كشفت تقارير عن سعي إدارة نادي الهلال، لضم اللاعب السنغالي بادو ندياي.



وذكرت التقارير أن الهلال قدم عن طريق وكيل اللاعبين الفرنسي ” وليام دافيلا ” مبلغ 12 مليون يورو للتعاقد مع الدولي السنغالي ولاعب غلطة سراي ” ندياي ” .

وش هو من لحيه

لايطلع جيوفنكو اخر

هذي مشكلتنا..
نجيب لاعب من ديرة ثم نصير مانعرف غير هالديرة..
الهلال يفاوض لاعبين من تركيا و النصر و غيره جابوا لاعبين من تركيا..
الهلال جاب بن شرقي ثم النصر جابوا حمدالله و مرابط..
الهلال جاب من رومانيا رادوي ثم بعده هو و النصر جابوا رومانيين..

ترا اللاعبين كثر التراب.. و فيه لاعبين أسعارهم رخيصة أفضل بمليون مرة من هاللاعبين..
اقل شيء لاعب موهوب رخيص يجيك يحرث الأرض علشان يثبت نفسه..

شف محترفين التعاون.. بقرش بس قدموا عطاءات قوية..

راح نسمع كل يوم طوال فترة الاجازة أسماء لاعبين وأنباء تفاوض الهلال له ومع ذلك يحتاج القرار إلى التعاقد مع مدرب واختيار رئيس ثم التعاقد مع اللاعبين وسيبقى جينيك وجوفينكو وقوميز وعموري وخربين وبنشرقي عقودهم مستمرة وكاريلو هناك مفاوضات معه وربما حارس البيرو كما يشاع قريبا من الفريق لذلك الاجانب نحتاج مدرب يقرر بشأنهم بشكل عاجل

فيه بانيقا الارجنتيني اتمنى هاللاعب يجي للهلال

من الحين لين بدايه الموسم بنسمع عن صفقات ولاعبين لا يحصون وبالنهايه كلها اشاعات اتمنى عدم تداول مثل هذي المواضيع

إقتباس الرسالة الأصلية كتبت بواسطة الباشوتي وش هو من لحيه لايطلع جيوفنكو اخر

اخوي جيوفينكو اسطورهه وانا من متابعينه لما كان هنا بكندا بصراحه الاعب اسطوري وكنت اتمناه يجي للهلال وماكنت ابدا متخيل ان ممكن يجي لكن للامانه اللي صار طول الموسم مو طبيعي 3 ادارات و3 مدربين تخلي الفريق كامل مو بس لاعب ولا لاعبين الفريق كامل في هبوط بالمستوى عشان كذا دايم نطالب بالاستقرار الفني والاداري

بالنسبه للاعب الذي تتحدث عنه شاهدته واعجبني مستواه ممتاز ولكنه غالي السعر

وبالنسبه لأجانب الموسم القادم لو الأمر بيدي لن يبقى من الأجانب سوى إدواردو وقوميز وكاريلو وخربين

نفس الأخطاء عام وراء عام ... ما يهمنا المراكز التي يحتاجها الفريق لا النجوم المتوفرة لذلك كان تكدس اللاعبين في خانات محدودة وبالتالي عدم الاستفادة منهم ... خانة هذا السنغالي تعج بالنجوم ...
ما يحتاجه الهلال ببساطة:
- حارس على مستوى عالي.
- قلب دفاع سريع يجيد العاب الهواء كوستا الاتحاد.
- محور شرس مدفعجي.
- صانع لعب ... عموري.
- طرف يمين ... كاريلو.
- طرف يسار يجيد اللعب ظهير وطرف سريع مهاري.
- مهاجم ثاني (خربين ... جيوفينكو).
- مهاجم صندوق ... قوميز.

إقتباس الرسالة الأصلية كتبت بواسطة هلالي زمان كشفت تقارير عن سعي إدارة نادي الهلال، لضم اللاعب السنغالي بادو ندياي. وذكرت التقارير أن الهلال قدم عن طريق وكيل اللاعبين الفرنسي ” وليام دافيلا ” مبلغ 12 مليون يورو للتعاقد مع الدولي السنغالي ولاعب غلطة سراي ” ندياي ” .

اخبار صيف وياما بتسمع اشاعات ..
الهلال بدون ادارة و لا مدرب كيف يفاوضون!!!
خذها من الاخر .. مافيه مدرب او لاعبين قبل مايجي للهلال رئيس
اذا ترشح رئيس وبدأ راح يوقع مع مدرب اولا ثم المدرب راح يختار اللاعبين

محور دفاعي جيد
بس الرؤية عنده والصناعة ليست جيدة