ازكويل سيروتي هلالي كل الاخبار تقول ان ازكويل سيروتي هو المحترف القادم ومركزه هجوم يعني بيصير عندنا 6 مهاجمين بن شرقي وسيروتي وخربين وريفاس والقحطاني ومختار اللي قاعد يصير عبث بتاريخ الهلال معروف الهلال قوته بلاعبين الوسط والدفاع مع جريتس وهو مدرب هجومي كان هدافين الفريق الشلهوب و ويلهامسون ونيفيز كلهم لاعبين وسط كنا ننتظر صانع لعب ومدافع وفجأه النادي يتعاقد مع مهاجمين والله مشكله الهلال ماهي بالهجوم ريفاس لحاله مع الاتحاد كان يلعب مع لاعبين ناشئيين و سجل 19 هدف راح للشارقه وسجل 13هدف لأنهم كانو يوصلون له الكور يوم جاء للهلال لقى العك الكروي الله يعين على هالموسم بس |
كلام سليم لكن المدرب اخذت فرصته و جلب لاعبين وفق احتياجاته وليس له عذر . الهلال يملك لاعبين محليين و قيمة شرائية للاعبين أجانب تجعله الأول على مستوى آسيا |
والله مااقول إلا ربي يوفق الزعيم الملكي وجميع محبيه فوق كل ارض وتحت كل سماء وكل زمان ومكان اللهم آمين يارب العالمين |
ههههههههههههههههه الهلال يمشي بالمقلوب نبي صانع لعب للمهاجمين يجبون مهاجمين يصنعون للمدافعين هههههههههه لابو من عطاك شهادة يا دياز الفلس |
سيروني جناح ايمن ويستطيع اللعب خلف المهاجم, وجهت نظري أنه صفقه مميزه وان شاء الله النجاح حليفه. |
إقتباس:
من شفتك كاتب ( وجهت ) وانا غاسل يدي منك ومن سيروتي ومن دياز براسه |
دور من يصنع لهم الادارة والمدرب كيف الحال !!!! نقولهم نبي صانع لعب للمهاجمين يتعاقدون مع اجنحه وهجوم طيب وبعدين من يلعب من العمق ويقولون دياز مدرب |
تدرون وش اللي يضحك اول قرار في التعاقد مع اجنبي يفاوضون صانع لعب بعد مانفرح ونقول زين الادارة عرفت علة الفريق يرجعون في الاخير يتعاقدون مع خانه ثانيه مدري هو انفصام شخصيه ولا ايه بالضبط |
تذكروا كلامي والعلم عند الله هذا اللاعب هو ضالة الهلال هو من سيجعل ريفاس هداف لاعب على الاطراف قديكون نسخة من ويلهامسون. لكن لو الادارة تكمل عملها بصانع لعب بديل لميلسي. ياجماعة نسيتوا سالم انه راح لابد من لاعب مثل سيروني على الاطرااااف. متفائل جدا لكن متى لعب سيروني وبن شرقي. |
قد يكون اللاعب مميز وباذن الله يقدم مستوى جيد ولكن المنطق يقول ريفاس وخربين وبن شرقي وادواردو وازيكيل خمسة اجانب للهجوم ! صعب يلعبون مع بعض حتى وان تم تكليفهم بمراكز أخرى فالحاجه لصانع لعب سريع ومهاري ويجيد التسديد الثابت و المتحرك ويكفي لاعب او لاعبين للهجوم ونستفيد من الاجانب ... بصراحه غريب أمر إدارة الهلال ولكن الله يوفق الزعيم |
قسم بالله انا اقتنعت ان جمهورنا مايعجبه العجب ولازم واحد يطلع يفتي من باب خالف تعرف اتمنى للزعيم التوفيق |
الله يوفقه مع الزعيم الملكي وبأذن الله نحقق الدوري |
هدي من روعك سيروتي وبن شرقي وادواردو مو مهاجمين ياحبيبي عندهم ادوار في مناطق هجومية ولكن هم لاعبين وسط ان طلب منهم المدرب البقاء في الامام بتحس انهم مهاجمين ولكن هم لاعبين وسط وبعضهم يتميز في اللعب على الأطراف وإدواردو يتميز بالإختراق من العمق المهاجمين هم القحطاني ومختار وريفاز وخريبين ومجاهد 4 لاعبين خبره و1 لاعب صاعد شي طبيعي وما يستاهل كتابه موضوع من اجله |
للمعلومية فقط مشكلة الهلال كانت في العك الي يصير في الثلث الهجومي و صعوبة اختراق الخصم و هذا ما توجه نادي الهلال بالتعاقد مع سيروتي و ايضا بن شرقي و هذا بالفعل ما يحتاجه نادي الهلال و ليس ك صانع لعب بالعمق خطة الهلال بتواجد خط رباعي قوي جدا بالمقدمة و حللولهم كثيرة و تتمحور في الرباعي الأجنبي ادواردو سيروتي ------- بن شرقي خيربين و تواجد محورين ( عطيف و ميليسي ) يجيدون الإفتكاك و انطلاقات الأجنحه و من هنا يصبح للهلال خطورة عالية في حين نجاح الثنائي القادم و عودة السوبر و هذا ما تحدثت عنه سابقا أن مشكله الهلال تكمن في الثلث الهجومي المحلي ( سالم و العابد و الشلهوب و الفرج ) امكانياتهم الهجومية تكاد تكون معدومه لا صناعة و لا حتى تسديد عن بعد و فقط سالم من يجيد الإختراق و التوغل و الإنهاء لدية صفر. صانع اللعب اعتقد ان هذه الكلمة ولى عليها الزمان و فات و اصبحت كرة القدم اكثر شمولية و اكثر تنوع ب وجود عدة مصادر خطر و هذا ما يجب ل نـادي الهلال ك نـادي كبير، و صناع اللعب حول العالم اثبتوا فشلهم بالأندية الكبرى ( ريكلمي ، فالديفيا ، قانسو ، طارق التايب و حتى الشلهوب محليا) علشان كذا نحتاج فريق كامل يصنع و يسجل و هذا ما نطمح اليه بشكل دائم |
الله يعين بس ارى والله اعلم ان فيه تخبط اداري كالعادة باذن الله يكون ضالة الفريق مع ان اغلب الجمهور والنقاد يرى ان ظالة الفريق هو مركز صناعة اللعب |
الوقت المعتمد في المنتدى بتوقيت جرينتش +3.
الوقت الان » 05:59 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd