|
الهلال - الرائد .. اياب الدوري نشكرا دياز على الوقوف بالهلال في ظل الغيابات و الاصابات و خساره اللاعبين المؤثرين .. و كلنا مع الهلال حتى النهايه و الى الابد نشكر الاداره و اللاعبين .. ما قصروا اليوم علي الحــبسي 7.5 محـمد البريـك 8.0 هــوســـــــاوي 7.5 جــحـفـــــلــي 6.5 ياسر الشهراني 8.5 عبدالله الزوري 7.0 عبدالله عطيف 7.5 فهـد الرشـيدي 8.0 سلمــان الفـرج 8.0 ناصر الدوسري 5.5 محـمــد كــنـــو 6.5 احمـــد فـقـيـه 8.0 مجاهد المنيـع 7.5 غيلمن ريفاس 7.0 تقييمي للاعبين .. و ننتظر منهم الاكثر |
الف مبروك للزعيم الفوز المهم جدا رغم صعوبته وصعوبة فريق الرائد المحزن في الامر هو الجمهور المتواضع ... كنت اتوقع ان نجد ملعب شبه ممتلئ خصوصا ان الفريق يحتاج كل انواع الدعم في هذا التوقيت |
إقتباس:
من متى كنا نصايح ع المدربين و الاداره زي جماهير الاتحاد و النصر و نتكلم ف المشاكل و نسوي ضجه ف الاعلام .. عشاق الهلال هم الداعمين للاعبين و المدرب و الاداره و فريق الهلال بالاول و الاخير حتى النهايه .. #كلنا_دياز |
دخول كنو حرك وسط الملعب ، لازالت صناعة اللعب مفقودة خصوصاً بالشوط الأول .. الحمد لله على النقاط الثلاث ، وأعتقد بأن أحمد الفقي لديه الكثير ليقدمه للفريق .. إضافة جميلة وننتظر المزيد مستقبلاً .. الحبسي إستقبل هدفاً سهلاً .. وأنقذ هدفاً محققاً لا زلت عند قناعتي بهذا الأسد العماني .. أتفق معاك بالتقييم .. يعطيك العافية ي بطل .. :: |
حمودينهو .. حتى جحفلي هنا أخذ 6.5 :D جحفلي بهالمباراة كان أفضل من البريك و من هوساوي .. شلون تقييمه أقل؟ .. اذا تتكلم عن مباراة وحدة يعني .. يمكنك ما اقتنعت بجحفلي بشكل عام .. بس بهالمباراة هوساوي أقل مستوى من جحفلي .. والبريك مركزه برحة .. و ما زان اللعب إلا بدخول كنّو بالوسط و الشهراني راح يمين و الزوري دخل يسار .. ! وعلى أي أساس قيّمت الحبسي؟ .. دخل عليه هدف من زاوية مستحيلة و كانت كورة سهلة لو هو مركز به .. غير كذا ماله أي دور ! جحفلي طلّع لك كورة بآخر الوقت بالراس رايحة للمرمى .. و كان مستواه أحسن من طقم الدفاع كله .. وكنّو اللعب معه تحرّك .. و تغير شكل الهلال كليّاً بعد دخوله .. وصار الوسط أكثر فاعلية .. ريفاس كان سيء جداً .. والهدف مشت معه .. وضيع أكثر من فرصة .. وتمركزه خطأ .. وتمريراته خطأ .. خطأ تمريرته لأحمد فقي بآخر الوقت كانت تمريرة ما أدري وش تبي .. نجم المباراة مجاهد .. تحرّك و صنع فرص على الطرف بالعرضيات اللي مابه مهاجم صاحي يدخل عليهن .. و سجل هدف .. وهدد .. وتمركز بشكل سليم .. سلمان الفرج كان نشاز بالمجموعة .. وعطيف كان مميز بالصناعة نكبة بالمحور .. |
إقتباس:
محترف الرائد الجديد لعب في جحفلي لعب .. أتفق معاك جحفلي من أفضل لاعبي الهلال بالفترة الأخيرة ، لكن البارحة ما كان في مستواه .! تقديري لك ي الغالي .. :::: |
إقتباس:
______________________________________ سلمان الفرج اليوم لعب وسط ايسر .. التفاصيل الصغيره اللي يسويها سلمان الفرج و اللي ما يلاحظها الجديد ع الكوره خلت كل هدفين الهلال جات من الجهه اليسرى من جهته هو الجهه اليمنى شبه مشلوله لان كنو ماله في فتح المساحه و التحرك خلف الظهير و التمركز الثاني لطلب الكوره .. كل شغله قديم حق أقطع الكوره و تطلع اوت و اصيح ع الحكم ______________________________________ انت ي ابو ساري اكثر واحد يذكر موضوعي اللي كتبته عن ضعف جحفلي .. و انه ما يعرف اساسيات الدفاع سيئ كل السوء ف التغطيه .. لو تلاحظ اي فريق يلعب ضد الهلال دايم تلقى الهجمات في جهه جحفلي و بالتحديد "خلف جحفلي" و قد كتبت "خلف جحفلي" اكثر من مره لين تعبت و هدف الرائد اليوم .. المهاجم تحرك خلف جحفلي و استلم الكوره و سدد ي رجل بديت احس ان اي مدرب يلعب ضد الهلال ما يتعب نفسه في وضع تكتيك للمباراه .. يعطيهم تعليمات يتحركون خلف جحفلي و خلاص اسهل طريقه للوصول لمرمى الهلال و الغريب تلقى ناس للحين يصايحون ججججججججححححففففللللي |
إقتباس:
و اشكرك ع المشاركه |
أخوي عبدالعزيز ولا يهون أخوي حمودينيو .. أمس جحفلي كان أقل من مستواه العادي .. لكن كان أفضل الخط الدفاعي .. وطلع كورة بالباب .. ماكان سيء .. وماكان سوبر .. بس كان أقل خط الدفاع نكبة .. بالنسبة للهدف ما أشوف كيف جحفلي يتحمل نسبة منه؟ الكورة في مكان الظهير الأيسر و كان رمية تماس و التماس مافيه تسلل .. والكورة ميتة أصلاً .. أي لاعب بذاك المكان مايلام ولا يلام الخط الدفاعي كله على الهدف .. كورة ميتة من زاوية ميتة شاتها اللاعب و جت هدف .. لو كل شوتة للمرمى أبلوم عليها خط الدفاع ماخلصنا .. فيه كور ما نقدر نسميها اخطاء دفاعية .. ولا فيه خط دفاعي يطلع من المباراة بدون ولا شوتة للمرمى .. بالنسبة للفرج .. ماشفت التفاصيل الدقيقة اللي سواه .. شفت واحد يمطرس بالملعب :d .. ولا كان له أدوار فعّالة .. بالعكس عطيف على سوءه دفاعياً كان مميز بارسال الكور و التمريرات و صناعة الفرص أكثر .. وتعشيت بي قبل أتغدى بك ياحمود يوم تقول إني أمدح لاعبين سيئين و أذم لاعبين ممتازين :d .. بالعكس اللي يقدم مستوى ومفيد للهلال أمدحه لو بيني وبينه ثار ودم .. هههههه منب من الناس اللي أعض على راي واحد .. سلمان الفرج مثلاً يوم كان يحاول يثبت نفسه ببداياته وكان بمركزه بالطرف كنت أكثر شخص يمدحه .. والآن ما أحب أشوفه بالتشكيلة الأساسية لأني أدري بتروح علينا |
مبروك حصول النقاط الثلاث التي اتت بولاده قيصريه صعبه مع متذيل الترتيب ! بكل بساطه وبأمانه تامه دياز كاد ان يذبح الهلال بقراءته السيئه للمباراة !! دياز أستهتر بالرائد لانه متذيل الترتيب وأغفل أنه مكتمل من حيث المحليين والاجانب !! دياز أشرك لاعبين شباب (الدوسري , الرشيدي ) في أهم موقع بالفريق ( الوسط ) مما افقد قوة الوسط وظهور الفريق بشكل متهالك خصوصا الشوط الاول !! دياز أنتبه أنه غلط بالتشكيل الشوط الاول وسحب الدوسري واشرك كنو وتحسن أداء الفريق وهذا يحسب لدياز تدارك خطأه . ممكن لا يلام دياز الظهور السيئ للفريق بسبب افتقاد الفريق لاهم العناصر لاسباب مختلفه , لكن يسائل عن عدم اشراكه لكنو من بداية المباراة !!!! واضح لكل متابع ان البريك يوجد انخفاض في مستواه ويستغرب من دياز بعدم اشراك الشهراني يمين والزوري يسار !! اللي واضح لي ولاغلب الجماهير أن دياز غير مهتم لاحوال الفريق مثل بداية توليه التدريب الموسم الماضي !!!!!! جحفلي اللاعب الوحيد المحافظ على مستواه يشكر على جهده . عطيف لا يصلح محور دفاعي لانه لا يجيد الالتحام وقطع الكرات !! سلمان الفرج لا جديد قاتل للهجمات لبطئ تفكيره وتمريراته المقطوعه مستمره !!!! مجاهد المنيع والرشيدي والفقي مستوياتهم تبشر بالخير واتمنى الا يمارس دياز هوايته بقتل اللاعب المميز وركنه بالدكه او ابعاده نهائيا عن القائمه !!! وهذا حصل لعبدالملك خيبري وفيصل درويش وقبله الشمراني والحبسي والان كنو !!!!!!!!! وشكرا |
الله يعطيك العافية وبالتوفيق للهلال الزعيم الملكي |
علي الحــبسي 7.5 محـمد البريـك 8.0 هــوســـــــاوي 7.5 جــحـفـــــلــي 6.5 ياسر الشهراني 8.5 عبدالله الزوري 7.0 عبدالله عطيف 7.5 فهـد الرشـيدي 8.0 سلمــان الفـرج 8.0 ناصر الدوسري 5.5 محـمــد كــنـــو 6.5 احمـــد فـقـيـه 8.0 مجاهد المنيـع 7.5 غيلمن ريفاس 7.0 / أحترم وجهة نظرك ولكن لآ أتفق معك بالتقيمين جحفلي أمس كان مميز / أما الفرج كان كالمعتاد > يستلم الكورة ويرجعها على مرمانا .! يستحق أقل من 6 |
فيه لاعبين اثنين انت قيمتهم الاسوء وهم بنظري "كانو" الافضل وخصوصا الثاني من دخل غير من شكل الفريق بشكل كبير ومستواهم ثابت ماشاء الله في كل مباراه |
إقتباس:
أحترم و أقدر رأيك ولكن لو رجعنا للهدف تلقى الكورة عدت خلف جحفلي .. وهو كان مغطي مكان الظهير ، وبالنسبة لقلوب الدفاع تغطي مكان الأظهرة خصوصاً في حال وجود ضعف في المحاور الدفاعية .. وعدم وجود كثافة هجومية داخل منطقة الثمانية عشر الهلالية .. يظل مجرد رأي شخصي وإن كنت أرى نسبة الخطأ من الحبسي أكثر بكثير من جحفلي .. وهذا لا يقلل من دور الحبسي ولا جحفلي في المباراة .. تقبل رأيي برحابة صدرك المعروفة وإختلافنا لن يتحول إلى خلاف .. لأنها مجرد وجهات نظر ! تقديري لشخصك العزيز .. ::: |
إقتباس:
وصلت مرحله من الاحباط صرت اذا شفت جحفلي اساسي اروح اشوف مين حارسنا .. و اسأل نفسي نقدر نجيب التعادل او نخسر و لسى ما بدت المباراه _______________________________________ و عن سلمان الفرج .. طبيعي ما تشوف اللي يسويه و اعتقد ان اللي مثلك ما يشوف و ما يفهم ايش اللي يسويه تشافي ف برشلونه .. مع العلم ان تشافي اكثر لاعب يمرر الكوره للخلف و لعرض الملعب و يهتم للاستحواذ ع الكوره .. الا ان تشافي افضل خط وسط مر على تاريخ برشلونه في نظر "الفاهمين للكوره" و ما استغرب ان اللي مثلك يقول عن تشافي سيئ لانه مرر مره في مباراه للخلف في اعتقاد منهم ان اللاعب القوي ما يمرر ورا .. مباراتنا قدام الاتحاد .. سلمان الفرج غايب و كنا سيئين بمعنى الكلمه و مباراتنا قدام القادسيه .. سلمان الفرج غايب .. و مختار المخ و كنو حقك لعب من بدايه المباراه و انجلدنا و طلعنا و مباراتنا الاخيره .. لعب سلمان الفرج اساسي و فزنا بهدفين و الهدف الثالث كان محقق بس ضاع من دياز اللي ضيع الهدف "دياز كان منفرد و ضيع الهدف الثالث" عشان ينبسط المريض و اللي يجيه احتقان من اسم دياز .. و مع ذلك فزنا بوجود سلمان الفرج و كل الاهداف جات من جهه سلمان الفرج بس المفروض ما تشكر سلمان الفرج .. لان عيب عليك تشكر لاعب هلالي يدق كعب |
| الوقت المعتمد في المنتدى بتوقيت جرينتش +3.
الوقت الان » 04:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd