|
مباراة الرائد راحة وفرصة للبدلاء مباراتنا القادمة صعبة، الرائد يملك فريق جيد هذا الموسم وأمام الاتحاد كان مستحوذ على اللعب ولكن رتم المباريات ولعب الاتحاد مباريات رسمية عكس الرائد وفي جدة أثر على الرائد بالشوط الثاني. . يجب أن لا نقع بأخطاء المواسم الماضية بالبطولة الآسيوية وهي إجهاد الفريق بكل بطولة ومباراة، حتى نكون نصل للنهائي أو النهائي بفريق مليء بالإصابات والإرهاق خصوصاً أن مباراة الاتحاد الأخيرة كانت مرهقة جداً نفسياً وبدنياً وبالرطوبة العالية بجدة، وفارق ثلاث أيام فقط بين مباراة الاتحاد وبين مباراة الرائد القادمة وكلاهما خارج الأرض وسفر، وخصوصاً وفريقنا هذا الموسم يملك خط احتياط قوي قادر على تعويض التدوير. . الأهم إراحة مفاتيح الفريق بآسيا وهم قوميز ودجوفينكو وكاريلو وكنو والشهراني، وتعويضهم بلاعبين مميزين آخرين ولديهم طموح إثبات وغير مجهدين سيفرقون كثيراً وهم خربين وإدواردو وهتان وناصر الدوسري وكردي.. قوميز الموسم الماضي بالنصف الثاني أُنهك جداً والسبب عدم إراحته وعدم اللعب بالبديل بالمباريات الأقل الأهمية وخصوصاً وهو لاعب تجاوز الثلاثة والثلاثين. . إذا أردنا الوصول للمراحل النهائية بآسيا ونحن بأفضل وضع يجب وضعها كهدف رئيسي والبطولات الأخرى ثانوية والتضحية بها، وعدم الانجراف خلف جمهور وإعلام الفريق المحروم من البطولات وأنها بطولات استثنائية ووووو فقط لكي يتميزو بأي شيء عن الهلال، خصوصاً الفريق الاحتياطي حالياً قوي جداً ماشاء الله. . |
، المشكله ، حتى لو النادي ريّحهم فيه لجان وعالم من تحت لـ تحت تشتغل بخباثه ضد الهلال لآيجيب الآسيويه هذي ، تشكيلة المنتخب السعودي ضد مالي ، اليوم 5 سبتمبر عبدالله المعيوف حمدان الشمراني علي البليهي عمر هوساوي ياسر الشهراني سلمان الفرج عبدالرحمن الدوسري محمد كنو سالم الدوسري هتان باهبري عبدالله الحمدان لعيبة الهلال كلهم آسآسيين ، ضد منتخب افريقي ومباراه ودية ! وبعد خمسه ايام بيلعب مباراة رسميه ضد اليمن وأكيد كلهم أساسيين ، ثم بعدها ب 3 أيام تجي مباراة الفيحاء بالدوري ، ثم بعدها ب 3 أيام تجي الآسيويه قدام الإتحاد والراشد رئيس المسابقات يقول مافي تأجيل ، و حتى لو تأجلت ماراح يكون أكثر من يوم وآحد ! يعني إنسسى ، إلآ يرهقونهم صح دعوآتكم إن الله يحميهم من الإصابات بس ! |
إقتباس:
انت تشوووف...؟... !!!!! بيض الله وجهك.. قلت كل اللي في بالي لا إعلام الامعات ولا مسؤلين ولا غيورين تكلم عن هذا الخلل وهذا الاستقصاد للاعبي الهلال وعلى حساب الوطن وزعيم الوطن نادي الفشايل والفضايح حقق الدوري مفروض يكون جل لاعبين المنتخب منه لكن شفنا العكس تماما الهدف الاول إصابة وتعطيل كم لاعب هلالي.. هذا تفكيرهم عانينا الموسمين الماضية من إصابة الفرج وعطيف ونواف والشهراني والبريك وغيرهم مع ذلك حقق الهلال الدوري موسمين واوصلنا المنتخب لمونديال واصلنا المنتخب للنهائي الآسيوي ووقتها كان اللوبي الأصفر يلعب على المكشوف بتجاهل المنتخب واستمرار الدوري وبدأت نفسية اللاعبين تتدمر كون فريقك يخوض مباريات مصيرية في الدوري وكأس الملك والبطولة العربية ولاعبين الهلال بين مهمة وطنية ومباريات ترفيهية القصد منها انهاك منتخب الهلال كانوا يرددون منتخب الهلال فاين منتخب النصر..؟ ام ان الهلال هو البطل الغير متوج وهذه هي الحقيقة كلامك اخ سلطان يحتاج مواضيع وهاشتاقات وبتداوله المحللين الغيورين حتى تنكشف حربهم ومؤامراتهم الدنيئة على الكرة السعودية واستهداف زعيمها تحديدا |
نظرية المؤامرة و البكائيات و التظلّم إسطوانة دايماً نسمعها ..! طيب ليه الإدارة ما طلبت تأجيل مباراة الفيحاء إذا كانت خايفه من إرهاق لاعبيها ..؟ عموماً ثلاث أيام مدة كافية بين مباراة ومباراة .. وحنا إلى الآن في بداية الموسم .. يعني لا تجهزون العصابة قبل الفلقه .. كل أندية العالم عندها نفس المعاناة .. هذي فايدة الدكة القوية الجاهزة وهنا يبيّن الفريق الكبير اللي يملك صف ثاني جاهز .. :::: |
إقتباس:
، عآشق الزعيم ، آنآ شآيف وآنت شآيف والكل والله آنه يشوف ، لكن بعض منهم للأسف وصل لمرحلة الإنبطآح الإستثنآئي ، ومستمر في الإنبطآح حتى لو كلفه خسآرة الهلال لنجومه ، السكوت عن المهزله هذي ! المباراه آنتهت ، البليهي طلع مصاب على النقاله الف سلامه عليه ، هتآن 30 دقيقه وأستبدله للإرهاق الشهراني 90 دقيقه لعب ، شوط يمين وشوط يسار ! أظهرة الإتحاد كل واحد أرتاح شوط ، الغنام ظهير الفقر مرتآح ف الدكه ، بريكآن الفقر يضمه ثم يستبعده ، صرآحـه المدرب مره خطته كويسسه ! كله كوم ، واللي اختار منتخب مالي هذا كوم ثآني ماشاء الله عليه المباراه قدام منتخب اليمن تطلب مباراه مع منتخب مالي إللي شغال تكسير من اول دقيقه مع كل الإحترام والتقدير للأشقاء اليمنيين ، بس مافي تشابه بين منتخب اليمن ومنتخب مالي أسلوب اللعب والمدرسه ونوعية اللآعبين والمهارات وكل حاجه ، مرره لآتعليق ! |
| الوقت المعتمد في المنتدى بتوقيت جرينتش +3.
الوقت الان » 04:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd