السلام عليكم ورحمة اللة وبركاته
حتى لا يتشعب الموضوع اقول من اقترح ووافق او سكت عن إشراك الشهراني بالظهير الأيمن فهو شريك في القضاء عليه .
اللاعب جيد ومجتهد وحاول استخدام قدمه اليمنى رغم أن قدمه الاساسيه اليسرى حتى أضاع اليسرى واليمنى ينطبق عليه المثل (بغى يقلد مشي الحمامه وضيع مشيته) اتمنى من المدرب والمدير مساعدته للعوده لإستخدام قدمه اليسرى وكيفية التمرير والتسديد . الآن هذا مثال أمامنا على كارثية اغلب قرارات تغيير مراكز اللاعبين ثم نجد الموضوع يتكرر وبكل اسف مع الفرج فهو لاعب وسط ايسر مميز ولاعب محور فاشل ويتم تكليفه بالمحور حتى يثور الجمهور وتتعالى صيحاتهم ثم يعاد للوسط الأيسر فإذا قدم مستوى جيد وصمت الجمهور يتم اعادته للمحور ! وهنا اما ان الموضوع مقصود والعياذ بالله لإنهاء اللاعب او غباء مركب يجب على رئيس النادي محاسبة المتسبب.
الهلال يعاني من تنفيذ الكرات الثابته حتى استطاع البريك الموسم قبل الماضي تسجيل وتسديد أكثر من كرة وبدلا من تنمية وتطوير موهبته نرى استبعاد اما ان يكون متعمد والعياذ بالله او غباء مركب
الزج بمختار الدقيقه الأخيره في مباراتين رغم بقاءه احتياط في كثير من المباريات يعطي ايحاء بأن المدرب لا يرغب فيه او يخشى نجاحه ...
لدينا الآن فرصة للتعاقد مع لاعب مثل لوان صانع لعب جريميو بدلا من ادواردو المصاب وماتياس الغلطه وميليسي لعدم الحاجه ومع استمرار الحبسي وريفاس وخربين ويبقى خانتين للاجانب أحدهما قلب دفاع أيسر قوي وسريع ويجيد ضربات الراس والآخر وفقا للحاجه .
درويش يجب منحه الفرصة بالمشاركة لاعب طرف ايمن في المباريات التي لا يشارك فيها سالم .
وللجميع اطيب الامنيات

اخوي ثائر

فيه بيت شعر

من لم تفده عبرًا أيامه. كان العمى أولى به من الهدى

ياسر الشهراني 25 وسلمان الفرج 28

وش تبي النادي يعلمهم بالعمر الان المفروض قمة الخبرة والنضج الكروي

واشوفهم مميزين ولكن لا يوجد كمال فالكمال صعب

الفرج مميز هجوميا سيء دفاعيا

الشهراني مميز دفاعيا سيء هجوميا

يغطون على بعض بالجهه اليسرى لكن المفترض على المدرب يجعل الفرج يدخل اكثر بالجناح

والشهراني اخر مساحة له نصف ملعب الخصم فقط

يبدو لي ان دياز كمدرب متمرس على تحقيق النتائج الايجابية على المستوى البعيد
بمعنى ان المدرب يستطيع قيادة الفريق لتحيق الدوري مثلا والمحافظة على استقرار الفريق
لكن
يتضح لي كذلك ان المدرب لا يجيد اختيار الاسماء في خطته بل يعتمد على النجوم البارزة مثل ادواردو
دياز لم يختار ولم يكن له اي دور في اختيار الاجانب من وجهه نظري
ادواردو وميليسي موجودين قبل دياز
خربين وريفاس والحبسي عرضوا على دياز من قبل الادارة
دياز اختار ماتياس وفشل
لذلك انا لا اعول كثيرا على دياز في مساعدة الفرج والشهراني على التميز
لأن المدرب اثنى عليهم
واعتقد انه لا يرى عيوبهم
لانه لم يرى عيوب ماتياس عندما اختاره

وشكرا

مبدع كالعاده .... كلام من ذهب .
وكفى ...

كلام سليم بس وين الي يفهمون

كأس العالم للشباب مع المنتخب كان يلعب بالجهة اليسرى ومع القادسية بالجهة اليسرى واختير وجلب للهلال على اساس انه يلعب ظهير ايمن لانه ميزته انه يلعب بالخانتين فالهلال كا ن يبي يستعمله بالجهة اليمنى قدر الله ان يظهر ظهير مميز اسمه البريك فرجع الشهراني
لخانته القديمة انا اختلف معك انك تقول يلعب بخانة غير خانته بالعكس هذي خانته الاساس

أخوي ثاير .. مشكلة الشهراني من عرفناه هي مشكلة هجومية .. لكن على المستوى الدفاعي يعتبر الشهراني خط دفاع لحاله ..
من عرفنا الشهراني وهو لاعب سريع و قوي و دقيق بافتكاك الكورة و غالباً يتمركز صح بالدفاع و ياما خلص كور من خط المرمى ..
ونادر جداً نشوف هدف جاي من جهته أو بسبب خطأ منه ..
لكنه مثل ماقلت .. هجومياً ضعيف و لا يبي له تعليم لأن هذا طلعه و هذي إمكانياته .. مع إني أشوف كمساند بالهجمة ممتاز .. يفتح و يمرر و يلعب مثلثات مع العابد أو سالم .. لكن عرضياته صفر على الشمال ..

أما الفرج فهو ترسانة إمكانيات .. مهاري و تمريراته جميلة و صانع لعب جيد .. لكن عقليته صفر ..
لاعب عنيد .. يعاند نفسه و يعاند الجمهور .. و يخطيء مليون مرة ولا فيه أبجح منه .. عادي و لا همه ..
لاعب ضرره حالياً أكبر من نفعه .. لأنه صار معطل للهجمة و بطيء بنقل الكور و يتفلسف كثير بالكورة .. و بارد بشكل سلبي ..
غير الهجمات العكسية اللي تضغط المدافعين و تربكهم وتعطي الخصم ثقة بالنفس بسبب مطرسته بالمحور و التفنن الزايد ..
والا والله العظيم الفرج كان دفاعياً بالظهير نجم كبير و صعب تعدي منه .. ماعنده مشاكل دفاعية ولا هجومية.. مشكلته بعقليته فقط

الفرج يبي له واحد صريح .. يقعد معه و يقوله تراك مولّي ومنت يم ديرة .. وأسلوبك هذا مستفز و راح تخسر مشجعين وقفوا معك
العب كورتك أول بأول .. قاتل مثل أول .. والا اقضب الباب

البريك .. هذا حالة نادرة .. هجومياً أفضل من أفضل صانع لعب بآسيا.. دفاعياً أسوأ من أسوأ دفاع بالدوري البنقلاديشي ..
مشكلته دفاعية .. ثغرة و نكبة و اذا خلصت لياقته قبل نهاية المباراة يصير قنبلة موقوتة بسبب ربكته و ثقل ركضه ..
غير انه لاعب بطيء و جسمه ضعيف و بالافتكاك يعتبر سيء ..

إقتباس الرسالة الأصلية كتبت بواسطة زمن نواف 1.(الفرج) هو ضحية (المفرّج) مدير الكرة ..وليس المدرّب .. خاصة أنه تعاقب مدربون كثيرون ودائماً يضعون (الفرج) في المحور وليس في خانته الأصلية ..وكما هو معروف لايمكن للاعبين أن يتناقشوا مع المدرب أنا أبي هذا المركز ولّا هذا ..هذا دور مدير الكرة الفاهم صح لأدوار اللاعبين والمراكز إللي يحبونها ويبدعون فيها. 2. (الشهراني) كان مُبدع قبل إصابته وعلاجه ولكن بعد عودته تغير الوضع وليس للمدربين علاقة بذلك ..كما أن هناك سبباً آخر فيما حصل من تراجع لمستوى (الشهراني) خاصة في الشق الهجومي وكذلك (البريك) في الآونة الأخيرة وهي إن جميع مدربي أندية الدوري أصبحوا يعرفوا تلك الخطة المكشوفة لــــــــ(الهلال) وهي إعتماده على الأطراف وخاصة الأظهرة مما جعلهم يضغطون على (الشهراني) و(البريك) ويضعفوا من إنطلاقاتهم وخطورتهم. 3. بوجود صانع لعب مُبدع وعلى مستوى كبير جداً سيقل الضغط على الظهيرين وسيعود (الفرج) كما هو مُبدعاً. هذا رأي أخي ..وتحياتي لك

انا مدري ليه بعض الاخوان يركزون على المفرج والمدرب

يا جماعة كلهم بشر لهم اخطائهم وايجابياتهم

لكن اكره كلمة عندي اصبح مكشوف

هذي اسمعها دائما من الاعلام الحاقد علىالهلال يتمنى التخلص منهم باي شكل

لا يتمنون لزعيم خير فكيف نرجوا منهم راي سليم

لا تضغطون على الادارة بسبب اعلام الاندية الاخرى وشكرا لكم

إقتباس الرسالة الأصلية كتبت بواسطة (فيصل العنزي) كأس العالم للشباب مع المنتخب كان يلعب بالجهة اليسرى ومع القادسية بالجهة اليسرى واختير وجلب للهلال على اساس انه يلعب ظهير ايمن لانه ميزته انه يلعب بالخانتين فالهلال كا ن يبي يستعمله بالجهة اليمنى قدر الله ان يظهر ظهير مميز اسمه البريك فرجع الشهراني لخانته القديمة انا اختلف معك انك تقول يلعب بخانة غير خانته بالعكس هذي خانته الاساس

انا ايضا اقول ان خانته الاساسيه اليسرى وهو يلعب بها حاليا لكن يحتاج التركيز على قدمه اليسرى حتى تعود كما كان

احسنت يابطل .

اجدت في طرح ما بداخلي .

بالتوفيق لك ان شاء الله

إقتباس الرسالة الأصلية كتبت بواسطة ابوساري أخوي ثاير .. مشكلة الشهراني من عرفناه هي مشكلة هجومية .. لكن على المستوى الدفاعي يعتبر الشهراني خط دفاع لحاله .. من عرفنا الشهراني وهو لاعب سريع و قوي و دقيق بافتكاك الكورة و غالباً يتمركز صح بالدفاع و ياما خلص كور من خط المرمى .. ونادر جداً نشوف هدف جاي من جهته أو بسبب خطأ منه .. لكنه مثل ماقلت .. هجومياً ضعيف و لا يبي له تعليم لأن هذا طلعه و هذي إمكانياته .. مع إني أشوف كمساند بالهجمة ممتاز .. يفتح و يمرر و يلعب مثلثات مع العابد أو سالم .. لكن عرضياته صفر على الشمال .. أما الفرج فهو ترسانة إمكانيات .. مهاري و تمريراته جميلة و صانع لعب جيد .. لكن عقليته صفر .. لاعب عنيد .. يعاند نفسه و يعاند الجمهور .. و يخطيء مليون مرة ولا فيه أبجح منه .. عادي و لا همه .. لاعب ضرره حالياً أكبر من نفعه .. لأنه صار معطل للهجمة و بطيء بنقل الكور و يتفلسف كثير بالكورة .. و بارد بشكل سلبي .. غير الهجمات العكسية اللي تضغط المدافعين و تربكهم وتعطي الخصم ثقة بالنفس بسبب مطرسته بالمحور و التفنن الزايد .. والا والله العظيم الفرج كان دفاعياً بالظهير نجم كبير و صعب تعدي منه .. ماعنده مشاكل دفاعية ولا هجومية.. مشكلته بعقليته فقط الفرج يبي له واحد صريح .. يقعد معه و يقوله تراك مولّي ومنت يم ديرة .. وأسلوبك هذا مستفز و راح تخسر مشجعين وقفوا معك العب كورتك أول بأول .. قاتل مثل أول .. والا اقضب الباب البريك .. هذا حالة نادرة .. هجومياً أفضل من أفضل صانع لعب بآسيا.. دفاعياً أسوأ من أسوأ دفاع بالدوري البنقلاديشي .. مشكلته دفاعية .. ثغرة و نكبة و اذا خلصت لياقته قبل نهاية المباراة يصير قنبلة موقوتة بسبب ربكته و ثقل ركضه .. غير انه لاعب بطيء و جسمه ضعيف و بالافتكاك يعتبر سيء ..

اخوي ابو ساري
الشهراني كان افضل ظهير أيسر ولازلنا نأمل بأن يعود لما كان بالعمل على نفسه وتوجيهات المدرب والمقربين
وهو يستطيع ذلك
البريك افضل ظهير ايمن سوا دفاعيا او هجوميا وان كان يتميز بصناعة اللعب بالشق الهجومي فهذا لا يعني ضعفه دفاعيا ولو عددنا افضل اظهره سيكون الافضل بلا منازع
الفرج لاعب هادئ يملك المهاره يقدم مستويات مميزه بالشق الهجومي الأيسر ويقدم ادا كارثي بالمحور ويتحمل مدرب وإدارة الفريق وحتى رئيس النادي مسؤولية تكليفه بالمحور ولو وجد لدينا مدير كرة مثل كيال لوجدنا الفرج افضل لاعب سعودي .
موضوع ان اللاعب كبير بالسن ولا يوجد مدرب يصحح اخطائه بهذا العمر غير صحيح ومطلوب من المدرب والمدير اختيار أساليب معالجة لأي خلل موجود فهم موظفون يتقاضون مبالغ طائلة لهذا العمل

ما دمر الفريق الا الانتقادات الي مثل كذا تجريح ( اجل مشية حمامه ) لو الجمهور يفلل الملعب بكل مباراه والتخلي عن الصيحات عند فقد كل كورة وكان الفريق مجبور يمرر تمريرات صحيحه ظ،ظظظھ‏ ولازم ينهي كل هجمه بهدف ما اقول الا حسبي الله ونعم الوكيل على كل منتقد ما يهمه مصلحة الفريق

يعطيك العافيه
==========================