|
(ياسر) و (نواف بن سعد) ليه؟؟ .. بسم الله الرحمن الرحيم وبه نستعين السلام عليكم ورحمة الله وبركاته ظهرت لنا في الآونة الأخيرة (شوشرة) إعلامية كان بطلها الكابتن (ياسر القحطاني) أو (القنّاص) بخروجه للأسف عن إطاره كلاعب في فريق عظيم وكبير كـــ(الهلال) (ولا عظيم وكبير سوى الله سبحانه وتعالى) ولكن أقولها كصفة مجازية لهذا الكيان العملاق ..دخل (ياسر) في هرقطات إعلامية وفي وقت حسّاس جداً يمر به (الهلال) في مباراة مفصلية بمعنى الكلمة لحسم بطولة هذا الدوري المُعقّد ولأول مرة لـــ(الهلال) في موعدها المُحدد (7/أبريل/2018م) أمام فريق صعب جداً وعلى أرضه ..ومما يزيد الطين بلّة للأسف أيضا هو تداخل رئيس (الهلال) في هذا الأمر مع الإعلامي (وليد الفرّاج) وإستغرابي لهذا الأمر من سموه الكريم لما عرفت عنه من سياسة الظل والصمت التي ينتهجها سموه طيلة فترة رئاسته لــ(الهلال) ..حقيقة أنا لا زلت مستغرب جداً جداً لظهور هذين النجمين اللامعين في تاريخ (الهلال) (وجه السعد) و (القنّاص) في وقت صعيب نحتاج فيه لوقفة وتعاضد ليمكن حصد بطولة الدوري التي أعتقد بأنها أصبحت أكثر صعوبة الآن بعد هذه (الشوشرة) وتأثيرها الكبير على الفريق . |
الآدمي تكلم في حسابه الشخصي.. انت يا رئيس هيئة الرياضة مفروض ترسل للنادي بتطبيق اللائحة الداخلية للنادي مو تطلع بتغريدات والامعات والحثالة على قنواتهم وديوانيات وخيام التعصب والمرتزقة يريدون أن يوقعوا خلاف بين الكيان وهيبة الرياضة بدون مهنية لأن السوط لامس اطرافهم انا اشوف نكون شوي عقلانيين ونكسب ود هيئة الرياضة وال الشيخ... فالمنتخب لازال قائم على لاعبين الهلال وهيبة الرياضة ومن يقوم عليها هم على قدر كبير من المسؤولية وتحت رعاية دولة وعدل وانصاف ولا أحد ينكر مواقف ال الشيخ مع الهلال ومع كل الأندية في جميع الرياضات وهذا واجبه كمسوؤل ونحاول نبتعد عن الأمور اللي ماتعنينا ونهتم لهلالنا وياليت نكثر من مواضيع مباراتنا مع العين في آسيا ومباراة الاهلي الدورية |
الله يعطيك العافية وبالتوفيق للهلال الزعيم الملكي |
والله من وجهه نظري الله معه حق عندنا امعات وعلامين اقل مايقال عنهم انهم متعصبين وتافهين والله كنت اتمنى اكون وزير الاعلام عشان اشطبهم كلهم ياشيخ ونرتاح منهم اما ياسر فتكلم عن حسابه الخاص اولا ثانيا اللي خارج الملعب خارج الملعب مالنا فيه اهم شي نركز داخل الملعب وبس |
طبيعي لاعب افلس ماعاد عنده شيء يقدمه كرويا |
باختصار شديد لاني لا احب الا طاله وان اطلت فانصتوا ياسر القحطاني اعتبره بطل وشجاع وراسه قاسي ولايهاب المآسي رجل يرفع الراس كلامه كحد السيف البتار بيد الفارس المقاتل المغوار نواف بن سعد امير متواضع حكيم اذا قال فعل واذا فعل. احدث لايسكت عن الحق ويخرس الشيطان ومن لم يخرس يخرسه نواف |
شف شف تبي العلم ... ياسر ما اخطاء الا قال الصدق وامعات قليله في حقهم .. ياسر ما ذكر اسماء ..اللي ذكرهم مستشار الغفله وهي بمعنى هاجموه مصلعه وهو نفسه كان متفق مع ياسر ويغرد بصوره ياسر وكاتب في قلب كل (امعه) اليوم الثاني يقول ياسر غلط وكلمه (امعات) قويه وكان يقصدني !! وش ذا الانفصام ! وبعدين وش دخله ياسر عاله علينا والا لا .. انت رئيس هيئه..ادارات الانديه ادرى بشؤونها والا مالقى رد هو وطبوله قلبوها شخصنه ونواف بن سعد من حقه يعقب مع اني اشوف انه كان حنين مع الهراج ودي لو زاد القرص شوي .. موب من حق الهراج يستخدم اسم نواف بن سعد ..عشان يهاجم ياسر وبعدين اي شوشره اللي جرك لها ياسر الموسم هذا كله شوشره في شوشره بدايه من قضيه العويس الى ايقاف الفرج ..اللي مستشار الفلس يقارنها بإيقاف كلاوديمر الاهلي |
إقتباس:
|
إقتباس:
ي سلام عليك |
إقتباس:
هههههههههههههههههههههههههههههههههههههههههه صراحه احسنت .. و ياسر القحطاني قال كلمه الحق و كلنا عشاق الهلال بنوقف مع ياسر القحطاني الى اخر لحظه .. لان بقاء ياسر في الهلال يعني زياده عدد بطولاته .. و زياده عدد بطولاته تغيض الاتشاديه و الفقراويه و الطحالب اللي يبغون يقارنون ماجد عبدالله و مهمد نور و السهلاوي في ياسر القحطاني و سامي الجابر و يوسف الثنيان .. لكن و الحمدلله ان عدد بطولات ياسر القحطاني لحاله 18 بطوله متعادل مع عدد بطولات مهمد نور بنفس العدد 18 بطوله و متفوق على ماجد عبدالله اللي يملك مع نادي النصر 10 بطولات فقط الموسم هذا لو قدر الله و صار الدوري هلالي .. يصير ياسر القحطاني 19 بطوله الا ان اعلاميين كثير منتفعين للاتحاد .. دائما يثيرون مقوله ان ياسر اصبح عاله و بين فتره و فتره يثيرون الجمله هاذي لإنهاء مسيرته .. ________________________________________ هذا غير الاعلام النصراوي .. اللي يسعى و يجتهد كل الجهد عشان يلعب حسين عبدالغني في كاس العالم مع المنتخب و يتعادل مع رقم سامي الجابر في عدد المرات اللي شارك فيها ف كاس العالم .. سامي الجابر شارك 4 مرات .. و حسين عبدالغني 3 مرات .. و لو شارك في كاس العالم 2018 يصير يعادل رقم سامي الجابر اللي مافي لاعب واحد كسر رقم سامي .. و النصراويه سعووا في المحافظه على حسين عبدالغني و لعب في دوري اوروبي و عمره الان 41 سنه و ما اعتزل .. عشان يعادل رقم سامي في عدد المشاركات في كاس العالم ______________________________________ لكن نعيد و نقول و نحن عشاق الهلال .. كلنا معك ي ياسر القحطاني |
إقتباس:
لكن يا اخوي مالها داعي تقول مهمد نور هو اسمه محمد نور مافي داعي للعنصرية |
اختلفنا من مستوى ياسر أم اتفقنا فهو بالتأكيد لم ينطق بغلط وكلامه سليم 100% حتى المستشار بنفسه قال سهم في قلب كل امعه بالتوفيق لزعيمنا يا رب |
إقتباس:
اما حسينوه شارك والا ماشارك نقص ويلعب بفلوسه ..بينه وبين سامي سنوات ضوئيه |
ياسر أصاب في الكلام اللي قاله مية بالمية .. وماقال إلا الصحيح .. و من قبل لا ياسر يتكلم كان المتابع البسيط للكورة يشوف بعينه الإعلاميين يمشون بساقة آل الشيخ .. لو يصلّي بهم شرق ماقالوا شيء .. لكن التصريح وقته غلط .. و مكانه غلط .. أنت مقبل على مباراة مصيرية تحسم لك الدوري .. تصرّح هالتصريح و تشوشر على نفسك و على الفريق .. ! تصريح وقته غير موفّق من ياسر .. طبعاً فيه ناس يشوفون ياسر شجاع فارس مغوار بطل صنديد .. ما اختلفنا في شجاعته .. لكن التوقيت مثل ماقلت كان خاطيء .. |
إقتباس:
طيب يابو نوعية قوية طبببل لييين بعد بكرا |
| الوقت المعتمد في المنتدى بتوقيت جرينتش +3.
الوقت الان » 10:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd