الشلهوب ماعمره كان لاعب يشيل فريق ميّت ..
لكنه أسطوري مع الفريق الحي .. و رقم لا يمكن تغييره في حالة كانت المراكز قوية .. و يعتبر من أهم اللاعبين ..
الشلهوب أفضل صانع لعب حالياً ..
عمره قارب الأربعين لكنه يحط لك كور أنت و ضميرك.. ومتى ماكان معك مهاجم صاحي تلقاه يمطره مطر بالكور المقشرة ..
من الظلم مطالبة الشلهوب إنه يشيل الفريق و عدم مطالبة غيره !..
كاريلو وش سوى هالموسم بكل أمانة !؟ ..
بعد نهاية الموسم وش محصلته ؟! ..
كنت أقول أصبر لين ينتهي الموسم و نتكلم بالتفاصيل .. و لكن كاريلو كان لاعب تأثيره أقل من غيره بكثير ..
و تقدر بهتان باهبري تسد مركزه و أنت تضحك ..
لاعب يمطرس بالكورة و يراكض على غير سنع و أناني .. لاعب استعراضي بحت ماينفعك وقت حاجته ..
مقارنة الشلهوب بكاريلو ظلم للشلهوب .. خاصة هالموسم ..
الشلهوب في كل موسم من عشر سنوات و كل ماخلصنا موسم وإلا خسرنا بمباراة حطينا اللوم عليه ..
بس بمنطقية .. هل الشلهوب أساسي؟ .. هل الشلهوب آخذ خانة لاعب يستاهل؟ .. عطوني لاعب واحد الشلهوب آخذ مكانه ..
لا تقولون لي ناصر الدوسري و باقي أنصاف اللاعبين ( مواهبنا
) .. الشلهوب من سنين احتياط و مايلعب إلا في حالة إصابة سبع لاعبين بالوسط ومابقى غيره ..
إلا إذا تبي تكدّس لاعبين أبو نص ريال بالفريق علشان ماتقول الشلهوب آخذ خانة على الفاضي .. !
شباب .. أتفهم لو كان الانتقاد للاعب ماسك أساسي وجايب العيد مثل البريك و البليهي و فيه بدايل لهم طردناهم مثل البقعاوي و المفرج و غيرهم ..
بس الشلهوب !! .. الشلهووووب !! .. ياحول ياذا الآدمي .. حتى وهو من أيام كوزمين احتياط و بديل يجلدونه جلد ..