لنحافظ على الحافظ
 

مساء الخير

كثرة الكلام والتجريح باللاعبين لايفيد بل سنجني لاعبين منزوعه الثقه منهم

يااخوان المدافع عادة لاعب بنيه طويل يجيد الكرات الهوائيه ثم يشتغل المدرب على تطويره

الحافظ مدافع متمكن وهو من افضل المدافعين الهادئين وهو مانحتاجه

وكل مباراه يكتسب المدافع خبره منها ولكن يحتاج التشجيع ليبدع

رجاء اتركوا الحلطمه وسيكون مدافع المملكه الاول فكل المواصفات يمتلكها

نشجعهم لما تكون اعمارهم من 18 الى 24 وممكن في امل يتطورون بس ناس تعدت السن هذا والمفروض يكونوا ناضجين كرويا بس اللي نشوفه بالملعب يقول العكس ولسى عندهم نفس الاخطاء ونفس التفكير ونفس لعب الحواري ومانشوف اي منهم يحاول فعلا يطور من نفسه وعندك بالدكه ناس ماتستاهل حتى تلعب بالحواري منهم المعيوف اللي تعدى عمره الثلاثين واخطاءه قدام الزمالك بدائيه جدا سالم 27 سنه ولسه يركض وراسه نازل واناني وسلمان ماباقي شي ويدخل الثلاثين ونفس الاخطاء كيف نشجعهم والى متى لين مايتعزلون مثلا !!؟

صحيح الحافظ مدافع جيد لكن البليهي يشيل اهداف محققه واذا تقدم يرجع بسرعه يغطي وهذا ميزات يفتقدها الحافظ وهي الي مزعله اغلب الهلاليين منه لاحظ اغلب الاهداف تجي وهو في ملعب الخصم والا الحافظ ممتاز ارتقاء وتسليم واستلام لكن مثل ما قلتلك الزين ما يكمل ومادام البليهي موجود ليه ما ندعمه وتترك انت مثل هالمواضيع الي مب وقتها ابد

اهلا اخوي حنا بمعمعة الدوري ولا نبغى نكسر مجادفينا بايدينا
سالم لعبه ممتاز والله لوتعرضه كل الانديه تتخطفه بشيكات مفتوحه (وين رايح انت ) انا ماابغى اقول مثل الربع لامن ماجاز له رايك قال مندس لااعلم عنك (سالم من افضل لاعبي الدوري محلي واجنبي لكن مشكلته في التهديف يركز شوي لان الكوره المتحركه ماتجي ع كيفك فكل كوره متحركه تبغى طريقه معينه للتسديد ووضع جسمك وادا ماانت ضامنها صلحها لاحد زملائك )

سلمان مبدع وافضل من اول بكثير

الحارس نحتاج حارس متمكن فعلا الحبسي مايكفي

حنا ماجبنا طاري البليهي ولا قلنا انه سئ نقول مدافع جيد .........لكن اتكلم عن الحافظ مدافع هادئ وهو مايحتاجه الفريق لان البليهي طريقته يعتمد ع القوه لابد يكون الاخرهادئ وقشاش وطبيعي لو لعب الان يكون مستواه اقل من البليهي لانه منقطع وعائد بعد اصابه
وشراحيلي شاهدته العام الماضي مع الفتح مبدع

وللعلم المدافعين تحدث منهم اخطاء لكن لاصاروا متفاهمين يعالجون اخطاء بعضهم بعد ماينسجموا مع بعض وليس في البدايه

بالنسبة للحافظ ربما الاصابة اثرت عليه

ولكن على ما اعرفه أنه عندما تجد منافس لك في خانتك يفترض ان تعمل وتجتهد وتطور نفسك لكي تضمن لك مكان

قد يخفق اللاعب إما بسبب خارج عن ارادته كإصابة قوية مثلا أو أن يكون لاعب مهمل ولا يهمه الا الراتب فقط ولا يهمه اللعب والظهور بشكل ممتاز

وقد يكون لاعب مهمل "مبزوط" ويكتب نهايته بيده فيبدأ بالتنقل مابين الفرق من الفرق الكبيرة الى المتوسطة الى الضعيفه ويختفي

في اي فريق بالعالم شيء طبيعي بأن يكون الاحتياط أقل مستوى من اللاعب الأساسي ولكن يجب ألا يكون الفارق كبير جدا لتضمن وجود المنافسه بين اللاعبين

الحافظ قد لا يسعفه العمر في ظل ظهور لاعبين جديد وتصعيدهم للفريق الأول في كل موسم

عموما خانة قلب الدفاع والحراسة والمهاجم شحيحه في المواهب لدينا ومواهبنا تجدهم دائما في منطقة الوسط

الحافظ نكبة و قنبلة مووقوته بدفاع الهلال

اي تطوير تتكلم عنه

الحافظ شراحيلي و متعب المفرج المفروض تنسيق

هلا اخوي مركز قلب الدفاع يحتاج خبره اللاعب الجديد ينكبك ادا ماكان معه لاعب يغطيه والان ماهو وقت تجارب

والله اخوي لو بيسمع كلامكم مابقى ولا لاعب هلالي يمكن ماصملتوا للان الاعلى ادواردو وعموري ويمكن يجيهم الدور لايرضيكم العجب ولا الصيام في ........

ي عزيزي في فرق بين انخفاض مستوى اللعب وبين مستوى اللاعب نفسه سالم وسلمان اللي تدافع عنهم من سنين وحنا نفس الانتقاد الاول يركض وراسه بالارض واناني ومايعرف يشوت والثاني تنقطع الكوره منه وترتد علينا قول تقريبا السيناريو مكرر في كل مباراه وفي كل موسم ولو تعرضهم صحيح راح يروحون بسرعه بس ساعتها راح ينكشف لعبهم لدى الجميع لان حاليا البعض حاط مساله ان كان من افضل اللاعبين ولازم نصبر عليه واكبر مثال المرشدي انا اول من طالب بفسخ عقده وكان متفق معي الكثير اما البعض كان رافض الفكره بحجه انه اخذ افضل لاعب في كاس الخليج سنه من السنين ومع ذلك اول ماطلع من الفريق ماستقر بنادي موسم كامل وفي لاعبين كثير مثل الفريدي اللي الاغلب كان يشتم الاداره بالتفريط فيه لكن انا من القله اللي ماكان يعجبني نهائيا وشوفه الحين اذا ماكان الناس نسته اصلا مع انه لسى يلعب وعلى ايامه معنا كانت له جماهير زعلانه على رحيله وناس كثيره لها تاريخ معنا لكن عطف الجماهير ياثر سلبنا عالفريق ! اما انخفاض مستوى الاعبين فهذا الامر طبيعي جدا ادواردو كان من هدافين الدوري اول ماجا وانخفض مستواه الموسم اللي بعده ورجع مستواه كويس لين ماجته الاصابه وبعد الاصابه يقدم مستوى رائع شف كيف يتحرك ويناول ويشوت تحركاته عقل اما سالم يركض من بابنا لين الباب الثاني ويشوتها غلط وسلمان اذا جته الكوره ندعي ماتنقطع منه !

اللي يستحق البقاء راح ندعمة واللي ماحولك احد اكيد نتمنى خروجه و تسريحة

الحافظ لاعب ثقيل وينقصه التركيز في كثير من الاحيان .. كلمة الحفاظ عليه المفروض
تقال للاعب تريد المركز ركز واحرص على ما يقال لك من المدرب غير كذا فهو ليس بعيد عن المرشدي

البليهي والحافظ من افضل مدافعين المملكة
وان شاء الله يستمرو في تطوير مستوياتهم

مو مهم يلعب فلان ولا علان ... لو البليهي جلس الموسم كله احتياط او الحافظ جلس الموسم كله احتياط ...
المهم هو مصلحه الهلال ... جماعيه الهلال

سالم لاعب جيد لكن يجب عليه التدرب على اللمسة الاخيرة...
اما بالنسبة لطلب الاندية الاخرى ود الهلال ... فاصغر لاعب لهلالي واحتياط الاحتيط لو انتقل بيروح اساسي
سواء في الاهلي او النصر او الاتحاد ... هذا لبس على قوة اللاعب ولكن لضعف الاندية الاخرى

زمان كنت معجب بالنعيمه وعندي هو افضل مدافع في المملكه مع تحسين وشريده ....لكن احيانا لايقدرون ع ماجد بالكرات الهوائيه حتى جلبنا احمد النيفاوي من الوحده وكان ماشاءالله ممتاز في قطع الكرات الهوائيه وتصدى لماجد فعلا . وشريده كتم ماجد

وافضل المدافعين سبق وان شبك بفريقه اهداف احيانا الكرات تخدعك ...انت واقف امام باب واسع وهالمهاجمين ممكن فقط يلمس الكره براسه او رجله قبلك ودايركت الشباك فمالك حيله ع الكوره لاانت ولا الحارس