|
خطة مكشوفه هاردلك على التعادل الغير مستغرب كالعاده قفل على اجنحة الهلال ويضيع الهلال دياز لازم يعرف ان خطته مكشوفه مجرد ماتتم مراقبة البريك والشهراني نتورط وخصوصآ ان ماعندنا صانع لعب ليش الاداره الهلاليه ماتناقش المدرب عن سبب عدم العمل على الكورات الطويله من الدفاع والمحاور للهجوم مثل ماكنا نشوف مع ريجي كامب ودونيس |
هل جل الشعر يؤثر على اداء اللاعب في الملعب؟ اذا كان يؤثر نرجو من الادارة منع وضع جل الشعر قبل المباريات و أي لاعب يبي يتمشي يروح الثمام و الملاعب مخصصه للعب كرة القدم و افهم يا فهيم |
كلامك سليم يازعيم.. و لكن تدري وين المصيبه.. المصيبه لايوجد بالفريق من يعطي كوره صحيحه .. ماعدا الشلهوب.. البقيه جميعهم محاور يجيدون تنويع اللعب باستثناء سالم الدوسري المتطور اخيراً فما قدامنا الا باللعب علىالاطراف لذلك صعب انك تلعب بالعمق و بينيات و عناصرك لا تجيد البينيات ايام دونيس كانت الاطراف متطوره كثيراً كان كل اوفر مدروس وكان يركز على تطوير الاطراف وايام ريجي كانت طريقته اوربيه متوازنه بمهاجم وحيد ولكن المختلف بين الثلاثه جميعهم كان بينهم تياقو و الشلهوب ونواف قبل اصابته اما الان مع دياز فلا الومه لعدم وجود صانع اللعب لذلك يلعب بالاطراف مع التوغل احياناً ولكن للاسف لم يطور الاظهره و نشاهد عدد العرضيات كبيره جداً و الصحيحه لا تتجاوز 2 من 10 في فترة الانتقالات نمني النفس بصانع لعب سريع مهاري يجيد الكرات الثابته |
دياز انكشف وافلس للأسف الهلال يحتاج صانع لعب بشرط يجيد تسديد الفاولات |
لعب الهلال صار معروف لدى جميع الخصوم واللي يبي يسجل علينا او ياخذ نقطتين على اقل تقدير يكتل الدفاع ويلعب على الهجمة المرتدة رغم ظروف الاصابات للسوبر ادواردو ماعندنا الحلول للوصول والتسجيل على الخصوم اتمنى من الاداره والمدرب دياز يشوفون حل لكي لا نفقد الكثير من النقاط ونخسر الصداره والدوري متبقي له تقريبا حول عشر جولات اتمنى تغير الخطه واللعب براس حربه اثنين ريفاس وخربين رغم نشوف تواضع في مستوياتهم لكن هم الاساسيين ولا يهون ياسر القحطاني ومختار فلاته |
المشكله الازليه لدينا هي اضاعة الفرص |
خطة مكشوفة !! قصدك مافي خطة |
برشلونه والريال كلهم خططهم مكشوفه والجميع يعرفها. الهلال ايضاً خطته مكشوفه وكل الفرق خططهم معروفه. لكن جب لي فريق سعودي او اسيوي يستطيع ان يهاجهم الهلال؟ او يفتح الملعب امام الهلال ؟؟؟ هنا التحدي |
إقتباس:
|
اسمح لي اخوي ما فيه شي اسمه خطه مكشوفه موضوع الاستحواذ على الكرة ومحاولة اقتناص الثغرات طريقة جيده ولكن لنستفيد من الاستحواذ يجب أن يلعب المدرب بكل لاعب بمركزه الأساسي وبمجرد غياب الأساسي يلعب البديل وعدم اختراع مراكز ليشارك مثلا الفرج محور ودرويش ظهير ايضا اشراك اكثر من لاعب بنفس المركز وتكليفه بمهام مركز اخر يضر الفريق وهذا يحدث عندما يشارك العابد والفرج سويا وكذلك عطيف وميليسي لذلك اتمنى ان يلعب المدرب بكل لاعب بمركزه الأساسي بغض النظر عن الأساسي او البديل الشهراني او الزوري ظهير ايسر جحفلي وهوساوي او البليهي او الحافظ مدافعين البريك او زباني ظهير ايمن الخيبري محور دفاعي عطيف او كنو او فلاته محور هجومي العابد او الفرج او ناصر الدوسري وسط أيسر سالم او درويش او ذعار العتيبي وسط ايمن خربين او المنيع او ياسر مهاجم ثاني ريفا او مخ رأس حربة عندها سنجد فريقا منظما يقنع ويمتع ما عدا ذلك سيبقى الهلال يعاني حتى وان فاز وبالفترة الشتوية يتم التعاقد مع صانع لعب سريع ومهاري ويجيد التسديد الثابت و المتحرك مثلا لوان جريميو او لاعب مشابه حتى يلعب المدرب بطريقة 4411 او غيرها من الخطط |
|
يارجال افهمها دياز يريد الرحيل ومستحي بعد اكرامه قال اخبص على اساس تقيلني الادارة يجي العيب منهم كل المدربين كذا فهموا الخطة نروح للسعودية نهبش لنا كم مليون ونخبص ونرجع شهره الهلال ويعتقد انه صعد القمر بفكره الاعمى الى المريخ ولا بذمتك لاعب واحد باثر على الفريق الى هالدرجة الاعبين هم هم لايتغيرو ولم يقصروا احسبوها |
المدرب دياز مميز ومايقدمه مميز والدليل أن الفريق يسيطر على المباراة مهما كان الخصم كبير أو صغير .. تبقى المشكلة في التهديف وضياع الفرص وهذا لا يتحمله المدرب .. والتوفيق من الله والله يوفق الزعيم |
ابشركم دياز نفسه بيلعب الجولة القادمة من الدوري عشان يسجل اهداف مدرى وشتقولون كل مباراة اكثر من مئة هدف يضيع وتلومون دياز والله ان النصر والأهلي والاتحاد وغيرهم من دول الخليج ينتظرون خروجه من الهلال وبيدفعون له اكثر شكلكم بتنحشونه مثل غيره عند اى هزه بالفريق |
الله يعطيكم العافية وبالتوفيق للهلال الزعيم الملكي |
| الوقت المعتمد في المنتدى بتوقيت جرينتش +3.
الوقت الان » 05:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd