أنقذو الهلال من أسوأ حارس في تاريخ الهلال
 

والله والله انه حارس متواضع أقسم بالله ماهو مرقع عنه بالدوري الا جمهور الهلال اللي نافخينه على مدري وش
حارس عمره 38 سنة !!! لاطيران لاتمركز حارس يابس والله ان اسوأ حارس بالدوري السعودي انه حارس الهلال
المسمى بالحبسي كل مباراة الا يستقبل واخرتها يحطونها براس الدفاع !!! والله دفاع الهلال ماهو بالضعف لكن الحارس الداج الشايب المنتهي هو دمار الهلال

اتق الله في نفسك
لم يخطي اليوم الحبسي الابالكرة التي سقطت من يده بسبب الماء.
اما الاهداف فلايسأل عنها
اسألوا بوتيا وعدم وجود محور دفاعي.
هدف الباطن الثاني كانت الرؤية معدومه .
والله يخلي لنا الحبسي ولايحيجنا للمعيوف

كلامك خطأ مع كامل الاحترام اجل المعيوف اسد الحراسة اللي ما قدر يمد يده من كبر كرشته في هدف لاعب الرائد

الحمدلله على الفوز اولا
الحبسي لم يعد كما كان فالسن له احكام وان كنت ارى الليلة بالذات الاجواء كانت مؤثرة على جميع اللاعبين

خل الحبسي هالي موب عاجبك يروح وتشوف الكوارث على اصولها .. يارجال ما شفت من الاهداف الا كورة من تسديده كانت الاضاءه سيئه جدا وانقذ كورات كثير وفوق هذا يضع قناع .. اتحيل المعيوف بس لو فلتت منه الكورة مافي امل يرجعلها

بصراحه الحبسي لم يعد مصدر امان للفريق

الهدف الاول خطأ بوتيا وكادش
والثاني خطأ المحاور والدفاع

مباراة اليوم مع الامطار وشدة الهواء قد لايلام الحارس
لكن بصراحة الحبسي ليس كما كان وغير مطمئن لحراسة الهلال.

ياجماعة الخير والله مااتكلم عن مبارة اليوم انسوها انا اتكلم عن الموسم من بدايته اخطاء بالجملة مباراة النصر الكور تجي من فوق صلعته مباراة الفيصلي تضرب بجحفلي وتجي من نص الملعب ناهيك بكل مباراة مايهجم الخصم الا بكوره ولا بكورتين ومع ذلك كل مباراة مستقبل هدف (الشايب) واكبر دليل فيه احصائية بالدوري السعودي عن اكثر 7 حراس تصدي بالدوري ماهو من بينهم وهو حارس فريق متصدر !!! والله انه كارثة واخيرا اللي يسبون المعيوف ويقولون مايعرف يحرس
تروا المعيوف ماخسر دوري من جاء للهلال وماكان كل مباراة يستقبل مثل الحارس (اليابس ) !!! ويقولون اسوأ حارس هههههههه شر البلية مايضحك

كلامممممممممممم اتفق معاه لابد للهلال من جلب حارس افضل ومحور افضل من مليسي ب100 مره

مع كامل الاحترام هل من المعقول تقيم حارس على مباراة ولا هدف الحارس كان متألق معظم المباريات مع دياز بينما الحبسي عطني مباراة من جاء من فريق ترتيبه الاخير بالدرجة الثانية !!! (وهبطه الحبسي للدرجة الثالثة بالدوري الانجليزي) قلنا لولا الله ثم الحبسي لخسرنا بكل اسف ماعمره تألق حارس عادي واقل من عادي نفخ جماهيري فقط
مباراة النصر كان كارثة بالمبارة ولولا الله ثم الشهراني ياسر والقائم لاكلناها بال5
مباراة الفتح شوته خزقت يده !!! وربك سترها بالتسلل مباراة الفيصلي من نص الملعب !!! وغيرها كثير وماحنا راجعين للموسم الماضي لانه كان سبب خروجنا من الاسيوية وكاس الملك بهدف القادسية اللي مايجي لحارس درجة سابعة !!!
وللمعلومية فيه احصائية بالدوري السعودي لاكثر 7 حراس تصديات الحبسي ماهو من بينهم ناهيك عن شخصيته الضعيفة وماعنده حس القيادة كحارس (للمعلومية ترى انا ماني مقتنع كثير بالمعيوف لكن اشوفه لو يعطى فرصة افضل بمليون مرة من الحبسي )

الحبسي بعد الله هو أحد أسباب صدارة الهلال
متحمل هفوات دفاع الهلال وأخطاء بالجملة
اذا تتكلم عن اهداف النصر اسال عنها دفاعات الهلال
وعن هدف الباطن الثاني الكورة قوية وساعد في ذلك قوة الهواء وعدم وجود التغطية من لاعبين الهلال واصدمت الكورة بلاعب الهلال بوتيا وتغير اتجاهها
ومع دفاع الهلال هذا اي حارس بالعالم هيكون شربه ويستقبل اهداف بالجملة

اللي اقدر اقوله لك ولغيرك ترى مو فته ياعزيزي

حرب خارجية مستعرة على الهلال تحريض وتأليب

مانبي معاول هدم من الداخل تكمل الناقص

كل واحد يحتفظ برايه لنفسه حتى نهاية الموسم وانت وغيرك يعلم انه لايمكن تغيير أي لاعب والمعيوف شفنا ما عفنا منه بالاجماع

زرع الثقه في جميع اللاعبين مطلوب تحديدا هذه الفترة .. لا نحتاج بكائيات اعند اتفه خطا مازلنا متصدرين ونفوز وجميع الانديه عندهم اخطاء

مدرب الهلال زوران هو من صعبها في تشكيلة البداية وطريقته ولا يلام يحتاج اكثر من مباراة حتى يعرف أمكانات اللاعبين ويوظفها بطريقة صحيحة
المبارة كلها فيها هفوات من الجميع ولا نحمل شخص بعينه هذا تجني

الكوره يمين وانت يسار :)
..........