|
خسارة الديربي بسبب الادارة الحمدلله على كل حال من اكثر 5 سنوات ماشفنا الهلال بهذا السوء وخسرنا الديربي بسبب الادارة اللى كانت مشغولة في اثارة الدوري ونست الفريق وتجاهلت التهيئه النفسية للفريق الهلال دخل المباراة متشتت ضايع فاقد التركيز بسبب الادارة وتصريحتها وكان كلامها اكثر من افعالها تشكيلة المدرب اللى ماعرف كيف يقراء المباراة وسلم الفريق للخصم بكل سهوله الحبسي ( نزول مستواه الموسم هذا بشكل كبير جدا ) الشهراني ( ارتباك غير مبرر ) البليهي ( سوء التغطيه في الكرات العرضية من بداية الموسم واهم شي عنده القريتنا ) بوتيا ( تحسن كبير في مستواه بس لازال التوتر والنرفزه ) البريك ( متشنج من بداية المباراة ) سالم ( كالعادة عك في الوسط يشفع له الهدف فقط ) ديجنيك ( ضايع في الوسط ) كنو ( الغرور والثقة الزايدة ضيعته ) ادواردو ( افضل السيئين ) غوميز ( مشغول في التواصل الاجتماعي وترفيع الجماهير له ) جيوفينكو ( اقل المباريات عطاء وتحس اللاعب مايدري وش يسوي ) المباريات القادمة مافيه مجال للتقصير او الاعتذار او الحجج ( اصابات - تدوير -حكام - لجان -ايقاف .... الخ ) الفوز في الملعب فقط هو من يقربك من الدوري والكاس والعربيه واسيا بعد يجب على اللاعبين يحسون بغضب الجماهير علي المباراة و مستواهم اللي فاتت بلاش ترفيع وطبطبه وخلوها نهاية الموسم وقت الحسم الان ووقت حصد البطولات الان |
أنا أتعجب من زوران ..أي " متدرب " يعرف أن قوة الأصيفر في الأطراف والعرضيات ؟؟ لماذا لم يقفل الأطراف ويوجه المدافعين بمراقبة مرابط وحمدالله ومنع الكرات العرضيه ؟؟؟!! أين دور المتفرج مدير الكره عن مناقشة المدرب وتنبيهه بنقاط ضعف الأصيفر ؟؟؟ |
اذا كانت الادارة سبب الخسارة فلماذا تنتقد المدرب واللاعبين! عموما النصر سجل من كرات ثابته جميعها عرضيات ولكن لم يوفق بوتيا والحبسي في هدفين والهدف الثالث لو يعاد مليون مره لن يركب اما الهلال فهو سجل أيضا من ركنية وتعادل بهدف مارادوني وهو ناقص لاعب وقبل تسجيل هدف في الدقيقة سبعة وتسعين ! لو كنتم مكان النصر ولم تفوزوا عليهم خمس سنوات وش راح تقولون ؟ |
الهلال ضيعها قبل مباراة النصر ست نقاط ما حصلت منها الا نقطتين منها مباراة امام فريق هابط واكثر الفرق استقبال للاهداف ورغم ذلك عجزت ان تسجل هدف فيه وفي مباراة النصر قدمنا واحده من اسوء مباريات الهلال في اخر ثلاث مواسم من متى النصر يمسك اللعب ويضغط على الهلال ورغم ذلك تتعادل مرتين وانت ناقص وللاسف تخسر في اخر دقيقه بسبب عدم التركيز من الدفاع والحارس واخيرا الهلال اكبر من زوران وشوف كيف انخفض معدل التهديف للهلال بعد حضوره ولو ما توفق الهلال اليوم قدام الاتفاق لابد من ابعاده خلاص القادم لن يكون اسوء من زوران |
| الوقت المعتمد في المنتدى بتوقيت جرينتش +3.
الوقت الان » 05:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd