يغطي تبي تعاني مهما كان حجم المدافعين... أولاً الكلام كان غير ما فهمته أيها الفلته كنا نقول المفروض اللاعب الصاعد يعطونه فرصة ولكن يحفزونه يثبت وجودة يشارك في مباريات ويحاسب على الاخطاء حتى يتم صقل موهبته يوسف الثنيان على جلالة قدرة مرمطوه سنة حتى أثبت وجودة وحتى المنتخب كان اللاعب تطلع روحه علشان يلعب في المنتخب يعني يحكمون عليه من موسمين او ثلاثة كاملة الحين من أول مباراة يبرز ياخذونة وبعدها يرجعونه والأمثلة كثيرة حتى على المستوى العالمي أول ما عرف العالم رونالدو مع منتخب البرتغال كان سبق له الانضمام لفريق مانشستر يونايتد ولكن يصقلون موهبته حتى صار لاعب من الذهب شغل العاطفة وابرز مباراة ويخلونك أساسي وكأنك في برنامج سباق مع الزمن هذا انتاجه أيام فكرنا كان الهلال مسيطر محليًا وآسيويًا بأسماء أقل من هاللي أزعجتونا فيهم ننتظر أيام فكركم العبقري مع كل هذه الأسماء ماذا يصنع المجال مفتوح أمامكم المهم لا تصيرون ساندويتش للفرق مثل العالم الماضي |
إقتباس:
ربما يكون هناك شي لا نعلمه عن المفرج يجعل البعض يفضله على الهلال ولو قلت لنا ربما نتفق معك للعلم أثناء تجديد العقد رفض لبس تيشرت الهلال ! |
إقتباس:
صحيح |
اعارته لاكثر من فريق وابدعه معهم هذا دليل قدرته على التكيف باي جوا وافضل شئ صقل موهبته ليجعل جميع ما تعلمه يطبقه بالهلال |
إقتباس:
السالفة مو تطبيل لأحد ولا مع أحد ولا صد احد كان عندي رد وانحذف مع انه رأي فني بحت لك يتكلم عن أحد والظاهر فيه لوبي في المنتدى لكن بما إنها المشاركة الاخيرة لي حبيت أوضح 1- الكل يتفق ان بروز لاعب مع فريق مو معناته أن يبرز مع فريق آخر 2- مشكلة الهلال لم تكن الأهداف تعكس سوء الدفاع كأسماء لكن يتحملها القريق كله وكنا نصيح ووضعنا كم هدف وكم هجمة على الهلال ونقول ان المشكلة الاولى الوسط مكشوف انت تهاجم بالأظهرة ووالوسط ما يغطي وتركيز اللاعبين في الوسط على الادوار الدفاعية صفر 3- اذا عالجوا مشاكل الوسط وتغطيتهم الدفاعية تطلع مشاكل الدفاع ,,, ساعتها يمكن تفكر تغير الدفاع كأسماء السالفة ليست في لاعب وعمر الهلال ما وقف على لاعب فيه لاعبين يبرزون مباراة ويختفون خمس وأغلبها مبارايات حسم ... واذا سجل هدف قلنا عنه لاعب حسم اللاعب أداء ومهام تسعين دقيقة فالهلال على ادائه الدفاعي السيء ما تفرق معه وجود المفرج من عدمه ... وصدقني لو لعب للهلال في هذا الجو الملخبط يبي ينتهي لانه مع كل هجمه يكون في الواجهة ولو لقمنا أهداف يقولون هو السبب حتى لو المشكلة من بدايتها مع خط الوسط ,,, اللي تابعوا الهلال من سنتين وصاروا محللين ياخي كل شوي هاشتاج كاريو - وهاشتاق ادواردوا وغيره وغيره تتوقع المدرب ما شاف اللاعبين والا ما يفهم والا والا والا ترى الهلال اذا لعب بمتظومة متكاملة يلعب بمدافعين مغمورين وأقل منهم مستوى وينتهي الدوري بــ 6 أهداف في الدوري والكاس وفازوا بجوائز أفضل لاعب في دورة الخليج وراحوا لفريق الشباب وانتهوا هناك مثل ماجد المرشدي لأن الهلال كان منظومة وتكتيك متكامل موهوب اسم لاعب ويوم راح للشباب ما نجح هناك .. ليس ضروري كل لاعب برز مع فريق لازم يبرز في كل الفرق تقبلوا رأيي المتواضع وأستأذنكم ونستودعكم الله وهي فرصة نخلي هالمنتدى بهذا الرأي وتذكروه زين وبالتوفيق للزعيم |
إقتباس:
( آن لأبي حنيفة أن يمد رجليه ) .. :: |
، https://2.top4top.net/p_13423idp31.png آول تمرين لنجم المستقبل مع نادي الشباب ، صفوو النيـه ؟! مآيقصد خمسة التعآون ولآ شيء ، ولد المستقبل هلالي من يومه مآ يطقطق على جمآهير نصيحة للإداره s13s بيعو عقده من اللحين هذآ مآيستآهل يلبس فنيلة الهلال بكره يخليها كبآري للفقرآويين مآ حنآ نآقصين والله ، |
احمدوا الله انه راح اعارة... عز الله انكم اخذين مقلب فيه ياعرب يامسلمين هذا لاعب اقل من عادي لو فهد المفرج ماهو في الهلال كان ما استمر وهذا احسن قرار تم اتخاذه .. ماهو طموح الهلال والله يعينهم على العقد ابو خمس سنوات ياخوفي يصير عبدالعزيز الدوسري ثاني نصرف عليه وهو يتمرن لحاله |
| الوقت المعتمد في المنتدى بتوقيت جرينتش +3.
الوقت الان » 06:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd