|
استمرار الاداء الباهت سببه الاول والاخير الادارة " نواف بن سعد " بعد الخروج الاسيوي ماصار تهمني اي بطوله بقدر تصحيح الاخطاء من مباراة الفتح والفريق من جرف لدحديره لاروح ولا احساس بالجماهير والادارة ما ادري اذا تشوف اللي نحن نشوفه ولا عندها شي اخر يشغلها طلعه بر واجتماعات والمحصله فرق متوسط تحشرك بملعبك واكبر دليل عللى العبث الاداري كلام عمر خربين بعد مباراة اليوم !!!!! _____________________________________ اذا ماتحركت الادارة وتعاقدت مع بديل لماتياس بقدر نجومية السوبر فلن نفلح اذا ما الغت عقد المقلب الاخر ريفاس بمهاجم غيره فلن نفلح السوبر ماراح يرجع الا بداية الموسم القادم ضروري يكون له بديل موقت غير اننا ما استفدنا من ال6 اجانب .. جبنا اجانب فاشلين سبب ضياع اسيا الاجانب الفاشلين _____________________________________ اذا الدوري الان صعب علينا فما بالكم بنسخه اسيا القادمه |
لابد من حزم مع اللاعبين ... و تطبيق الإحتراف الحقيقي ... قلناها أكثر من مرة هذا وقت عدم التساهل مع اللاعبين همه الأول المرتب ... ما يهم الجمهور ولا حتى الفريق بأي ترتيب ..... متى يخلص الدوري لكي أسافر ..................... |
للاسف دائما ما اتحاشى الكلام عن الادارة ومحبوبنا الغالي الامير نواف بس الي هنا .... نقول وبالصوت العالي سمو الامير شف لك حل . اما هذا المدرب فوالله اني وصلت لقناعه انه مفلس وافلس اكثر باصابه ادواردو ولن يهنا له بال الا بضياع الدوري وتدريب ابنه على حساب الهلال . يخافون يحاسبونه يزعل للاسف . |
ادارة تشوف الفريق مدحدر ومدربه يعبث ولا احد يحاسبه ولاتتحرك وجودها مثل عدمها .ورحيلها اصبح ضروره لانقاذ الفريق ... تعبنا من اختلاق الاعذار للمدرب ابوخطه واحده ومدير الكره المتفرج وادارة صح النوم ... مارأيناه اليوم اسوأ هلال من سنوات |
كلنا نقول ان التصحيح اهم من الفوز ولكن الكارثه أن الأمير نواف يكابر ويدافع عن المفرج ودياز يكابر ويدافع عن ميليسي والفرج ! وهنا ستستمر المعاناه الهلال يستطيع أن يكون اقوى خط وسط بالمملكه وذلك باللعب بالخيبري محور دفاعي وعطيف محور هجومي وعلى اليسار الفرج او العابد او ناصر الدوسري ويمين سالم او درويش او ذعار العتيبي ويبقى خربين او ياسر مهاجم ثاني وريفاس او مختار راس حربة والتعاقد مع صانع لعب سريع ومهاري ويجيد التسديد الثابت و المتحرك مثلا لوان جريميو او باتريك شاختار بدلا من ماتياس وعندها سيكون الفريق منظما وقويا بالملعب |
والله ماقاهرني الا استخفاف المدرب بنا كأن الجماهير لاتفهم كورة عندما يقول سيطرنا على المبارة كاملة طيب ياداهية عصرك سيطرت بس قول لي فزت على الفتح فزت على الفيحاء والفيصلي والاتفاق جاوب يابو سيطرة بذكركم بالمدرب الموقت مدرب الفريق الاولمبي قبل دياز استلم الفريق في ثلاث مباريات او اربع كلها فوز بالثلاثة والاربعة مع نفس اللاعبين لكن مع دياز لنا السيطرة وللخصم النقاط |
إقتباس:
دياز ممكن يتحمل حزء من المشكله خاصه بإشراك نواف وهو غير جاهز لكن الجزء الاكبر موزع بين الادارة اللي ماخلصت موضوع ماتياس الي الان وبين اللاعبين اللي ماقدموا ولانص مستواهم كمل نواقص الفريق ثم حاسب دياز رقميا ماعليه كلام |
إقتباس:
المفرج شكله مسوي عمل لنواف بن سعد خلاص 5 سنوات تكفي اللاعبين مايتمسكون بمدير فريق الا انه ماشي على هواهم |
خطوات التصحيح ياوجه السعد جناح بديل لماتياس وبديل مؤقت للسوبر " لازم واحد منهم صانع لعب " مهاجم بديل لريفاس " النسخه الحاليه من ريفاس مفلسه فنيا " الغاء عقد ميليسي والاعتماد على كنو والتعاقد مع مدافع " هذي اخر سنه لهوساوي " المدافع شي اساسي لانه لا يمكن الاعتماد على الحافظ او البليهي اللي ماشارك كثير _______________ اعارة او فسخ عقد الحافظ ودريش والنجراني ومختار والواكد ذولي والله مافيهم رجا " الشلهوب وياسر فك ارتباط " عودة البقعاوي وتصعيد ناصر ومهند والرشيدي واليامي بعد العوده مع مجاهد والمفرج ___________________________ ارجو العمل ولو بـ 50% من الكلام |
حبايب قلبي حنا نوصل لمرمى الخصم لكن فيه عشوائيه ونقص 1/ العشوائيه من الشهراني مايركز فيه كرات لو ركز عند المرمى كان يضعهن بسهوله للمهاجمين وفيه كرات ممكن بسددهن لو موه ع المدافع وشات ع المرمى ياهدف او ترتد من الحارس للمهاجمين 2/ اتمنى لو جربوا ان يلعب الزوري مع الشمراني والله الزوري متمكن بالهجوم ويتصرف افضل من لاعبي الوسط والاهم ان رجله قويه (الهلال محتاج لاعب يشوت من برا ال18 ماهي معقوله يبي يخترق اي دفاع (الزوري عنده حلين 1/ يشوت 2/ يخترق بحرفنه ويصل المرمى بخطوات فليله |
إقتباس:
واكبر دليل مستوى الفرق الي تحققة من موسم وسترن سيدني واندررز ومن بعدها قوانزو وانتهاء باوراوا فرق تقفل طول 90 دقيقة و تعتمد على اخطأ الخصم بدلا من القوة الفنية اذا نبغى اسيا لازم نجيب لنا مدرب عربي ممتاز من الناحية النفسية والجانب الدفاعي |
إقتباس:
واكبر دليل مستوى الفرق الي تحققة من موسم وسترن سيدني واندررز ومن بعدها قوانزو وانتهاء باوراوا فرق تقفل طول 90 دقيقة و تعتمد على اخطأ الخصم بدلا من القوة الفنية اذا نبغى اسيا لازم نجيب لنا مدرب عربي ممتاز من الناحية النفسية والجانب الدفاعي |
نادي الهلال أشبهه بعائلة جميع أفراد أسرتها مشتتين |
الله يعطيك العافية وبالتوفيق للهلال الزعيم الملكي |
رسميا: غياب لاعبي الهلال الدوليين عن الهلال في حال تأهل الهلال لـدور 16 من دوري ابطال اسيا لارتباطهم بمعسكر المنتخب وغيابهم عن بطوله كاس الملك الان اصبح ضروري التعاقد مع لاعبين اجانب ياوجه السعد خط دفاعك بالكامل راح يغيب |
| الوقت المعتمد في المنتدى بتوقيت جرينتش +3.
الوقت الان » 01:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd