السلام عليكم

من زمان ماكتبت هنا

لكن دخلت ابي اشوف اخر التعاقدات ولقيت مواضيع تتكلم عن مهاجمين الهلال

صراحة ما ابي اكتب موضوع طويل عشان اثبت لكم وجهة نظري

لكن بذكركم يوم كان نواف التمياط يركض في الملعب ويشوت من اي مكان ورجله ضعيفة

تسبب في سقوط اكبر مهاجمين الخليج وقتها

سامي الجابر وبشار عبدالله

اذكر سامي ما جاب ولا هدف في موسم كامل

والان التاريخ يكرر نفسه

لاعبين وسط لياقتهم عالية واظهرة لياقتها عالية لكن مافيه صناعة ولا فكر كسر تسلل او كور طولية او رفعات متقنة او كور خلف المدافعين او استغلال المساحات بين المدافعين

فقط ركض وشوت واذا ناول يناول المهاجم ويتقدم هو يبي المهاجم يرجعها له ويسجل هدف

هذولا سبب سقوط والغاء عقود بنتلي والميدا

اللي من يوم تركوا الهلال ولعبو مع خط وسط صاحي تفكيرة يصنع للهجوم رجعوا هدافين

والان خربين وريفاس ومختار على نفس الطريق

والله لو نجيب محمد صلاح ونيمار ما ينجحون بالوضع الراهن

فكرو بكلامي

محتاجين صانع لعب مثل التايب خلى العنبر هداف الدوري

او كماتشو او ولهامسون اللي صار الشلهوب هداف الدوري بسبب صناعته

محتاجين صناع لعب فقط

واذا جبتوهم عادي ولو ترجعون القحطاني والشمراني بيكفونكم اللي اتوقع صناعة اللعب هي سبب تراجع مستواهم

ان شاء الله الاداره تستعجل بس بالتعاقدات لانه مافيه وقت واي خساره قادمه راح تضيع الدوري

باي باي دوري باي باي كاس الملك

الله يعطيك العافية
وبالتوفيق للهلال الزعيم الملكي

إقتباس الرسالة الأصلية كتبت بواسطة ابوفيصــل كان الفارق النقطي بين الهلال واقرب منافسيه 9 نقاط في حالة فوزه في مبارياته المؤجله لكنه للأسف فرط بالنقاط واصبح الفارق نقطتان فقط ومستوى الهلال لم يتغير وخطه واحده ومكشوفه لدا كل الفرق استحواذ لااكثر ومن ثم هزيمه او تعادل بشق الانفس وخير دليل مباراة الاتحاد اللتي لولا الله ثم تألق الحبسي والجحفلي وعدم توفيق عكايشي لخرج الهلال مهزوم بخماسيه او اكثر . لذا انس الدوري والله يستر من اللي جاي

ايش دخل الاستحواذ تعيّب عليه .. الاستحواذ جاب الدوري الموسم اللي راح

و بالاستحواذ برشلونه حط اوروبا و العالم في جيبه 4 سنوات ورا بعض ..

انا ما يقهرني الا اللي اذا الاستحواذ صنع له 9 فرص ثم اذا ضيعها كلها .. يجي يقول الاستحواذ و الاستحواذ .. طيب المهاجم ما انهى الفرص ايش تبغا دياز يسوي ؟؟ ينزل ينهي الهجمه يعني ؟؟