|
اصابات نواف وسلمان وعطيف السلام عليكم ورحمة الله وبركاته عندي سؤال مو لاقي له اجابه وش معنى لاعبين الهلال الي تجيهم اصابات عاديه وتجلس بالشهور!! عطيف رجع من مشاركة المنتخب ولعب مباراه وبعدها بكم يوم قالوا اصابه كيف جاته اصابه ماندري وبدون تحديد لموعد رجوعه رجع قبل اسبوعين وقالوا جاهز للديربي وفجأه قالوا اصابه جديده يحتاج 3 اسابيع نواف العابد رجع من اصابته ولعب مبارايات ورجع لمستواه وقالوا اصابه امنا بالله رجع من اصابته وكان بقائمة زوران بالبطوله العربيه قدام الأهلي مافيه الا العافيه وفجأه قالوا رجعت له الأصابه ولا حددوا متى يرجع سلمان الفرج له شهرين مسوي العمليه والى الان ماحددوا متى يرجع هل معقول كل هذي اصابات عجز الجهاز الطبي عن علاج اللاعبين او فيه ايادي خفيه تسعى لتدمير الفريق خصوصا ان هالثلاث لاعبين من اهم اللاعبين بالفريق والي بيقول لي صف النيه احب اذكركم يتوقيع خربين مع بيراميدز وابعاد عبد الملك بحجة انه مصاب لانه رفض اللانتقال للوحدة اعتقد ان نواف وعطيف جاهزين ولكن لمصلحة الأثاره وخوفا على ناديهم من تضييع البطوله جا امر للأداره بعدم اشراك اي لاعب منهم بحجة الاصابه وتذكروا كلامي اول مايحسم النصر الدوري راح يرجع اللاعبين كلهم من الأصابه ويلعبون وفي حال وصول الهلال لنهائي كأس الملك اتوقع بترجع لهم الأصابه ويمكن معاهم جوميز .... اهم شي الأثاره... |
مافيه لاعب مايتعرض للإصابه بطرق مباشره وغير مباشره وترجع جميعها لعدة أسباب الإحتكاكات العنيفه الجهد المتواصل ضغط المبارايات التمارين التي قد لايحسنها اللاعب سواءا طالت الإصابه أوقصرت كله علم الغيب لانريد أن ندخل في الذمم |
والله انا مثلك اشوف ان في الامر ضحكه كبيرة علينا لاعب يرجع من اصابة وفجئه يرجع مصاب وهو حتى مالعب المصيبه هالكلام من سنتين ونفس الوضع والمشكلة ان النكبات مايجيهم شي مدري هي صدفة ولا شي مخطط له يعطيك العافية |
المشكله مافيه من يوضح لنا الصوره ===================== |
إقتباس:
لكن لاتنسى مباراة الزمالك وتغيير القائمه الي جا فجأه جوميز والحبسي كانوا اساسيين وفجأه قالوا اصابه وماسمحوا للهلال يلعب الا ب٥ اجانب لعيون مرتضى فما بالك للنصر فريق ال الشيخ |
سلمان الفرج له ستاب يقول بسوي عملتين في الحوض واسفل البطن وتواف العابد قالو اصاب نفسه في بيته ؟.؟؟؟؟ وعطيف عضله خلفيه ... تحس انه فيلم هندي ... عموما لا جديد من شفنا وجه ابو اثارة ولا عاد شفنا خير |
الهلال على مدار السنوات الماضيه وهو يملك اسوء جهاز طبي ولياقي أي شخص معرض للأصابه وحقيقه الأمر أن اصابة الثلاثي عطيف والفرج والعابد طالت عن الجدول الزمني وهذا يثبت لنا ان الجهاز الطبي واللياقي ضعفاء جداً لا اتفق انهم مستبعدين ولكني متأكد ان اهمال الجهاز الطبي وضعفه يتحمل جزء كبير من فقدانهم الله يعجل بعودتهم سالمين |
ليست إصابات ,, وإنما إيقاف , من جبان هل تستغرب هذا ممن أجبر اللاعبين على التوقيع لهذا الفريق أو ذاك ما معنى أن يأتي بهم أمام الفلاشات ,, ليقول لهم إذهبوا وقعوا وهم سبق لهم التوقيع لماذا أكثر من أجبر على الرحيل من اللاعبين الأساسيين هم من الهلال |
الله يكون في العون كل شيء اصبح مريب |
الغريب كان الجهاز طبي يعتبر جيداً ، والآن أصبح رديئاً بما فيه الكفاية أبحث عن السبب |
الجهاز الطبي غريب من زمااااان واللاعبين نواف العابد وعموري أتوقع والعلم عند الله أنهم لن يقدموا أكثر مماقدموه عموري 3 مرات رباط صليبي كان الله في عونه ونواف كل شوي تجيه اصابه من بعد مشاركاته مع المنتخب في التصفيات المؤهلة لكاس العالم وهو ماشاف خير يمكن حسد أو ماشابه الله يشفيه ويخليهم جميعاُ لعيون أحبابهم . |
السلام عليكم و رحمة اللة و بركاتة تقصير من جانب الأسرة او الفريق الطبي قد يكلف الكل يا نجم او اثنين و يمكن نخسر بطولة او بطولتين.... مشكورين و يعطيك العافية |
| الوقت المعتمد في المنتدى بتوقيت جرينتش +3.
الوقت الان » 04:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd