جيل،اغبر، أجل الرائد يضغطنا ويلعب بأعصابنا ولا زالت كعبات الفرج وكوره المقطوعة مستمرة لا صناعة ولا دفاع !!
 

من كان يتوقع أن يصل حال الزعيم إلى هذا المستوى المخجل لا روح ولا تكتيك ولا مبالاة كور مقطوعة برود عجيب في إهداء الخصوم كور على طبق من ذهب من قبل ابو الكعبات المضروبة الفرج وزميله الذي يتفلسف بالكورة عطيف الغريب كلاهما تجمعهما مهارة الكور الخاطئة والمقطوعة بسبب الاحتفاظ بالكورة .
لكن الفرج يتفوق على عطيف بكثرة الكعبات الخاطئة والمقطوعة .
في زمن ابو كرعان اصبح مرمى الهلال اسهل الفرق اختراقا.
في زمن المكرع ابو كعبات اصبح تسجيل الهلال لهدف حلم صعب المنال .
لعل الوضع ينصلح بوجود المحترفين الجدد لعل الله يريحنا من ابو كعبات مضروبة لا صناعة لعب لا أهداف لا دفاع فعلا دنيا حظوظ ابو كرعان يستلم أكثر من ٦ مليون بالسنة .
دياز لابد أن يرحل ليس لأنه سيء ولكن لإن الفريق ينحدر ولا يصعد .
اول مرة اشوف لاعب ما يقدر يركض الهجمة لنا وهو يمشي كأنه سلحفاة (ركضه مشي يفقع مرارتك).
الشهراني البريك دروب حاد خصوصا الشهراني .
بهذا المستوى ننسى الدوري مستوى ونتيجة طحلبيةبدون جدال.
أعلم أن شبيحة ابو كرعان مستعدة للهجوم على كل من انتقد ه لكن ذلك لا يعنيني.

والله مااقول إلا ربي يوفق الزعيم الملكي وجميع محبيه فوق كل ارض وتحت كل سماء وكل زمان ومكان اللهم آمين يارب العالمين

لا نقول الا حسبنا الله ونعم الوكيل
تعبنا ونحن نقول لايوجد في الهلال صانع لعب
ايضا هناك كم لاعب يتعالى على الكره.
بإذن الله القادم احلى.
نفوز على الباطن والنصر يتحقق الدوري
لان المعنويات سوف ترتفع والفريق يتكامل

الهلال اليوم كان سيئ وفي اكثر من سبب انه سيء اول مباراة بعد فترة التوقف والاعبين الدولين ماجتمعو الا قبل المباراة بيومين

وغياب اكثر من لاعب بس اعجبني المدرب انه اعطي الفرصه للرشيدي والفتيحي وقدم مستوى كبير صراحه والقادم اجمل مع الاجانب

اتمنى المبارة الجايه مع عودة الاجانب

يلعب بن شرقي ورا المهاجم ويلعب الاجنبي سيروتي يمين وفتيحي يسار والمهاجم ريفاس

مادري ليش العالم مستغربين من المستوى .. ترا الفرق الثانية تلعب بلاعبين محليين ممتازين و يمكن أفضل من لاعبينك الحاليين مع الغيابات .. غير أجانبهم ..
شف التعاون معه لاعبين محترفين شايلينه ..
أنت تقابل فرق جديدة .. مواسم احتكار اللاعب المحلي انتهت .. خلاص الحين اللي عنده طقم أجانب أفضل منك بيغسلك و ياخذ نقاطك ..

الهلال لعب أمام الرايد بلاعبين شباب و بغيابات كبيرة و مؤثرة و بلاعب أجنبي وحيد اللي هو ريفاس .. وريفاس أشين من المحلي ..
ريفاس اليوم بس ضيع كورتين قسم مايضيعها أصغر لاعب ..
انفرادته بالحارس اللي حاول يسحب الحارس وطالت الكورة و عرضها .. لو شاتها بدون فلسفة انتهت ..
والكورة اللي انفرد فيها ولعبها لأحمد الفقي وضيعها ..

الهلال مشكلته الغيابات .. ياعالم ودي الناس تستوعب ان الفرق اللي تباريك معها لاعبين و تبي نقاط منك ..
والرايد لعب مباراة موت أو حياة .. متذيل الترتيب و يبي يعوض النقاط باللي هي به ..


لا تحكم على الهلال إلا باكتماله عناصرياً .. مابيه مكتمل 100% .. ابي بس يكتمل 50% بس ..
أما الحين إدواردو غايب .. العابد غايب .. خربين غايب .. ميليسي غايب ومحسوب عليك أجنبي على الفاضي .. سالم راح ..

بالله عليك شف تشكيلتك ولاعبينك وقارنها بأي فريق بالدوري .. ولا تقارن بالأهلي و الشباب و الاتحاد و النصر .. قارنهم بالفيحاء و الفيصلي و التعاون .. مقارنة بدون عاطفة .. وبتلقى عندهم لاعبين الواحد منهم عن اثنين من اللي عندك ..

والله حرام حرام حرام اللي قاعد يصير في الهلال

ياجماعة الرائد والتعاون والاتفاق والقادسية والأهلي

والاتحاد والنصر وغالبية فرق الدوري كنا نفوز عليهم

ب 4 و 5

أتذكر وقت النشيد الوطني أشوف الرعب في عيون الفرق المنافسة

كأنهم يقولون وش اللي ورطنا نلعب أمام الهلال

أين هيبة الزعيم وقوته وعنفوانه

فعلاً فعلاً دياز أفلس كلياً لأن طريقته تعتمد على العرضيات

والاستحواذ على الكرة أطول فترة ممكنة مثل الطفل اذا أخذ الكورة

ما يعطي أحد ، وش تستفيد من الاستحواذ غير ضياع الوقت

الهلال معروف بالاختراق من العمق والبينيات.

ماعاد ينفع دياز أبداً

وين راحوا الفنيين والتقنيين اللي عندهم كاميرات خاصة في المدرجات

شكلها تعبت الذاكرة عندهم لأنه مستحيل تكرار الأخطاء اذا كان يتابعها.

حسافة على سيبيريا ، والله ما أنسى كيف كان الفريق في الفترة البسيطة

اللي درب الفريق خلالها.

نبغى مدرب مثل جريتس ماعنده يمه ارحميني أسلوب أوربي صارم

علشان تشوف اللاعب المدلع خارج الفريق تماماً.

اللي يحسب لدياز مشاركة الرشيدي وفتحي والمنيع

وأتمنى تثبيتهم مع ناصر الدوسري الرائع ومهند الأروع

هذولا اللي يستحقون أن ياخذوا فرصتهم ، قتاليين من الدرجة الأولى.

لسى فيه مرضى تشوف "الكعب" يعني يسب الهلال

تشوف "الكعب" يعني يسب ابو و ام المشجعين
__________________________________________

سلمان الفرج اكبر من ان يسبه واحد نصراوي .. عشاق الهلال يدعمون لاعبينهم للنهايه

و سلمان الفرج ي اللي ما تفهم ف الكوره .. صنع فرص تسجيل اكثر من لاعبين الهلال كلهم مجتمعين

سلمان الفرج لعب البارح "وسط ايسر"
و ي اللي ما تفهم في تفاصيل كره القدم .. شوف كيف هدفين الهلال كلها جات من "الجهه اليسرى"

المباراتين الاخيره اللي غاب عنها سلمان الفرج .. الهلال طلع بصوره فريق من الدرجه الثانيه من قوه من الفرق اللي تلعب معه تبادر بالهجوم و تضغط ع الهلال و ما كأنها تشوف الهلال شي .. و اليوم لعب سلمان الفرج و انتصرنا بهدفين و الثالث كان قريب و الهلال صار يصنع فرص تسجيل زي ما اعتدنا ع الهلال

سلمان الفرج يسير و كثير ينبحون ..

ما ندري و انت تكتب نسيت "اسم الموضوع"
و لا نسيت ان جماهير الهلال مع دياز ..
و لا نسيت ان عشاق الهلال مو نفس الاتشاديه و الفقراويه في الصياح ضد المدربين و الاداره و الرئيس و صنع ضجه ف الاعلام
_____________________________________________

و لا تنسى ان اللي اختلف ف الموسم هذا عن باقي مواسم الدوري السعودي السابقه هو زياده عدد لاعبين الاجانب بمعنى اللي ترتيبه الاخير زي اللي ترتيبه الاول ف القوه و التحدي و المنافسه ..

و كويس ان دياز خلى الهلال يوقف و هو مجروح و يفوز بهدفين و الثالث كان قريب قبل ما يضيعها احمد فقيه (و يطلع مريض يسب دياز) .. في ظل غياب عبدالله الحافظ و ميلسي و عمر خريبين و سالم الدوسري و ادواردو و نواف العابد .. يعني دياز لعب المباراه و هو فاقد قوته و ما عنده الا لاعبين ما يعرف امكانياتهم و بعضهم جديد ما انسجم مع اللاعبين و مع ذلك حقق انتصار ..

كلنا مع دياز ..

هذا رأيك نحن غير ملزمين فيه ترى أن الهلال مجروح ومن الذي جرحه أليس الذي أصر على المعيوف وماتياس بالاسيوية .
هذه آراء ليست حكرا على أحد والنقد لا يعني أن المدرب يجب تغييره .

اللي جرح الهلال دياز ؟؟

دياز اللي قال ضيعوا الفرص اللي قدام الباب ؟؟

دياز اللي قال للاعبين روحوا للمنتخب و لا تحضرون التدريبات الصباحيه و المسائيه ؟؟

دياز اللي قال ل سالم الدوسري روح اعاره 6 شهور ؟؟

دياز اللي قال ل نواف العابد و ميلسي و ادواردو و خريبين اصيبوا انفسكم و مبغا لاعب واحد الا يصاب ؟؟

ايش العقليات هاذي اللي يحطون كل شي ف دياز .. والله جانا احباط اذا صدق صدق فيه احد يشجع الهلال و يفكر كذا

قلت في صلب الموضوع لا لشبيحة الفرج أو أي لاعب يرى أنصاره انه فوق النقد .
سأنتقد الفرج شئت أم أبيت.
ولسنا نعلم من النصراويين هل هم الذين يطبلون لمستوى هزيل خروج من جميع المسابقات في الكأس أمام القادسية وفي الدوري الفيحاء الفتح الشباب التعاون .
اعتقد الفقراوي هو المبسوط بهذه المهزلة وأهداء الخصوم كور على طبق من ذهب من راعي الكعبات .
مشكلة بعض الاطفال هذا الوقت امس شجعت الفرج واليوم جايه تتهم الناس التي تشجع قبل ما سنة بدون
بكره تكبر ممكن يتغير اسلوبك .

المفروض تركي ال الشيخ ياخذ الفرج يحترف خارجي مستواه اكبر من الدوري السعودي .. كعباته مايفهمها الا الاوربيين .!

ايش دخل القادسيه خروجنا من كاس الملك في سلمان الفرج ..

ترا سلمان الفرج ما لعب

للدرجه هاذي وصلتوا ف الكذب ؟؟ عشان سلمان الفرج جاب محمد نور على وجهه تتشمت فيه ؟؟ عشان سلمام الفرج صنع هدف بتمريره من فوق خط دفاع الطحالب نزعل ؟؟ عشان سلمان الفرج مسح بكرامه النصر تحقد عليه ؟؟

عشان سلمان الفرج دق كعب عام 2014 .. خلاص اي شي يسويه سلمان الفرج 10 سنوات قدام ما ينسون الكعب فيه
_________________________________________________

سلمان الفرج غاب عن مباراتنا قدام الاتحاد و القادسيه .. و شفنا الهلال سيئ بكل ما تعنيه الكلمه

و المباراه هاذي لعب سلمان الفرج و فزنا و الهدف الثالث كان محقق و ضاع .. و كل هدفين الهلال جات من جهه سلمان الفرج

المفروض تستحي على وجهك و تشكره .. حاول تضغط على نفسك عشان تشكر لاعب هلالي حتى لو ما يطاوعك نفسك

و ليش تتكلم عن كعباته و انت ما تفهم ..