ريفاس واداء الهلال بالنسبه لريفاس فانا ارى وجوده في الهلال لا اقول لايفيد ..بل يسبب ضرر اكبر على الفريق .. فيجب ان تنظر الاداره الهلاليه جديا في امره ..فلاعب واحد ممكن ان يتسبب في خسارة بطولات ... استغربت من اداء الهلال في الحاله الدفاعيه ..!! الضغط على حامل الكره شبه معدوم ...!! وتقنيته ضعيفه ..وبرود غريب من اللاعبين في الحاله الدفاعيه لايتناسب ابد ان تلعب بخطة مصيدة للتسلل ..وانت لاتضغط بقوه وسرعه على حامل الكره ..لانك ان لم تفعل هذا ..اخذت تمريرات بينيه متقنه وانفردات على مرماك ...وعرضيات متقنه ايضا ..فليحذر الهلاليين . واستغرب فعلا من دياز عندما عطل صناعة اللعب تماما بتشكيلته ... الهلال في المباريات الصعبة يعتمد على ادواردوا وسالم في المقام الاول ثم العابد والفرج في المقام الثاني الهلال افتقد لثلاثه منهم ! ولم يبقى الا سالم فقط .. لايمكن ان تزج بالنجراني وتقول هو مفتاح او ناصر الدوسري او كنو وتقول هؤلاء مفتاح للهجمات هؤلاء بعضهم يفتقد الثقه والقياده وبعضهم يفتقد الخبره ...لايمكن ابدا ان ترضى بهؤلاء ان يكونوا مفاتيح للهجمات وقيادة الصناعه ...وكان الامر واضح بضروره كبرى لوجود الشلهوب في التشكيله بغياب هؤلاء اللاعبين ...كان من الضروري والحتمي اشراك الشلهوب كأساسي في المباراة .. !! دياز كاد يهزم الهلال باخطائه واعيد وازيد ان الحاله الدفاعية وتقنية الضغط على حامل الكره وصلت الان الى اسوء مستوياتها منذ اربع سنوات مضت ..والبرود عنوان واضح وخطير في اللاعبين الان في الحاله الدفاعيه وتقنية الضغط السليم على حامل الكره ..!! |
موضوعك اعجبني .. و فعلا الضغط على حامل الكوره لها ايجابيات كثيره و لها سلبيه وحده بس الايجابيات .. 1) بدال ما ندافع ب4 لاعبين فقط يصير الخصم لازم يتجاوز 10 لاعبين اذا المهاجمين و لاعبين الوسط يضغطون على حامل الكوره و مع قطع خطوط التمرير 2) تريح الخط الدفاعي للفريق من جهد المراقبه اللصيقه طيله المباراه 3) تحطم ثقه فريق الخصم بقدراته الهجوميه و تكون اعلى طموحاته هو الخروج من الضغط اما ب تشتيت او كورات طويله عشوائيه او الركض اليائس بالكوره حتى تقطع السلبيات .. ارهاق لاعبين الفريق .. -------------------------------------------- موضوعك اعجبني .. و لازم عشان نستفيد من التسلل يصحابه ضغط مباشر على حامل الكوره و عدم اعطائه فرصه لضرب خط الدفاع نقطه اخيره احب اضيفها .. ميلسي و سلمان الفرج و عطيف و سالم الدوسري هم اللاعبين الأميز في الوسط و الاكثر ثقه بالكوره بس يحتاجون مهاجم يطلب الكوره في المساحات شوفوا فهد المولد اول ما دخل بعد تبديل في مباراه السعوديه و الامارات .. سلمان الفرج صنع له فرصه قدام الباب و فهد المولد يلعب موسم كامل في الدوري السعودي اللي قدام التعاون و الرائد و الفيصلي و ما ينفرد قدام الباب .. عطيف و سلمان الفرج و نواف العابد خلوا فهد المولد ينفرد و قدام اليابان اللي هو اقوى خط دفاع في اسيا .. هذا دليل ان سلمان الفرج و عطيف اكبر صناع لعب في الدوري بس يحتاجون مهاجم يطلب الكوره ريفاس يصلح ورقه رابحه لا اكثر .. التقييم العام سيئ |
ريفاس لاعب صندوق واثبت ذلك باهدافه على الباطن واحد طريقة الهلال منذ الازل تعتمد على المهاجم الي يرجع يستلم كورة او انتظار القادمين من القادمين او اللعب على الطرف واسال يوسف العربي |
إقتباس:
:ba: |
الله يعطيك العافية وبالتوفيق للهلال الزعيم الملكي |
|
السلام عليكم ،،، اتفق معك ببعض الامور : * الهلال يعاني من قصور بسبب الارهاق النفسي والبدني بعد بطولة اسيا * الاصابات في لاعبين مفاتيح لعب ولهم ادوار مهمة كادواردو ونواف وخربين * ميلسي لاعب مهم فخبرته وتواجده الان مطلب بالوسط وخصوصاً المحور * الشلهوب ممكن يعطيك 30 دقيقة ولايمكن الاعتماد عليه طول المباراة * الافضل ان يلعب الهلال 3_2_3_2 في المباريات القادمة خصوصاً امام فرق الوسط والقاع |
وجود ريفاس دمر كلشي لاعبين وجمهور وهيبة فريق ونقاط انا ابي افهم من اللي ورطنا فيه الله لايوفقه الله يفكنا منه ولايوفق كل من كتب عنه أنه مطلب للهلال لا ريفاس ولا مختار قسم بالله لو يرجع ماتياس بدل ريفاس انه ارحم مع ان ماتياس ليس لاعب كرة قدم اصلا |
الوقت المعتمد في المنتدى بتوقيت جرينتش +3.
الوقت الان » 10:17 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd