لماذا يفشل المفاوض الهلالي في آخر اللحظات كلفوا سامي أم العضو الخفي لا يريده
 

من تتبع مفاوضات الهلال ليس فقط محليا بل حتى خارجيا يرى أمرا عجيبا حتى وصل الأمر لأول مرة تزوير تقارير إصابة النجم عموري مهاترات لا نسمعها إلا عندما نكون طرفا في المفاوضات لماذا لا يبحث عن المتسبب ويحاكم لماذا لا يكون سامي الجابر هو المسؤول عن ملف التعاقدات خصوصا خارجيا .

الهلال يمكن الفريق الوحيد اللي المفاوضات اللي يسويها كلها أكشن و شيل و حط ..
المفاوض الهلالي ضعيف .. و يحب المكاسر .. و تمغيط المفاوضات لين الرمق الأخير .. ثم يضطر يدفع ماوراه و دونه علشان يلحّق على لاعبين أبو نص عمر ..

المفروض فيه احتياج فني .. و فيه لاعبين أهداف رئيسية .. إذا اللاعب وافق على الانتقال و باقي التفاوض المالي .. ميخالف حقق رغباته إذا اللاعب فعلاً مطلب ..

الهلال الحين يفاوض أدميلسون .. واللاعب الصراحة براس كاريلو و اثنين معه .. والمفروض يقولون له كم تبي؟ .. و يدفعون له ..
بلا فلسفة و مكاسر و بالأخير تنحد على كاريلو ب15 مليون يورو .. وهو أقل مستوى من أدميلسون بعشر مرات ..

الله يذكر وقت ابن مساعد بالخير .. شبيه الريح .. طق لك ويلي و نيفيز و جابهم لك بخشم الريال ..

إذا .. إذااااا .. الميزانية ماتسمح .. وتحس إنك مجبور على أبو قرش ..
مهب لازم تستغني عن كل لعيبتك .. جب لك لاعبين أو ثلاثة من فئة الخمس نجوم ..
و خلك على عموري و إدواردو وجيوفنكو و قوميز و بوتيا .. ميخالف مش بهم حالك لين الفترة الشتوية ..
على الأقل هالخمسة مستواهم معروف .. بأسوأ أحوالهم ماراح يكونون سيئين و مقالب ..

لكن أدميلسون و حارس مرمى متمكن لازم يجون .. ضروري يجون ..

صحيح الله يذكر زمان ايام كان الهلالي يخلي الأندية نفحط وقبل نهاية الصفقة يجي شيك مفتوح بالمبلغ اللي يبيه اللاعب

طيب وكيف تبون ترجع ايام أول واعضاء الشرف اللي في امه خير يقدر يعتب برجوله للنادي مو بس يدفع .... اول مكالمه الصبح العصر الشيك جاي مع المندوب وهذي قوة الهلال وعرفوا كيف ينهون ويقضون على هالقوة .... الي ان تتحسن الامور او تزول الاسباب لن يقارع الهلال كما كان .

الهلال يُتجه بِه
الى أن يكون فرع للملكة
يعني سيتحول الى موسسة
للكسب المادي
ما هذا.....؟

باذن الله الفوضى اللي صارت العام الماضي والتدخلات واللجان الفاسده لن تتكرر والرئيس يعرف الهلال جيدا ويعرف جمهوره ويعلم ويعي تماما ان الجمهور لايعترف الا بالطولات لذلك انصحكم بالصبر والتروي واوكد لكم ان مايشاع بالاعلام 99% منه اشاعات هدفها اشغال المسئولين بالنادي وارباكهم في تاديه عملهم من خلال ضغطكم عليهم

ننتظر وبدايه الموسم سيتضح الحقيقه الكامله ومهما كان هناك من اخطاء فسيتم تجاوزها طالما هناك عمل لاصلاحها بما يخدم الكيان

سياسة التعاقدات الهلالية هي نفسها من سنين والتأخير هذا الموسم سببه حضور مدرب جديد وإدارة جديدة رغم انه اذا صح أن المفرج هو المستشار الفني فهذا يعني فشل الادارة حتى وان استانسوا براي التمياط .
التخلص من جينيك والحبسي وبنشرقي جيد ولكن يجب أن يكون العمل من شقين بيع بوتيا وسوريانو وادواردو والتعاقد وليس التفاوض مع كاريلو أو ادميلسون ليتسنى للمدرب تجهيزه للمباراة الآسيوية ثم حسم موضوع عموري والاتفاق مع حارس وان تاخر توقيعه بحيث يصبح اللاعبون المشاركون اسيويا جاهزين مع المدرب جانق وجوفينكو وقوميز وكاريلو أو ادميلسون ويكون لدى المفاوض خيارات ووقت للتوقيع مع الخيارات الأخرى والتي أيضا يفترض أنها معروفة حارس تقريبا بيدرو وعموري اليوم يتحدد مصيرة وخربين أو بديلة حسب طلب المدرب .

لم نقل ترجع لكن من له حيلة فليحتل

الله يرضى عليك دنيا واخره ويرحم والديك ومن يقرأ عن النار .
الحيله الوحيدةعلى كلامك هي ( ابرام العقود التي تصرف على امور النادي )
واللي الادارة كل يوم تفرحنا بعقد اطلق من الاخر .
والعلم عند الله ان الكاش قليل جدا او لازال ممنوع من الدخول في حسابات النادي .

خاااف الله يا رجل ..... بعد كل هالعقود للنادي وتقول هالكلام !!!!

آمين ومن كتب وقال اقرأ وسمع

اخواني الزعييم بخير
ولكن نريد الصبر وعدم التسرع
صدقوني الادارة سوف تعمل المستحيل من اجل الزعييم
المدرب جديد والتخلص من بعض اللاعبين والتعاقد مع لاعبين
كل هذا تعمله الادارة
الله يعطيكم الف عافية اصبرو وانتظرو
وربي يوفقكم ويوفق الزعييم اللهم امين

ايه هالعقود هي اللي بتحولنا لشركه اسثماريه