|
نواف بن سعد ارحل السلام عليكم ورحمة الله تعليقي على التاق الي طلع بعد الخساره من العين والخروج المتوقع والمطالبه بأقالة الرئيس من مشجعين غير هلاليين بالغالب احب اقول للهلاليين الي شاركوا بالتاق وكانوا من ضمن الي طالبوا بأستقالة وجه السعد حط نفسك مكان الرئيس خسرت نهائي اسيا وكنت الأفضل الله ماكتب لنا البطوله خسرت اهم وافضل المحترفين ادواردو مو ذنب الرئيس مدربك الي كنت معتمد على الله ثم عليه ومأمنه على الفريق قام يهدد ويسلم الفريق لولده عشان يتعلم التدريب وانا احط اللوم كله على دياز لأنه هو سبب تدهور الفريق وعدم حسم الدوري مبكرا بقناعاته الغريبه تدوير لاعبين والاصرار على كم عنصر اثبتوا انهم مايستاهلون حتى يكونوا احتياط اقال دياز ومع الاسف كان البديل اسوء براون الي صراحه استغربت من اداءه رغم انه كان مع الاولومبي بالبطوله العربيه مبدع نواف العابد - عمر خربين - ادواردو- سالم الدوسري افضل اللاعبين الي جاته اصابه والي راح يحترف وماندري هل هو فعلا احتراف ولا عشان الدوري يولع شفنا دعم رئيس الهيئه للأنديه المنافسه للهلال ومحاولة تعطيل الهلال بأي شكل من الأشكال لكن الله مايرضى بالظلم زبدة الموضوع اي واحد يلوم الرئيس على الي صار يحط نفسه مكانه بالنسبه لفهد المفرج انا ما ادري له كل هالهجوم عليه ترى مهمته يضبط الوضع الاداري بالنادي اما الشغل الفني للمدرب يعني لو لاعب مايعرف يستقبل او يصنع او يخلص كوره هذا الشي عند المدرب اما المفرج مهمتة الانضباط بالحضور واذا فيه مشاكل اداريه يحاول يحتويها |
ان جينا للحق نواف بن سعد ماقصر وماراح نخاف ع الهلال اكثر منه اللي ضيع وقته وجهده وماله فيه لكن في الادارة اخطأ يجب تلافيها من الموسم القادم جلب اجانب يعملون الفارق ويشيلون الفريق مو الفريق يشيلهم ومايتدخل المدرب باختيارهم ابعاد فهد المفرج وجلب اداري حازم ع الاعبين نبي شخص يهابونه وعملون له الف حساب احضار مدرب يملك فكر ويقود الهلال للافضل مو للاسوء وبدون شرط جزائي اللي يبي الروحه بيروح سوا كنت موقع معاه شرط جزائي ام لا عندك زلاتكو وسيبيريا افضل من درب الهلال في فترات قصيرة ماراح اقول سامي لانه مسوي هاجس عند البعض بناء عامود فقري من الاعبين الاجانب دفاع محور دفاعي صانع لعب اجنحه مهاجمين اثنين يعطيك العافية |
نواف بن سعد جاء بتزكيه من اعضاء محلس ادارة الهلال ورئيس المجلس ولو رحل سياتي شخص بمعرفه تركي ال الشيخ حتما وهذا ما لانريده اطلاقاُ بعدين الحوسه الي حاصله في رياضتنا وتدخلات رئيس الهيئه حتى في رحيل اللاعبين واحترافهم الفاشل في اسبانيا اثرت على الهلال هالموسم وانحرمنا من السوبر بحجج سخيفه لكن اقول ان مشكله ياسر الاخيره للاسف ستغجل برحيل نواف بن سعد لان رئيس الهيئه يريد رحيل نواف بن سعد لحاجه في نفسه |
إقتباس:
الدعوه اخوه وتطبيق النظام على الكل ومن ناحية الاجانب انت وحظك ممكن الاجنبي ممتاز بس طريقة اللعب او الاجواء ماتناسبه عندك ريفاس بالاتحاد كيف ومع الهلال كيف بن شرقي اغلب الجماهير طالبوا فيه وفرحوا بعد ماتعاقد معاه شوف مستواه كيف مع الهلال مو ذاك اللاعب السوبر اذا بنقارنه مع ادواردو او نيفيز او ويليهامسون |
الدخول في أي شرح لأسباب تدهور الزعيم ما هو الا زياده للتشتيت ندعم حالياً فريقنا وبعد ذلك لكل حادث حديث |
أولا اعتذر منك اخوى برهومى من قريت العنوان فتحت الصفحة وكنت برد رد قاسى عليك لكن موضوعك على راسى ولك قبلة على الجبين |
نواف بن سعد في اسوء حالاته افضل من ان يسلم النادي للهيئة.. حذاري.. حذاري |
اذا حقق الدوري لو يجلس عشر سنين مافي مشكلة اذا ما حقق الدوري اتمنى يجي افضل منه فيه اخطاء ادارية كثيرة تسببت بهالوضع التعاقد مع ماتياس مما تسبب في ضياع نهائي اوروبا لان الاجانب اصيبوا تاخير اقالة دياز تاخير التعاقد مع الاجانب في الشتوية رغم ان ماتياس معروف انه ماراح يكمل من شهرين وان ادواردو مصاب عدم بيع ادواردو بعد اصابته والانتضار موسم كامل لحين عودته وكان الاجدى بيعه او اعارته وجلب لاعب بداله ولكن بسبب عدم وجود لجنة لاختيار الاجانب لم يتم جلب غيره |
ياجماعة الخير ما قلنا ان نواف بن سعد مقصر لكن انتم شوفوا ترتيبنا الموسم هذا في بطولة أسيا ( متذيل الترتيب ) ياجماعة والله اني مو ضد احد لكن فيه سوسه بإدارة الفريق أتمنى استبعادها |
يااخي العنوان غلط انت تدافع عن نواف بن سعد..وهو يستحق ذلك..لكن غير العنوان الله يخليك |
الزعيم كيان يلمع رؤساء إدارته فالحمد لله لم يأتي رئيس إلا وحقق معه بطولة على أقل تقدير فالكيان إدارة تدرس لغشمشم الرياضة في بلادنا هل يوجد نادي مستقر كالهلال حتى في إدارته محاربون حتى في لاعبيه محاربون وحتى في أجانبه محاربون وحتى في جماهيريته محاربون نتحدى ان يوجد نادي عندنا يحظى بالاستقرار في كل شي كالهلال |
| الوقت المعتمد في المنتدى بتوقيت جرينتش +3.
الوقت الان » 05:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd