الهلال في مباراة العين في الشوط الأول كان مسيطر على الملعب طولاً و عرضاً ..
حتى بعد بلنتي جحفلي اللي احتسبه ضيّق العين و العقل .. كان الهلال الأفضل ..
لكن كل سقوط ببلنتي بكل بجاحة و قلة أدب و فساد آسيوي لا مثيل له ! .. هذا طبيعي بيطلّع اللاعبين من المباراة ..
بلنتي عموري الثاني اللي على البليهي أقسم بالله مضحك لأبعد درجة .. و راجعت الإعادة على اليوتيوب أكثر من مرة ..
لا يوجد بلنتي احتكاك عادي جداً مثّل فيه عموري بعد الكنترول الخطأ اللي عمله .. حاول أشوف وش سوى البليهي ما حصّلت ..

أما البلنتي الأخير على الرشيدي .. فهو غريب على كرة القدم و ليس بغريب على حكّام شرق آسيا المدعومين من جهات نعرفها ..
لاعب العين حضّن على الكورة و انبطح و أخذ بلنتي ! بدون دفع أو استخدام قوة مفرطة ( الفودة يسلم عليكم ) ..
ما بعد نيشيمورا إلا هالحكم .. نيشمورا رفض احتساب ثلاث ضربات جزاء يحتسبها الأعمى .. و هذا احتسب ثلاث ضربات جزاء الأهبل مايحتسبها .. وقتل المباراة ..

الهلال باعتقادي بالشوط الثاني فهم الموضوع و اختصرها و صار يلعب بدون ضغط و اجهاد للاعبين و بدون تحميلهم أكبر من طاقتهم
والعين فهمها ولم يهاجم الهلال و ترك المباراة تمشي زي ماهي ماشية ..

والظاهر الحكم يبيها تعادل .. لما تقدم الهلال مستوى و نتيجة .. احتسب الجزائيات .. ثم حاول يخلي الهلال يلحق العين بالتعادل ..
جحفلي بالشوط الثاني يكسّر عيني عينك و الحكم تاركه .. و طرد محمد عبدالرحمن بالكرت الأحمر .. يبيها تعادل لصالح باقي فرق المجموعة :) ..

على مستوى الهلال الشوط الأول و تغنّي المعلّق بأن المباراة بالتشامبيوتز الأوروبي وليس الآسيوي من قوتها و سرعتها ..
أجزم لك إن الهلال ماحب يقاتل على المباراة بالشوط الثاني لأن النتيجة واضحة ..

الهلال ماكان سيء .. كان مسيطر والعين ماكان خطير ابداً إلا بكورتين خلال 90 دقيقة .. الباقي كله ضربات جزاء ..

s13ss13ss13ss13s