السلام عليكم ورحمه الله وبركاته

اللاعب كاريللو:
هو ليس هداف مثل ويلهامسون ولكن اشيد باللاعب هجومياً ومستواه تصاعدي والان اصبح من ركائز الفريق ومرتداته زي السم
ولكن دفاعياً اتمنى منه مسانده اكبر للظهير
وقد يتحسن أدائه بعد جلب محور دفاعي صلب يعفي الأجنحه عن الأدوار الدفاعيه

وبالنسبه لبوتيا:
مدافع سيء جداً جداً جداً وتتعب وانت تعد عدد المباريات الي نكبنا فيها
ونكب الفريق في أغلب المباريات ماعدا مبارياته أمام الإتحاد !
اتمنى مشاركه جحفلي مع البليهي لأنهم متفاهمين ودفاع الهلال شكله صلب بوجودهم الاثنين

اكرر ماهو مكتوب بالعنوان:
اعتذر على نقد كاريللو واطلب الاعتذار من الشخص الذي نكب الهلال وجلب اللاعب بوتيا !


وسامحوني على الإطاله

وشكرا لكم

هو ليس هداف مثل ويلي ..لكنه يقوم بإدوار اكثر من ويلي والتجديد معه يعتبر من بطولات الموسم اما دفاعيا لا اتفق معك بالعكس ماعمري شفه جناح يهاجم ويدافع بنفس القوه والشراسه طوال المباراه

والله شوف تبي الجد الاعبين اللي جبتهم من اوروبا عطهم مستحقاتهم ووقع معاهم مخالصه وعفى الله عما سلف

وجيب لنا لاعبين يقدرون يعيشون في اجوآنا هذا مستواهم ولسى الحر ما شرف وش بيسوون لك في درجة حرارة اربعين ورطوبة عاليه تخنقك

ايش المشكلة لو تجيب لاعبين عرب متميزين هذا الانصاري لاعب الاتحاد السابق والفيصلي مبدع ماشاءالله وعندك خربين اللي ابعدوه والله روحه عن اجانبك كلهم

شوف هم اثنين وما اتوقع تلاقي مثلهم اتوا واحدثوا فارق بالهلال ويلي ورادوي عندك اللي يجيب مثلهم ولا لاتجيب اوروبي

كاريلو لاعب جيد وبوتيا سئ هذا مفروغ منه لكن مشكلتنا في ازدواجية الادوار بالنسبة لادواردو وجوفينكو نفس المركز وستايل اللعب وايضا قوميز وسوريانو نفس المركز وستايل اللعب ولو شاركوا سويا يعني تلعب ناقص لاعب اتمنى يلعب كل واحد شوط مثلا جوفينكو وقوميز شوط وادواردو وسوريانو شوط اما الموسم القادم لازم يكون الحبسي وبوتيا خارج الفريق لكن خربين وبنشرقي أيضا سيعودون من الاعارة وعموري ايضا سيكون جاهزا وهذا يعني أن الخيارات للاجانب يجب أن تكون دقيقة وفي مراكز مختلفة

فريقك عشوائي
والله لا جيسوس ولا زوران
لا بوتيا ولا كاريلو
فريق يهاجم بطريقة دوري المدارس
ويترك الخطوط الخلفية مكشوفة
وياليت هجماتك منظمة
لكن شغل عشوائي مع ضعف في الأداء الفردي


النقطة الثانية طريقة التعامل مع اللاعب الأجنبي
مفروض من يوم يجي من مقر سكنه للنادي فقط
لا تحاول سحب اللاعب للاندماج في عادات وتقاليد البلد
سالم في فيا ريال معطينه غرفه وحمام ولا أحد يسأل فيه حتى زملائه
وعندنا حدث ولا حرج
وبالنسبة للاعب السعودي يبي له مدير كرة صارم
اما شغل الميوعه والتسيب هذا ما راح يجيب نتيجة

بوتيا في البطولة العربية شال الفريق لكن في الدوري تحس شخص ثاني في تعامله مع الأندية خاصة الضعيفة تجده سيء
خلاف مدرب تنكة كل يوم يجيب مدافع جنبه مختلف

إدواردو من يوم غير اسمه عبدالعزيز وانا غاسل يدي منه

كاريلو يريد الاستقرار على مدرب وعلى رئيس
لاعب اذا أعطاك كامل مجهوده يشيل نص الفريق

جيوفينكو احس مو عاجبه الوضع
هذولا يبي لك تكرف اللاعب 90 دقيقة
و تدريبات مكثفة حتى يعطيك نتيجة
أيضا عدم ثبات تشكيلة لاعبين الوسط أثرت عليه كثيرا

نعم بس يلعب الاسترالي وجحفلي افضل

كآريو مآفي منه ، بدون هاللآعب بالعآفية يفوز الهلال
آبرز لآعب في الهلال هالموسم كآريو ، اتمنى يجددون معه 3 سنوآت قآدمه

زورآن للحين قآعد يجآمل جوفينكو على حسآب كآريو وسالم
الفتره القادمه ماتنفع المجاملات !

لازم يرجع زورآن يلعب ب إثنين اجنحه واثنين محآور وواحد خلف المهاجم
قوة الهلال ف الآطراف البريك مع كآريو وسالم مع الشهرآني
حتى آخويه عمره 12 سنه يعرف هالشيء ، معقوله زورآن مآيعرف ؟!

محمد بن فيصل ؟ الراشد ؟ التويجري ؟
وش قآعدين تسوون آنتم ؟ وظيفتكم وشهي ؟
تدفعون فلوس ، فيه غيركم يدفع ودبل اللي تدفعونه
مآنبي فريق جديد تخترعونه ، شغل سامي وخيسوس أمشو عليه

ادواردو مع جوفينكو مع الشلهوب دفعه وحده بالملعب
وسالم ع الدكه وكاريو مره يلعب ومره مآ يلعب
سوريآنو يثبت نفسه كل مبآرآه ، فجأه يلآقي نفسه ع الدكه !
بوتيآ كل المباريات يلعب اساسي ؟
جحفلي وهقتوه مباراه اساسي ، واللي بعدها دكه ؟

هذآ مو تدوير ولا تخبيص ، هذآ عفس ام الفريق !
لازم تجلسون مع المخبص هذآ تعلمونه يبطل اخترآعآت
وتعلمونه انه يدرب الهلال مو الفقر ، فريق يهآجم يدعس
مو فريق خوآف و ضعيف وعشوآئي وع البركه !

ان شاء الله يبيضونهآ آمآم الاهلي ~

اشوف إسقاط غير مبرر على بوتيا
رغم ان أفضل أجانب الهلال هم كاريلو وبوتيا
أشوف إدواردو وجوفينكو إدوارهم غريبه
إدواردو يذكرني بمحمد نور قبل اعتزاله ع الواقف
لا اختراقات ولا راسيات زي اول
شق هجومي غير منظم
هذا ينعكس على المدافعين اللي يتحملون ضغط غير طبيعي
مع سوء مستوى البليهي وحتى جحفلي ولكن تجد النقد لبوتيا فقط
وهذا غير معقول
فيه مباريات كان الهلال فيها سيء والعبء كله على بوتيا والمعيوف والا كانت بتكون نتائج كوارثية
اتمنى نشوف ايجابيات اللاعب قبل انتقاده
أفضل مدافع يكسر التسلل هو بوتيا
أكثر لاعب يقطع كور هو بوتيا.. مع تميزه في بناء الهجمات بشكل منظم

إقتباس الرسالة الأصلية كتبت بواسطة عاشق الزعيم505 اشوف إسقاط غير مبرر على بوتيا رغم ان أفضل أجانب الهلال هم كاريلو وبوتيا مع سوء مستوى البليهي وحتى جحفلي ولكن تجد النقد لبوتيا فقط وهذا غير معقول فيه مباريات كان الهلال فيها سيء والعبء كله على بوتيا والمعيوف والا كانت بتكون نتائج كوارثية اتمنى نشوف ايجابيات اللاعب قبل انتقاده أفضل مدافع يكسر التسلل هو بوتيا أكثر لاعب يقطع كور هو بوتيا.. مع تميزه في بناء الهجمات بشكل منظم

بوتيا جيد
والعله بالبليهي
اللي ما اسرحه مع الغنم
جحفلي والمفرج افضل منه وبمراحل
شوف ارتقاءه وضربه للكرة بالرأس ( ما عندك احد ) مطامر على الفاضي

اختلاف الرأي لا يفسد للود قضية..
كاريلو من وجهة نظري لاعب فرفرة فقط.. وكثير يفقد كورته..
ولو غمضت عيوني و تخيلت مكانه سالم الدوسري أشوفه نفس الشيء..
و من العيب مقارنته بويلهامسون.. بل عيب ذكر اسم ويلهامسون بنفس الجملة مع كاريلو..
سيروتي الأرجنتيني براس كاريلو ( وجهة نظر )..

أجانب الهلال حالياً و اللي واضح قدام عيوني هم إدواردو و ديجينك و قوميز ..
الباقي ما أعطاني أي انطباع ايجابي خاصة في مباريات دق العضم واللي تحتاجهم فيه..

اتفهم عدم انسجام اللاعب تكتيكيا.. لكن فنيا يكون مستواك زفت هذا ما اتقبله..
لأن المهارات الفردية و القدرات الفنية مالها علاقة بالانسجام مع المجموعة..

اتقبل اي رأي .. لكن عطني شيء ملموس من اللاعبين المذكورين غير الركض و خسارة الكورة بشكل غبي..

الشلهوب مثال.. يدخل المباراة يغير لك شكل الفريق .. يصنع لك كور حقيقية.. مهب خمسمية عرضية و تصدف منها كورة تضرب مدافع الخصم و تجي للاعبك ..
الشلهوب صنع كورة التعادل لقوميز بتمريرة قمة السلاسة اخترقت العمق بكل سهولة ووصلت لقوميز..

البريك و كاريلو من أكثر الممطرسين بالكورة حاليا بالهلال.. وأكثر من يفتح ويطلب كور هم.. واكثر من يضيعون مجهود الهجمات هم..

امرابط مثال حي على الجناح اللي يسوي عرضيات سم داخل الصندوق بالدوري.. وبالعالم فيه كثير افضل منه.. ليه ماتجيب؟

سؤال بس لكل من يقول كاريلو مطلب..
ايهم افضل هو أو مرابط؟ بكل أمانة وحيادية اتمنى ألقى جواب..
مرابط بالثلاثينات على فكرة

نحتاج لعموري .. نحتاج لحارس بدل الحبسي.. نحتاج لجناح حقيقي بدل كاريلو.. نحتاج لمهاجم بدل سوريانو.. نحتاج لقلب دفاع بديل لبوتيا..

قارن محترفينا بمحترفين بفرق ثانية و راح يقنعك كلامي..
الهلال لازم تكون اختياراته أفضل من باقي الفرق لأنه الهلال..

إقتباس الرسالة الأصلية كتبت بواسطة ابوساري سؤال بس لكل من يقول كاريلو مطلب.. ايهم افضل هو أو مرابط؟ بكل أمانة وحيادية اتمنى ألقى جواب.. مرابط بالثلاثينات على فكرة

بكل امانه ، و بالارقآم
مرابط ، لعب 24 مباراه ، صنع 8 ، سجل 5
كاريو ، لعب 20 مباراه ، صنع 6 ، سجل 3

مرابط لعب زود 4 مباريات عن كآريو ، ؟!

صار مرابط لاعب محارب ، وكآريو لآعب فرفره
ومن اكثر اللاعبين الممطرسين

بكل آمآنه آنآ آقول لك ،
والله لو الهلال ينهي عقد كآريو ، أن السويلم على طول
يفسخ عقد مرآبط ويجيب كآريو ،
خذهآ مني ~

إقتباس الرسالة الأصلية كتبت بواسطة sultan 07 بكل امانه ، و بالارقآم مرابط ، لعب 24 مباراه ، صنع 8 ، سجل 5 كاريو ، لعب 20 مباراه ، صنع 6 ، سجل 3 مرابط لعب زود 4 مباريات عن كآريو ، ؟! صار مرابط لاعب محارب ، وكآريو لآعب فرفره ومن اكثر اللاعبين الممطرسين بكل آمآنه آنآ آقول لك ، والله لو الهلال ينهي عقد كآريو ، أن السويلم على طول يفسخ عقد مرآبط ويجيب كآريو ، خذهآ مني ~

امرابط متصدر صناع اللعب يا سلطان بالدوري .. وأفضل من كاريو بالمساهمة حسب دقائق اللعب .. بكيف المباريات.
وتأثيره واضح وضوح الشمس ..
والنصر بدون مرابط مايسوى ريال ..
كم صنع مرابط قدام الهلال فقط؟ .. هل كان له تأثير مباشر في مباراتي الذهاب والإياب

لكن خل الإحصائية على جنب .. أنت شخصياً .. من تفضل مرابط وإلا كاريو؟
والسؤال موجه للجميع ..

أنا ما أقول إن النصر يملك أفضل اللاعبين .. بس أقول لك إن الهلال يستحق أفضل اللاعبين ..
وهي وجهة نظر ياصاحبي لا تقدم ولا تأخر .. مجرد نقاش بمنتدى .. وبالأخير كلنا حبايب ..

إقتباس الرسالة الأصلية كتبت بواسطة ابوساري امرابط متصدر صناع اللعب يا سلطان بالدوري .. وأفضل من كاريو بالمساهمة حسب دقائق اللعب .. بكيف المباريات. وتأثيره واضح وضوح الشمس .. والنصر بدون مرابط مايسوى ريال .. كم صنع مرابط قدام الهلال فقط؟ .. هل كان له تأثير مباشر في مباراتي الذهاب والإياب لكن خل الإحصائية على جنب .. أنت شخصياً .. من تفضل مرابط وإلا كاريو؟ والسؤال موجه للجميع .. أنا ما أقول إن النصر يملك أفضل اللاعبين .. بس أقول لك إن الهلال يستحق أفضل اللاعبين .. وهي وجهة نظر ياصاحبي لا تقدم ولا تأخر .. مجرد نقاش بمنتدى .. وبالأخير كلنا حبايب ..

بما ان السؤال موجه للجميع لا يوجد من جميع الاجانب الحاليين من يستحق الهلال سوى السومة وداكوستا ويعتبر قوميز وكاريلو وجوفينكو في مستواهم . لكن انت تتكلم عن الارقام ودائما تسب البريك وكم لاعب هلالي رغم أن البريك وهو ظهير أكثر من صنع اهداف !

إقتباس الرسالة الأصلية كتبت بواسطة ثائرالهميجان بما ان السؤال موجه للجميع لا يوجد من جميع الاجانب الحاليين من يستحق الهلال سوى السومة وداكوستا ويعتبر قوميز وكاريلو وجوفينكو في مستواهم . لكن انت تتكلم عن الارقام ودائما تسب البريك وكم لاعب هلالي رغم أن البريك وهو ظهير أكثر من صنع اهداف !

مشكله ابو ساري يقيم اي لاعب خارج الهلال بالارقام بس داخل الهلال يختلف الوضع !
كاريلو افضل واكثر حركه دفاع وهجوم مشكلته مايحصل مدافعين يوقفون وراه يحترونه يمرر مثل الشهراني