اااااااه يالقهر جالس اشوف الفتح والأهلي وأقول وين ذاك الفريق الي نشب لنا نشبة في شوط لاقم ثلاثة والسومة مو معهم. ومدربنا رلعيبته ومعهم الادارة فاشلين بدرجة امتياز المدرب فاشل في التكتيك اللعيبة الروح صفر الادارة هذا حنا ياعبيد مانقدر حتى نسوي بطاط |
انت تشووف اللي انا اشوفه ؟؟ وربي نفسس كلامي .. شوف الفتح وكيف لعبهم مع الأهلي لااستبسال لا تقفيل ولعب أي كلام !!! مقهوره كييف ضيعنا علينا هالمباريات ونقاطها ؟!! تعادل مع الفتح وهزيمه من هالفيحاء .. " خمس نقااااط ضاااعت مع فرق تلقم ثلاثات واربعات " اووكي عارفين ان هالفرق لعبها مع الهلال غير الفرق الثانيه .. بس مفروض لعبنا بكـل قتاليه وعزيمه ضد هالفرق ومانجلس ندلع ونتفلسف عند مرمى الخصم ونضيع نقاط وحده ورا الثانيه لما يضيع الدوري !! الله يزينها بس بكره ونفوز |
أتمنى ان ماتضغطنا هالمباراة بكره !! تمنيت نلعب وياهم بنفس الوقت علشان ماتصير ضغط للهلال |
رااااح نتعب مع ياعبيد مانقدر نسوي بطاط ولا المدرب أنا غاسل يدي منه بسبب انه مدرب ماعنده مفاجئات للخصوم. أو يقدر يلعب باكثر من خطة |
عندهم مدرب على مستوى ..إكتشف من جديد أحسن هدّاف من وجهة نظري في الدوري آلا وهو (مُهنّد عسيري) والله هدّاف بمعنى الكلمة... |
و لا قهر يالحبيب ولا شيء هذا أمر طبيعي في عالم الكرة .. نادي متهالك يفوز على بطل الدوري وفريق متذيل الدوري يفوز على هالفريق المتهالك بالأربعة والخمسة .. أمر طبيعي جداً الأهم ما يستمر ضياع النقاط واللعب بكل روح وبذل كل ما يستطيعه اللاعبون دون تهاون .. |
إقتباس:
صدقني لو ينقلع النمر والمفرج وتجيب ناس على شاكلت طارق كيال ر اح تشوف تغييير كبير في مستوى الفريق |
ما ندخل في الذمم لكن واضح للجميع من بعد صفقة انتقال المقهوي من الفتح إلى الاهلي و الفتح يفتح مرماه بشكل عجيب أمام الأهلي!!! عموما الهلال يفترض انه لا يفكر بأحد .. يفوز على التعاون و بعدها المؤجلات ويتصدر ثم يستمر بالصدارة بعد ذلك. المهم حسم صفقة بديل ماتياس بسرعة و ببديل يحدث الفرق واتمنى وسط هجومي لمركز صناعة اللعب. |
الهلال غيير.. جميع اندية القارة تحسب الف حساب لهذا النادي وتلعب بفدائيه وتضحيات.. فما بالك بالفتح وما يساويه من فرق ضعيفه.. هذه احد ضرائب الزعامه.. ايقافه مكسب وسمعه وانقاذ ومكافئاات.. الفتح امامك ليس كالذي يلعب مع غيرك.. وكذلك الفحياء والاتحاد وغدا التعاون وبعده الفيصلي.. ( الدوري على الهلال اصعب من على غيره) لكي تستمر بالمنافسه يجب ان تضرب بقوه وبلارحمه وهذا يحتاج لأدوات نفتقدها.. التركيز على احراز الهدف الاول مبكرا هو الحل... كلما تأخر هذا الهدف كلما زادت الروح والثقه عند الفرق المدافعه. |
المشكلة الأدوات انكشفت بغياب ادواردو. وانت مستقطب لعيبة من اندية محليه. علشان تزبرق بها الدكة وإدارة ياعبيد لم تحرك ساكن !! |
لاتنسون ان قبل موسم او موسمين الفتح سجل 3 اهداف في مرماه ليفوز الأهلي بالمباراة |
بالتأكيد شفنا المباراة مهند ضارب رأس جيد ومن كورتين ميته سجل هدفين ! وهذا ما كنا نطالب فيه لاعبين يملكون حلول فرديه لاعب يجيد التسديد الثابت والمتحرك ولاعب يجيد ضربات الرأس اما مناقشة المدرب فكلنا يعلم قدرة كيال على مناقشة المدربين واقناعهم والوصول للأفضل وللاسف المفرج عندنا همه اخوه يلعب للفريق الأول! الان لدينا مباراة التعاون وقبلها متاهلين مع الفتح ومهزومين من الفيحاء وكلا المباراتين فيها أخطأ بالتشكيلة اولا بديل البريك تم تكليف الشهراني الظهير الأيسر ولم يفيد ثم تكليف درويش لاعب الجناح الأيمن ولم يفيد وللاسف قبل مباراة التعاون ايضا سيكون هناك تكليف للاعب آخر ولكن لن يتم إشراك ظهير ايمن زباني او العوده ، لماذا ؟ لعدم وجود مدير فريق او رئيس يستطيع مناقشة المدرب او ان المدرب لا يقتنع بالنقاش . ثانيا الفرج لاعب وسط أيسر مميز وكذلك العابد ولكن لعبهما سويا يجعل أحدهم خارج رتم المباراة وللاسف يعود المدرب ويشركهم سويا . تخيل افضل حارس الحبسي محترف بالدوري الانجليزي احتياط للمعيوف ولم يستطع مدير الفريق او رئيس النادي إقناع المدرب باشراكه . وايضا افضل محور دفاعي محلي والمحور الأساسي بالمنتخب والوحيد بالهلال لا يشارك ويكلف لاعب مركز اخر باللعب بدلا منه ! ننتظر |
المشكله ما كانت في تكتل دفاع الفتح او قوة هجوم الفيحاء, المشكله في انهاء الهجمه ولا اعلم مالسر في اهدار العديييييييد من الفرص كل مباراه !!!!!!! |
النمروالمفرج مع احترامي لشخص كل واحد منهم كل واحد ابرد من الثاني مافيه انسان يشحن طاقة بعض الاعبين الباردين بعدين وين دور ياسر القحطاني من حماس الاعبين لعيبة فرق الوسط تلعب بكل قوتها امام الهلال بمعنى شوفوا قوتنا ياالهلال لعل لنا نصيب فى الاعب للزعيم وكما تعرفون ان كل لاعب يتمنى الاعب للهلال على الادارة ان تعطي ياسر الصلاحيه فى مساعدة مدير الكورة لشحن الطاقة وتذكير الاعبين انهم يلعبون للزعيم الكورة العربية والاساوية |
إقتباس:
اللاعبين الفاشلين الإدارة الفاشلة كل هذولا هم اللي جابوا لك الدوري و كأس الملك الموسم اللي راح .. والموسم هذا لسه في البداية و فريقنا رغم التعثر إلا إن وضعه جداً طيب .. الكورة فوز و خسارة .. حتى التعادل أحياناً أشبه بالخسارة .. لازم يكون عندنا تقبل لفكرة إن مافيه فريق بالعالم ممكن يؤدي كل مبارياته برتم واحد طوال الموسم ، مهما كانت قوة الفريق .. تقديري لك .. :: |
الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd