والله أخبار غير سارة... ظهرت الآن مصيبة كبرى على (الهلال) (والله يكفينا شر المصايب) ..طلع الآن وبشكل رسمي من هيئة الرياضة إن النادي مديون بمبلغ (115) مليون ريال ..وأنه لن يحصل على الرخصة الآسيوية إذا لم يتم سداد هذا المبلغ قبل إنتهاء تاريخ (30/6/2018م) والله يعين ..(سامي) إنسوه الحين وشكله تورط..نحتاج الآن وقفة عظيمة وقوية من أعضاء الشرف الكرام ولن يرضيهم أبداً بأن يروا الكيان الهلالي ينهار بهذا الشكل..وهذا عشمنا فيهم نحن (المُدرّج الهلالي الكبير).. |
والله قهر قهر قهر ..معقولة !!! أنا حتى الآن ماني مصدق ؟؟؟؟ وش هذا؟؟ (الطحالب) أقل مديونية منّا بمبلغ (110) مليون ريال .... و (الفقر) مع (أبو جلمبو) خربها على مستوى (سنسجل وسنسجل وسنسجل) إلين وصلت ديونه لربع مليار ..و(الإتحاد) عالم ثاني خربوها رؤسائهم على مستوى وحاسوا (الإتحاد) حوس... |
فرق بين نادي يحقق إنجازات محلية وعربية وقارية ويحضر اسم وعلم المملكة العربية السعودية في شرق الأرض وغربها ومعسكرات واستقطابات لاعبين ومدربين وبين أندية لم تحقق أي شيء فرق بين نادي قدم لك نجوم وصلوك روسيا بكل احترافية وتنازلنا عن الكثير في سبيل رفع اسم البلد قاريا وعالميا فرق بين نادي يصرف على استاد رياضي خاص وناقل خاص وبين فريق عالة على هيئة الرياضة يريدون مساواتنا بالجربا والمترديه والنطيحة |
نواف بن سعد اعلن ديون النادي 80 مليون واتوقع زادت مع مصاريف النادي كل الانديه مديونه وهذي نتيجة عقود الاعبين والمدربين والسمسره ورواتب الاعبين لكن كلنا ثقه بسامي وحل المشكله |
إقتباس:
جملتك الأخيرة أعجبتني والله ...لكن وش الحل مع هالمعضلة الحين هذا السؤال المهم ..يهمنا مشاركتنا في الآسيوية القادمة وأنا متفائل جداً فيما لو حلت هذه المشكلة بأن كأس آسيا ستكون من نصيبنا بإذن الله.. |
115 مليون هذي لو هم مستخيريين ومسددين ديون المساجين يمكن مايبقى احد مسجون |
إقتباس:
|
إقتباس:
لديك نادي منجم ذهب جماهيرية جارفة رعايات واستثمارات كامنة ابسط مثال.. لديك ملعب خاص ياخي نظم بطولة أو بطولات أو مناسبات رياضية على ملعب الرعب كأس العالم للأندية في الإمارات الموسم الماضي كيف تم تنظيمة؟ استضيف مناسبات مثل رويال رامبل.. البطولة العربية.. استضيف السوبر الأفريقي والأوروبي وغيره.. اصبر بس الين تجي الخصخصة وباذن الله الهلال من أفضل 10 أندية بالعالم |
إقتباس:
|
قبل وقفة اعضاء الشرف هناك جمهور ادعم ناديك العظيم لو ربع الجمهور الازرق فقط دعم بعشره ريال وصلنا الهلال السما. |
إقتباس:
|
الهيئة دعمت النصر ب55 مليون مو مشكله تدعم الزعيم بمثلها وكذا والا كذا ادعم ناديك وصلت 38 مليون يعني المبلغ عادي بعدين الزعيم فريق بطولات لازم يصرف عشان يحقق بطولاته فيه انديه دينها اكثر وما وصلوا مواصيل الزعيم بالنسبه لسامي سواء دين الزعيم مليون والا مليار ما عنده فلوس بالتوفيق لزعيمنا يا رب |
إقتباس:
(وعند جهينة الخبر اليقين) ..أنت جبت الزبدة في جملتك (بالنسبة لسامي ..ألخ) ..هذا ما قصدته أي أن الهيئة والله العالم أنها سترفع يدها عن موضوعات هذه الديون ..و (سامي) تورط فيها ..إذا لم يتم سداد هذا المبلغ خلال شهرين فقل على مشاركتنا الآسيوية القادمة السلام ..الهيئة لم تعلن مجمل هذه الديون بشكل رسمي على الأندية الكبيرة بالذات إلا لأنها لا تستطيع مساعدتها في تسديدها واللبيب بالإشارة يفهم .. يعني بإختصار (سامي) تورط بشكل كبير ..والكيان الهلالي الآن بحاجة ماسة لوقفة حقيقية بمعنى الكلمة من أعضاء الشرف والداعمين والجماهير بغض النظر عن كون (سامي) رئيس ..الكيان الهلالي هو الأهم .. تحياتي .. |
التحدث عن الديون مثل التحدث عن المكاسب الفرق الوحيد هو التاريخ بمعنى ان الحديث عن الديون هو مؤقت حتى حصول النادي على اموال الاستثمار البالغه ١٦٠ مليون ريال لتوضيح بشكل اكبر: احمد لديه مستحقات ماليه تقدر بـ ١٠ مليار واجبه السداد في منتصف ٢٠١٩ ولاحمد مستحقات ماليه من شركات عالميه تقدر بـ ١٠٠ مليار في نهايه عام ٢٠١٨ ------ التركيز عالديون والتهويل بوجود ١٠ مليار ديون على احمد وعدم النظر في مستحقات التي ستكتسب تعتبر نظره ( قصيره ) فاحمد لديه مبلغ قادم يقدر بـ ١٠٠ مليار !! ----- اتمنى ان تكون الفكره قد وصلت |
يا خوفي ما تجي الخسخسة إلا والزعيم في الدرجة الأولى مواريها تقول كذا تكليف سامي (مع قناعتي بكفاءته وقدراته) ولكنه ليس رجل المرحلة وخصوصاً في ظل وجود أشخاص تتحكم في القرار الهلالي وتخطط لتدميره تكليفه قبل الخسخسة ثم مضايقة الأمراء واستبعادهم ثم إعلان الديون العالية ما هو إلا دلالة واضحة على ما يحاك ضد الزعيم ولكن ... (ويمكرون ويمكر الله والله خير الماكرين) |
الوقت المعتمد في المنتدى بتوقيت جرينتش +3.
الوقت الان » 11:32 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd