إقتباس الرسالة الأصلية كتبت بواسطة ع السراء مساء الخير للأمة الهلالية موضوع بصراحة شيق وقريب للنفس وعودة للماضي الجميل واللي ماله ماضي ماله حاضر ياما لنا من الذكريات مع زعيمنا منها السلبي والأيجابي انا بذكر مباراة بين الهلال والنصر وكنت متحمس لهذه المباراة بدرجة كبيرة لكثر التحديات مع الزملاء والأصدقاء كنت في الملعب وكان رأس الحربة سلطان بن نصيب وكلنا نعرف ان اللاعب سلطان لم يسجل أي هدف في مباراة ضد النصر وانا على أعصابي جت ضربة جزاء للهلال وطلب سلطان تنفيذها وانا من المدرج أقول بأعلى صوتي لا تكفون المهم نفذها سلطان بن نصيب وضيعها وبحالة غريبة مني وبدون شعور قلت بصوت عالي الله يلعن أمك وابوك واللي خلاك تشوتها وانا عمري ما اعرف السب لكن ما ادري ولا احبه لكن الحماس الزائد وما شعرت الا باالبقس على وجهي وتماسكت مع هذا الرجل وقال ليه تسب أمه وابوه سبه هو بعد التعرف على الرجل صار خال سلطان بن نصيب تأسفت وانا بحالة يرثى لها _____________________ ومرة من المرات كنت متحمس والبطولة نهائية وكنا مجموعه مشجعين هلاليين في أخر المنصة ومع الحماس الزائد نقول كلام غير رياضي ما شعرنا الا بلامير فيصل بن فهد رحمه الله يأمر بخروجنا من المنصه وفعلا طردون ههههه علمان بانه يحب يسمع صجتنا لكن زودناها ايام لا تنسى الله يذكرها بالخير لو كتبت سوف أجلس أشهر عن ذكرياتي وعشقي وحبي للهلال العود/ ابوعبدالله

ههههههههه الله يسعدك يابو عبدالله تكفى عاد كل يوم اويومين عطنا وحده ....ملينا من مواضيع المنتدى نبي نستانس اكيد انت متقاعد مثلي

إقتباس الرسالة الأصلية كتبت بواسطة هلالي مغترب USA ههههههههه الله يسعدك يابو عبدالله تكفى عاد كل يوم اويومين عطنا وحده ....ملينا من مواضيع المنتدى نبي نستانس اكيد انت متقاعد مثلي

صباح الخير

إقتباس الرسالة الأصلية كتبت بواسطة ع السراء صباح الخير وياهلا بالأمة الهلالية لا والله لسا ما تقاعدت رغم عمري فوق 60 وانا أعمل في شركة أتصالات اسمها GPT تعمل مع الحرس الوطنى للتدريب وتعليم طلاب الحرس في الأتصالات مدرسة سلاح الأشارة وبصراحة نفسي في التقاعد لكن متمسكين فيني ههههه أعجبني موضوعك وخاصة اننا نحب الماضي الجميل ونتذكر أيام الشباب العود/ ابوعبدالله

الله يحفظك ويطول عمرك لا انا تقاعدي مبكر .........ماتتدكر عواكيس والقطه ميساء ههههه

إقتباس الرسالة الأصلية كتبت بواسطة ع السراء السلام عليكمورحمة الله وبركاتة يوم خميس سعيد عليكم يارب تبقى الذكريات بحلوها ومرها وقود للانسان وتعيدك للماضي الجميل فيه أشياء لن ننساها مرت علينا بالماضي وتبقى عالقة معنا في دواخلنا نتذكرها أذا صادفت أحد أصدقاء الماضي تشعر بأنك صادفت نفسك وشخصيتك القديمة تتكلم معه كأنك عدت لأيام الشباب وبصراحة اللي ماله ماضي ماله حاضر اليوم أبحكي عن موقف لن انساه طبعا انا من سكان شارع الظهيرة وترعرت مابين شارع السويلم والعطائف والفوطة وهذه الاحياء كانت منبع لنجوم الكورة وكان عندنا ملعبيين مشهوريين ملعب الزهرة اللى عند حديقة الفوطة وملعب الأتفاق بين البطحاء وشارع الوزير ( شارع الملك فيصل ) حاليا وكان من ضمن اللي لعبوا في هذه الملاعب ماجد عبدالله وتوفيق المقرن ويوسف خميس وفهد العبدالواحد (فهودي) وفهد المصيبيح وسمير سلطان وعبدالله العمار وغازي سعيد وكثير لان هذه الملاعب تعتبر في وسط الرياض طبعا في ملاعب أخرى مشهورة في الشفاء والجرادية وكان فيه أشخاص لكشف المواهب يتنقلون ويعرضون على اللاعبيين التسجيل في النادي الفلاني وانا كنت خايف على اللاعب فهد المصيبيح يروح لغير الهلال لان عمه عبدالرحمن رحمه الله يريده في نادي الرياض وعمه خالد الله يعطيه الصحه يريد يسجله في النصر ودائما كنت اكلم سمير سلطان يالله واش صار بفهد وسمير يطمني يقول خلاص بيسجلونه في الهلال أبوه وعد الادراه كنت اذا شفت احد السماسرة ادخله بيتنا على شان ما يشوفونه لان فهد لاعب ويحب الكورة من صغره وكان حاط درايش حارتنا مرمى له وبعد ما سجل وبشرني سمير سلطان الله يذكره بالخير سويت عزيمة للاصدقاء كبسة من يد الوالدة رحمها الله العود/ ابوعبدالله سوف أحكي لكم عن اول زيارة للامير فهد بن سلطان لبيت ماجد عبدالله وهو مصاب وانا كنت موجود للسلام على ماجد وكنا ثلاثة هلاليين وماذا دار بيننا ومع الامير

الله يعطيك العافيه دكريات جدا حلوووووه لكن يااخي اعتقد المصيبيح فيه فارق بالعمر بينه وبين سمير سلطان . للمعلوميه زاملت فهد بالجامعه ماشاء الله كان رغم ارتباطه بالهلال والمنتخب ممتاز في الدراسه وزاملت ايضا منصور الاحمد وعلي العجمي مدافغ الهلال وعلي كميخ لاعب النصر الله يدكرهم بالخير

إقتباس الرسالة الأصلية كتبت بواسطة هلالي مغترب USA الله يعطيك العافيه دكريات جدا حلوووووه لكن يااخي اعتقد المصيبيح فيه فارق بالعمر بينه وبين سمير سلطان . للمعلوميه زاملت فهد بالجامعه ماشاء الله كان رغم ارتباطه بالهلال والمنتخب ممتاز في الدراسه وزاملت ايضا منصور الاحمد وعلي العجمي مدافغ الهلال وعلي كميخ لاعب النصر الله يدكرهم بالخير

من الدكريات العالقه في دهتي هدف سلطان بن نصيب ع الشباب في نهائي كاس الملك عام 79م وكنت خارج المملكه واستمع لها بالراديو وسجله في نهاية المباراه والكوره نشبت بالشبكه وابن نصيب اصيب بشد عضلي



https://www.youtube.com/watch?v=P6lF8sfNCBs

من ايام ريفو حتى جيل الثنيان والجابر
أيام حلوة
وزيييينة

إقتباس الرسالة الأصلية كتبت بواسطة ع السراء السلام عليكم ورحمة الله وبركاتة لن أنسى مباراتنا مع النصر عام 1399 في شهر 5 وهي نهايه الدوري وبعد ما نزل اللاعبيين أرضية الملعب وضعنا أيدينا على قلوبنا ونحن نشاهد ثلاثة لاعبيين جدد وامام النصر المصيبيح وسلطان المهنا وحسين الحبشي وجتنى أم الركب خوفا من الهزيمة ومن من النصر وبفظل من الله وتوفيقه وحماس لاعبيينا أنتهت المباراة 1/0 للهلال بقدم صاروخ من ريفالينو أيام لاعبيين يحفرون الارض لعيون الهلال وليس للملايين العود/ ابوعبدالله

هلا ابوعبدالله تراك ملخبط شوي حسين الحبشي لم يعاصر ريفو حسين بداياته تقريبا مع الثنيان او بعده بقليل بدا بالهلال عام 1403 او 04 ........المصيبيح ممكن مع المهنا وعبدالرحمن القحطاني ...او المصيبيح والقحطاني والبيشي

من الدكريات الجميله كنا زمن ريفو لايوجد بث تلفزيزني وكنا نسافر انا واصدقائي عاد كلهم فقراويه الا واحد هلالي مسافة 150كم لنشاهد الديربي في مدينه اخرى وهات ياهاوش طوال الطريق هالكلام عام 99 هجري اوقبلها ولا رجعنا الفائز يطقطق على الخاسر وتاصل اننا نتوقف ونتزاعل في الطريق (ياحلو هكالايام )

من اللحظات السعيده زمان كنا ننتظر يوم الجمعه يصدر ملحق جريدة الرياض صفحه رياضيه فيها عواكيس وكانت تعليقات ظريفه هكالوقت كان الثنيان جناح يمين ومهاري وينبسط ع تفاعل الجماهير بتسحيبه بالاظهره والجماهير تنتقل معه بالشوط الثاني للجهه الاخرى لترى تسحيباته ومن الاظهره اللي كان يسحب فيهم حسن حمران ظهير ايسر النصر ويسحب به الثنيان حتى يضحك الجماهير عليه وكان حسن يستعمل كل شئ لايقاف يوسف ولايقدر لدرجة انه كان يغرز اظافره بوجه يوسف ...فكان معكوس يالجريده يسميه القطه ميساء (ح حمران ظهير النصر) فكانت تعليقات توسع الصدر ع القطه ميساء .....ماادري للان فيه عواكيس والا انتهت انا مااقرا الصحف من زمان

اهداف سامي الجابرالستة من أصل ثمانية في مرمى الرائد موسم 1410tm

من الدكريات الجميله ان المدافع الحبشي كان هداف الهلال ضد الفقر برصيد 10أهداف تخطى المهاجمين باهدافه