محمد المجحد 👍 لاعب الفتح مكسب موهبه المستقبل - نادي الهلال السعودي - شبكة الزعيم

(Alzaeem) · #1 21/08/2019, 07:33 PM

اتمناءً جلب لاعب محمد المجحد لاعب الفتح 20 سنهً
مكسب موهبه المستقبل افعلوها

مارد الهلال الازرق · #2 21/08/2019, 11:30 PM

حتى انا اتمنى التعاقد معه ولا ندري الظروف الي حالت بينه وبين التوقيع للهلال ..
بالمناسبه اتمنى هكذا تكتب وليس اتمناءً .. وتقبل مروري واحتراماتي

كريزي · #3 22/08/2019, 03:20 AM

إقتباس

الرسالة الأصلية كتبت بواسطة مارد الهلال الازرق


	حتى انا اتمنى التعاقد معه ولا ندري الظروف الي حالت بينه وبين التوقيع للهلال .. بالمناسبه اتمنى هكذا تكتب وليس اتمناءً .. وتقبل مروري واحتراماتي

انت داخل المنتدى تدرس املاء ولا تكتب مواضيع و ردود ؟

Abu Mish3L · #4 22/08/2019, 12:00 PM

إقتباس

الرسالة الأصلية كتبت بواسطة كريزي


	انت داخل المنتدى تدرس املاء ولا تكتب مواضيع و ردود ؟

وش فيها الرجال رد على الموضوع وحب يفيد صاحب الموضوع وجزاه الله خير نشر المعرفة بطريقة مهذبه

انت وش محرق رزك؟؟

والمشكلة انك تركت الموضوع ولا رديت عليه والتفت لرد الرجال ههههههههههههه

عبدالعزيز الثنيان · #5 22/08/2019, 01:54 PM

زيادة اللاعبين الأجانب يعطي متعة للدوري لكنه
يقتل المواهب السعودية ويقتل أي فرصة للاعب الشاب
إنه يبرز أو ياخذ فرصة ليقدم نفسه !
أنا أرى المجحد إنعدمت فرصته للقدوم للهلال بعد التعاقد
مع الشهري ..
فيه لاعب موهوب جداً وأتوقع له مستقبل كبير بالكرة السعودية
إذا الله وفقه و حافظ على نفسه ..
( منذر النخلي ) مشروع نجم قادم والله أعلم !

يعطيك العافية ..

:::

sultan 07 · #6 22/08/2019, 02:19 PM

،

الفتح يتشررط على مآ سمعنآ يبغى عشرين مليون ، لكن
اللآعب ينتهي عقده في مآيو 2020 ، يعني بعد 10 أشهر !

بعد 4 آشهر من الآن في الشتويه يعني ، يدخل فترة الست آشهر
وإن شاء الله انه متفقين معه ب يوقع بدون مآيرجع لنآديه ،
الصبر يآ قوم !

وترون اللآعب ميلعب مهآجم ؟
ظهير يمين و وسط يمين و محور قدام و ورى !

الله يوفق الزعيم الملكي

كريزي · #7 22/08/2019, 05:15 PM

إقتباس

الرسالة الأصلية كتبت بواسطة Abu Mish3L


	وش فيها الرجال رد على الموضوع وحب يفيد صاحب الموضوع وجزاه الله خير نشر المعرفة بطريقة مهذبه انت وش محرق رزك؟؟ والمشكلة انك تركت الموضوع ولا رديت عليه والتفت لرد الرجال ههههههههههههه

لايتفلسف على راسي وانا ماني فيلسوف
صعبه على عقلي عقل المثقفين يسايسه

نوره زي نور القمر لكن بحالة خسوف
يبي ينور علينا بس ضلامه طامسه

ماندري الي نشوفه هو نفس الي نشوف
ولا عيونه تلبس ثياب محدن لابسه

زودتها زودن على هم اليالي والضروف
الله يلعن عقل المثقفين ويلعن خامسه

عبدالعزيز الثنيان · #8 22/08/2019, 06:30 PM

إقتباس

الرسالة الأصلية كتبت بواسطة كريزي


	لايتفلسف على راسي وانا ماني فيلسوف صعبه على عقلي عقل المثقفين يسايسه نوره زي نور القمر لكن بحالة خسوف يبي ينور علينا بس ضلامه طامسه ماندري الي نشوفه هو نفس الي نشوف ولا عيونه تلبس ثياب محدن لابسه زودتها زودن على هم اليالي والضروف الله يلعن عقل المثقفين ويلعن خامسه

ههههههههههههههه
صح لسانك ي الغالي ..
والله اليوزر نيم ظالمك ( كريزي ) ..
إنت المفترض يكون يوزرك ( الشاعر ) .. ( العاقل ) ..

تقديري لك الله يسعدك ..

::

CHARIZMA · #9 22/08/2019, 08:09 PM

إقتباس

الرسالة الأصلية كتبت بواسطة كريزي


	لايتفلسف على راسي وانا ماني فيلسوف صعبه على عقلي عقل المثقفين يسايسه نوره زي نور القمر لكن بحالة خسوف يبي ينور علينا بس ضلامه طامسه ماندري الي نشوفه هو نفس الي نشوف ولا عيونه تلبس ثياب محدن لابسه زودتها زودن على هم اليالي والضروف الله يلعن عقل المثقفين ويلعن خامسه

ضلامه تكتب ( ظلامه )
الضروف تكتب ( الظروف )

واللعن في الإسلام حرام ..

وهذا موقع الشيخ ابن باز للفائدة لي ولك وللغير ...

ثائرالهميجان · #10 21/08/2019, 11:54 PM

وعبدالله اليوسف ظهيرهم الأيسر أيضا خيار جيد للهلال

نجم سهيل1424 · #11 22/08/2019, 11:42 AM

الهلال لايفاوض اللاعب الا بعد مايصير بالمللللللايين
بالامس رأيت لاعب الهلال السابق نايف كريرررري مع احد
كان نجم المباراة الاول جهة يمنى كااااملة ماشاء الله
فرط فيه الهلال ..... وقد يعود ولكن بالملااااااااااييين

الدونجوان الأزرق · #12 23/08/2019, 07:59 PM

ياليت الهلال ما يفاوضه
مع ان اللاعب جيد
ولكن كالعادة الهلال يفتح عيون الفرق الثانية على أي لاعب يفاوضه ويطير لواحد منها
خله في الفتح أبرك
تعودنا فشل المفاوضات من زمان

(Alzaeem) · #13 24/08/2019, 03:20 AM

يشباب يعطيكم العافيه علي الردود الطيبه
المعذرة منكم جميع كنت مسافر
اما علي اخطاء انا كنت مستعجل شويه وكاتب الموضوع
علي عجله من امرى من الجوال
انتم عاد لادققون المور هذي حاول انك تجنب
المهم نرجع علي الموضوع اللاعب اشوفها لو الادارة
تاخذها علي سبيل الاعارة بديل عطيف المصاب
يكون امان الوسط ونفع بضل التخلي عن عبدالعزيز
احمد اشرف