28/07/2003, 01:01 AM
|
 | ادارة الموقع الرسمي لنادي الهلال | | تاريخ التسجيل: 23/08/2000 المكان: الرياض
مشاركات: 3,225
| |
تصريح الأميرعبدالله بن مساعد لشبكة الزعيم قبيل مغادرته مقر البعثة .
[ALIGN=CENTER]    نـــرحب بصــاحب السمو الملكي الأمير عـبدالله بن مساعـد رئـيس نادي الهلال
في مقر البـعـثة الهلالية بهولندا أهلا وسهلا بشبكة الزعيم وفيك محمد. طال عمرك دارت كثير من التساؤلات حول من يرأس البعثة في هولندا ؟ والله ما أعتقد أنه هذا موضوع مهم كثير أنت حضرت وشفت بنفسك المدرب والجهاز الإداري قايمين بدورهم وهذه ما هي مشاركة رسمية والا بعثة دبلوماسية والا بطولة اللهم هو معسكر ولهذا الأخوان الموجودين بصرف النظر عن اسمائهم فيهم الخير والبركة .
أنا موجود يومين الأخ فهد المصيبيح موجود أربع ايام نجيب الإمام موجود المدرب موجود منصور الأحمد موجود خالد المغيربي موجود يعني ما أعتقد أنه هذا موضوع مفروض يشغل بال الهلاليين . طال عمرك بالنسبة للاعبين الأجانب .. وماذا تم في أجتماعات اللجنة الفنية ؟؟ اليوم طبعا زي ماشفت كان عندنا أجتماع الصبح وكان أجتماع طويل ..
قرر المدرب بالنسبة للاعبين التشيلين اللي موجودين مع الفريق قرر ابعاد الاعب المهاجم (( باريرا )) ... وطبعا عنده فرصة المباراة الأخيرة أنه يلعبها بس ما اعتقد أنه راح يختاره .
بالنسبة للاعب الوسط (( آروس )) ربما يكون أحد الاعبين الأجانب للفريق عموما التجربة الأخيرة راح تـاكد هالشيء .
المدرب يرى انه هالاعب ممكن يلعب في أكثر من مركز ممكن يلعب محور ممكن يلعب سنتر ممكن يلعب ظهير إيسر والمدرب حريص أنه يكون عندنا لاعبين في كل مركز .
الاعب الثالث بتأكيد بيكون مهاجم تناقشنا في خمسة أسماء أستبعادنا أثنين ..
وبنقوم بأتصالاتنا بالبقية في الأسابيع القليلة القادمة وأن شاء الله نتوفق بالتعاقد مع أحدهم أذا توفرت المادة . نعـــتبر أن شاء الله أن بداية الهلال في الدوري ستكون بالاعبين الأجانب ؟ أن شاء الله اذا انحلت الأشكاليات المادية وهذا أتوقعه أن شاء الله قريب بيكونون الثلاث الأجانب من بداية الموسم .
بالنسبة لمشاركة الفريق في الصداقة .. وهل سيكون هناك معسكر للفريق في أبها ؟
المدرب حسين الحبشي طلب أربع لاعبين يعني أقل من العدد المطلوب (( حارس مرمى وقلب دفاع وظهير إيسر ومحور )) الظهير الإيسر حيكون أحمد الجري المحور حيكون أما حسين المسعري او فهد المفرج وقلب الدفاع حيكون من ((التوقو)) أحد الثلاث لاعبين اللي بيجيبهم نجيب وحارس المرمى بيكون غالبا بندر الماس .
بالنسبة لمعسكر ابها بيد المدرب هو يقرر هل البرنامج بيستمر على ما هو عليه او بيتغير .
اللي ودي اقوله أن الاعبين اللي بنجربهم بيغبون عن أول مباراتين في بطولة الصداقة لأن عندهم نهائي كأس ساحل العاج وأن شاء يشاركون في باقي اللقاءات . كلمة أخيرة لجمهور الهلال عبر شبكة الزعيم . أقول ان شاء الله ان الفريق بوضع جــيد ودعواتهم للفريق والله يوفقنا في أختيار الاعبين الأجانب ،
وأشكر شبكة الزعيم وأشكرك أنت وأنبسطنا كثير لوجودك معـــنا . شاكرطالعمرك.[/ALIGN]
|
والله يابولما كلمات الشكر قليلة في حقك 
الوضع العادي
