|
يجب تثبيت حساب الهلال البنكي على المنتدى نعرف نحول السلام عليكم دشنت هيئة الاتحاد ايقونة .. ادعم ناديك ورايتو كيف ان جماهير الهلال فى اليوم الاول اكثر جماهير دعمت النادي لذلك لايجب ان تذهب الفلوس للاتصالات والشركات المنفذه نحن نثق فى ادارتنا لذلك يجب ان يثبت حساب النادي البنكي على المندى لاننا نريد ان نتبرع باكثر من ريال يوميا يمكن 10 او 20 او 30 او 50 او 100 ريال يوميا ولايجب ان تذهب لغير النادي كفاية عليهم البطاقات مسبوقة الدفع معى ياشباب ولا لا . |
الله يعطيك العافية وبالتوفيق للهلال الزعيم الملكي |
فكرة رائعة كانت في بالي أمس وكنت افكر كيف انا وغيري نلقى حساب النادي اللاشتراك و الدعم المفروض ان الحساب يُـشهر في اماكن واضحه تكون امام الجمهور في النادي وفي المدرجات في مبارايات الهلال وطبعاً على الواجهة في هذه الشبكة العزيزة في منتدى الجمهور الهلالي, وفي اعلى الصفحة حتى يراها الجميع ويتم التذكير بها دائماً شكراً لك :wub: |
فكرة جداً ممتازه واتمنى وضع الايبان وتوضيح اسم البنك حتى يسهل على من يريد التحويل من بنك اخر ... |
لابد من اجاد الحساب البنكي اين يوجد حتى اصدقائي يسالون عن حساب البنك ودهم يتبرعون باكثر من ريال الريال لايمثلنا كجماهير للزعيم |
لاحول ولاقوة الا بالله اسواء قرار سمعته بحياتي كله ليت القرار يكون لدعم الفقراء المسلمين لاكن لا الوم رجال الاعمال وبعض المسؤولين التجار لانهم ماحسو بالحاجه ويضنون ان مافيه احد محتاج والكل قادر على الدعم وهذا غير صحيح ان كنتم صادقين وتبون الدنيا والاخره ادعمو الفقراء والمحتاجين في دولة الاسلام بعيدا عن هدر المال في غير الحاجه يجب عليكم ايصال صوتكم لمن يصنعون القرارات وعليكم بالتذكير لانهم شبعانين فلوس وغافلين ذكروهم وحطو قرارات تنفع المسلمين خلونا نتكاتف على فعل الخير وانتم شاطرين بدعم الاعبين والكوره ماديا وهم مهم بحاجه للماده هم الي مفروض يدعمون مايدعمون اتمنى ان الفكره هذي تطبق على ارض الواقع لدعم الفقراء والمحتاجين زي ماطبق هذا القرار ودعم منكم ومن غيركم انا عن نفسي لن ادفع حتى لو ريال واحد لتجديد عقد من عقود الاعبين وهيلكم الكوره كله لكم |
إقتباس:
|
ياخوي الغالي يابعد روحي انا ماني ضد التطور ولاني ضد اي فكره تنطرح ولن اكون عثره وعائق لاي خدمه تنفع وننتفع به لاكن الله عرفناه بالعقل ماشفناه بالعين وشلون ندعم اهل المليارات وننساء الفقراء و المحتاجين بالهدر والتبذير ماتنبط تسبدك اقل حاجه ادعم وخل صوتك ياصل لاهل الخير الغافلين عن الدعم الاعلامي ولو اني اعلم ان امة محمد عليه الصلاة والسلام كلهم بهم خير لاكن ذكر فأن الذكراء تنفع المؤمنين والرياضه هي المنبر العالي الي صوته يسمعه الكل وعمل الخير مايقف على وزارة الشؤون او غيره حنا كلنا باذن الله وزارة خير وداعمين للمشاريع الي به نفع للاسلام و المسلمين ولاكن مادمت تدعم الخيريات وغيرها من اعمال الخير فانت باذن الله وجه خير والله يكتب اجرك ولاكن لازم تدري ان فيه ناس متعففين مايمدون يديهم لاحد ولايدري بهم احد الا الله سبحانه وهو ارحم بهم مني ومنك ومن تركي المستشيخ فقط الفكره الي ابي اوصله انه احد المسؤولين يحطلهم مشروع زي مشروع ناديك والباقي على اهل الخير باذن الله اما اصحاب الملايين مانبي منهم غير الدعم الاعلامي لان الناس تبيهم وصوتهم واصل اما الدعم التنفيذي اتركوه وصرو فلوسكم على تسبودكم ولن نطالبهم لانهم عفون وماصارو اصحاب ملايين الا لانهم يصرونهن يعل مالهن والي ( ويل للذي جمع ماله وعدده ) يقرون القرأن بس مايتدبرون اياته الله الي خلقنا وخلقهم يتوعد الي يصرونهن ولاكنهم غافلين الله لايطمس على قلوبنا ويفتح بصيرتنا انا اقول ادعم بالفكره وليس بالمال يعني زي نضام ادعم ناديك ولاكن تكون بصيغه اخرى مثلا ادعم المطفريين ؟ وبعدين عاد تعال لوتبينا ندعم الوليد براسه |
إقتباس:
لي كم يوم اهوجس بنفس الموضوع في انتظار الحساب البنكي الخاص بالملكي |
إقتباس:
اما المحتاج فنحن نتفقد محتاج الحي ولا نقصر ولو كل واحد يتفقد المحتاجين بالحي الذى يقطنه لاقضينا على الفقر. |
الله يعطيكم العافية وبالتوفيق للهلال الزعيم الملكي |
إقتباس:
يا اخي اترك الكورة اذا هذي نظرتك لها 30 ريال شهريا اقل من تذكرة مباراة ولن تمنعك عن اداء المعروف نادي الهلال لديه ادارة في المسؤولية الاجتماعية مدير ادارة المسؤولية الاجتماعية لنادي الهلال الرياضي سعود السبيعي: ٢٥٪ من دخل النادي للمسؤولية الاجتماعية (تبرّع الأمير عبدالرحمن بن مساعد رئيس مجلس إدارة النادي بمبلغ نصف مليون ريال باسم نادي الهلال ولاعبيه ومنسوبيه وجماهيره لصالح يوم التضامن مع الأطفال السوريين) الرياضة هي وسيلة ترفيه وبما ان الهلال يسعدنا فهو يستحق الملياردير يدعم باللي يقدر عليه وانت ادعم باللي تقدر عليه واذا ما تقدر على 30 ريال بالشهر وهي اقل من تذكرة مباراه واحدة فلست مجبور والله يسهلها عليك ما فيه داعي للحلطمة يا اخوان تسببون لنفسكم عقد نفسية من لا شئ وشكرا s13ss13ss13s |
دنياك لو جتك وعطتك الملايين لاتضمن الدنيا ومدت يديه خسران بالدنيا وخسران بالدين مشقيكم الله يالوجيه الشقيه اشوفكم ماتدعمون المساكين ويمينكم على التوافه ثريه مصيافكم على فيّنا وبرلين كذا انخلقتو من عوايل غنيه لاكنكم عن السعاده بعيدين لو المخابي والمخازن مليّه #ابوجواهرâœڈ |
إقتباس:
بس معليش اخوي الامور ما تدار بهذه الكيفيه كم من تبرع راح بالنهايه واكتشفنا انها لها علاقه بالارهاب التبرع وغيرها من امور تدار بتقنن وتفنيد ومن خلالها تقدر تتبرع... ماهي صعبه انك تحصل دين ودنيا والدين يسر ماهو (عسر) =يا تتبرع لاعمال الخير يا لا تتبرع ابداً؟! تبي تتبرع لنادي حياك الله ماتبي تتبرع محد جابرك او ضربك على يدك. وبعدين مين قالك ان كل هذول اللي يتبرعوا للانديه ما يتبرعوا لاعمال الخير؟ ترا فيه ناس افضل منك ومني ومن الكثيرين يتبرعوا للانديه ولاعمال الخير. لكنهم ما يتكلموا ويطلعوا ويكتبوا اشعار و دراما.... للامانه اللي كتبته اعجبني جدا سلمت يمناك. |
أخي الفاضل من يطالب بدعم الفقراء والمساكين أقدر لك حرصك وأحب أن أوضح ماهو أهم شرعا وعقلا ,, وإجتماعيا الزكاة ,,,,, الزكاة ,,,, الزكاة فلو أن التجار دفعوا زكواتهم في مصارفها الحقيقية لما وجد في بلادنا مسكين أو فقير أو محتاج أليس كذلك فقد تركت ما فرضه الله على كل مسلم فما كنت أتمنى منك أن تعترض على هذا المشروع فهو ليس مفروض |
| الوقت المعتمد في المنتدى بتوقيت جرينتش +3.
الوقت الان » 01:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd