بطولة الاستحواذ أين يصرفونها؟وهل معتمدة كبطولة رسمية ؟أفيدونا؟ لابد من تصحيح المسار يا ادارة الهلال!!
 

لا شك الاستحواذ مهم لكنه ليس الأهم كما أن نوعية الاستحواذ تحدد فائدته لكن استحواذ الهلال مخجل الفرج يدور برجله اليسرى يناول عطيف وعطيف يلف جسمه يمين بعدها يدور يسار ثم يرجع خطوة ويناول هوساوي اللي يرجعها للحارس والحارس يرجعها للبريك اللي يرجعها للفرج وهكذا تنتهي المباراة بهزيمة الهلال وخروجه من كل البطولات مع نسبة استحواذ تتجاوز السبعين بالميه.

الاستحواذ بلا هجمات استحواذ عقيم و هذا لم يحصل على ايام دياز ... على ايام دياز الهجمات تنهمر كالمطر

اما الان هذا مدربكم ... طالبتم باقاله دياز و حصل ... احصدو مازرعتم

حصدنا زراعة دياز باللعب على الاطراف والاعتماد على العرضيات العقيمه

لكن انت يامستر طبله هل انت راضي عن اختيارات ديازك للقائمة الاسيوية ؟
هل انت راضي عن عدم وجود او جلب صانع العاب في الانتقالات الشتوية بأمر من ديازك ؟

دياز يبي يمشي من بعد آسيا نسيت قدام القادسية وش قال والدليل ابنه كان ماسك الفريق بالفترة الاخيرة حتى دياز انهزم من الفيحاء وتعادل مع الفتح وطلع في الكأس من القادسية وتعادل مع الاتحاد والنصر والفيصلي وأنهزم من الاستقلال وتعادل مع العين لكن لكونك مقتنع فيه تمدحه.
هكذا غيرك يدافع عن قناعاته
عزيزي تصور هو من أبعد ريفاس وخريبين عن آسيا .

استحواذ دياز و لعبه على الاطراف .. جاب لنا الدوري و كاس الملك و وصلنا لنهائي اسيا .. و ضيعنا فرص تسجيل قدام الباب زي هاذي

https://www.youtube.com/watch?v=CWlp1HENyhg

و الاستحواذ و اللعب على الاطراف .. خلى زيدان يجيب ابطال اوروبا مرتين
________________________________________________________

الفرق اللي بيننا و بين ريال مدريد .. ان هم عندهم مهاجمين ينهون الفرص و احنا عندنا ريفاس و مختار يضيعون

يكفي ان ايام دياز كان الهلال يهيمن و يوصل لمرمى الخصم 10 مرات .. و كنا فقط نعاني من انهاء الفرص

اما بعد اقاله دياز .. صرنا نعاني من صناعه الفرص صرنا ما نوصل للمرمى اساسا

فهمت الحين ؟؟

فرق شاسع بين الفريق الموسم الماضي و الموسم الحالي .. دياز ماله اي علاقه ف الضعف هذا

دياز اللي جلد الريان ب4

و دياز اللي جلد الاستقلال الايراني ب4

ببساطه لان ما كان عنده غيابات ..

بس الموسم هذا غيابات .. عبدالله الزوري و نواف العابد و عمر خريبين و ادواردو و سالم الدوسري

و نخسر من استقلال بعد كرت احمر ب1-0 فقط ..

و نتعادل مع الريان و الفريق فاقد لاعبينه .. ف والله نعم المدرب اللي يعطي للهلال قوه و هو فاقد لاعبينه

فهمت الفرق الحين ؟؟
____________________________________________________

انت تذكرني باللي يعطيك سياره ممتازه .. ثم يطلب منك توصل للمكان الفلاني بدقيقه وحده

ثم اذا وصلت .. يقول عنك "انت اعظم سائق في العالم"

ثم يجيك اليوم الثاني و يعطيك نفس السياره و الكفره نص هواء و القزاز الامامي مخدوش و ما تشوف شي و اشياء كثيره خربانه ف السياره .. ثم يطلب منك توصل بدقيقه وحده

ثم اذا تاخرت .. يقول انت ما تعرف تسوق و خربت السياره