|
مدرب عالمي ولاعب عالمي !! كنت ولا زلت مقتنع ان مافيه شي اسمه مدرب او لاعب عالمي اعطني بالملعب واثبت من خلال تدريبك للفريق انك مدرب كبير نرجع لمبارايات الهلال من بداية الموسم ماشفنا اي تكتيك واضح من المدرب لاتنظيم هجومي ولا تنظيم دفاعي اجتهادات لاعبين غير ان التنظيم الدفاعي اسوء بكثير اهداف سهله تدخل بمرمى الهلال وغير كذا التبديلات اثناء المباره كلها غريبه ينزل ادواردو المهاجم يكلفه يلعب محور ويبغاه ينتج ماتجي ياسيد جيسوس وبنص الشوط الثاني يبدله وينزل لاعب اقل منه بمباراة الهلال والرائد مدرب الرائد على العناصر الي عنده اقل من مستوى الهلال الا انهم لعبوا بأسلوب وتكتيك افضل من الهلال مدرب الفتح رغم ان عناصره اقل من الهلال الا انا فزنا عليها بالقوه ومع ذالك خبص وطلع افضل لاعبين بالمباراه عموري وادواردو ونزل المنتهي الشلهوب وريفاس اوك صدفت معاهم واحد صنع وواحد سجل لكن مو كل مره تسلم الجره امس مدرب الشباب كان مسلم الملعب للهلال وماشفنا اي ابداع بالتكتيك او حلول كالعاده استحواذ سلبي ولولا توفيق الله كان الشاب مسجل هدفين او اكثر بسبب التنظيم الدفاع اول مره اشوف محور الارتكاز يهاجم ويترك المنطقه فاضبه وشفنا كم مرتده خطيره للشباب المعروف بكرة القدم ان المحور يبقى مغطي مع السناتر والاظهره واحد منهم يقدم وواحد يبقى ورى يغطي ولا وش فايدة الاجنحه اذا بيقدم الاظهره و فايدة ادواردو الي يلعب خلف المهاجم اذا سالم او كاريلو يتركون خانتهم ويتقدمون مكانه التبديلات امس كان الاولى اخراج ريفاس او كاريلو وادخال جوميز واحمد اشرف الشلهوب معليش ماعاد عنده شي نزل امس وقل الضغط الهجومي والشباب صار يمسك كوره والمفرج مدير الكره مدري وش دوره مايناقش المدرب الله يرحم ايامك يادياز على الاقل ماكنا نشوف العك الي صاير اتمنى الاداره الجلوس مع المدرب يايقنعهم ياقنعونه او يشوفون غيره قبل ماتطير الطيور بارزاقها سيبيرا على انه كان يمسك الهلال مؤقتا الا انا كنا نشوف تكتيك واضح وسيطره ولعب منظم مو لعب حواري |
تعليقات متنوعة 1- أمام الإتحاد في السوبر قدمنا تكتيك رائع 2- مستوانا أمام الزمالك والفتح كان جد رائع 3- المدرب العالمي و الأقرب للنجاح ونسبة نجاحه أعلى لكن ليس شرط أن ينجح خاصة إذا خذلته أهم الأدوات الرئيسية في عمله 4- دفاعنا الآن أفضل من العام و بكثير من ناحية القوة ، لكن معدل الأخطاء البدائية لم ينقص ! 5- الهلال في الصدارة بالعلامة الكاملة رغم تشتت الفريق بكثرة و تنوع المشاركات و تعدد الإصابات 6- ارتفعت قوة الفرق ، ولازال الأقوى ( أكثر فرص - أكثر استحواذ ) 7- طموحنا من الهلال أكبر و أكبر 8- الأخطاء البدائية و عدم تعدد طرق التهديف و فقدان المحور الدفاعي هي من قللت من الفجوة بيننا وبين الآخرين 9- طبيعي أن يكون الجوعات أكثر حرصا و اندفاعا للأكل من الشبعان |
الفريق يقدم جهد مشكور رغم تعدد المشاركات مايحتاج الا شوية تنظيم وتغيير لاعبين اجانب ومع دعم الجمهور الطموحات لاحدود لها. |
للأسف فيه مدرب عالمي وفيه لاعب عالمي ولكنهم يأتون للخليج لأختتام مسيرتهم مادياً او باحثين عن الشروط الجزائية عندما نحصل على تصنيف لدورينا ضمن الدوريات العالميه لعده مواسم متتاليه ستتغير نظرة المدرب العالمي واللاعب العالمي لأنه في ذلك الوقت سيبحث عن السي في وقد ينجحون معنا أما الآن فهم يتعالون على كرتنا حق التعالي ويرون انهم يستحقون كامل العقد بمجرد صدور التأشيره |
وجهة نظر احترمها الان بالنسبه لدفاع ممتاز الاخطاء اللي تصير كلها من اللاعب نفسه سواء هجوم او دفاع وبنسبه لتكتيك انا اشوفه بالعكس جيد جدا وننتضر الافضل والله يوفق الهلال في جميع البطولات |
يعني بالله عليكم ايش الطرق اللي راح يبتكرها ياتستخدم الاجنحه لتوسيع مساحة اللعب او تستخدم الباصات بين اللاعبين لفك التكتلات وتحرير مساحات او الكور العرضيه بشكل مستمر |
العنوان لحاله موضوع اتفق معاك بكل شي الا في الشلهوب والله انه افضل من بعض الاعبين ومن تمريرة يخلص لك مباراة يعطيك العافية |
ادواردو كان علامة فارقة مع الفريق ولكن مع جيسوس تغير الحال وأصبح ادواردو حمل وديع بالملعب البقاء على ريفاس للموسم الثاني بتوصية من المدرب العجوز ومشاركته منذ بداية المباريات يعتبر أكبر خطأ من المدرب جيسوس والجميع شاهد ريفاس وكيفية إضاعة الفرص السهلة أمام المرمى !؟ من وجهة نظري المتواضعة الهلال هذا الموسم ومع ثمانية لاعبين أجانب راح يفقد الدوري منذ البداية والبطولات الآخرى ؟! |
4- دفاعنا الآن أفضل من العام و بكثير من ناحية القوة ، لكن معدل الأخطاء البدائية لم ينقص ! دفاعنا الافضل بدعاء الوالدين .. بوتيا والبليهي اصبحت اخطائهم قاتلة |
| الوقت المعتمد في المنتدى بتوقيت جرينتش +3.
الوقت الان » 12:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd