|
رأيك في سالم الدوسري .. وماذا يحتاج الهلال هارد لك يالزعماء والهلال كبير بالقابه وادارته ولاعبينه وجماهيره :ba: حبيت اعرف رايكم بتصرف سالم الدوسري وهل يستحق وجوده اساسي ؟؟ رأيي الشخصي : كنت من اشد المعارضين لمنتقديه عندما طرد امام النصر في ٢٠١٥ ولكن اليوم اثبت بتصرفه الارعن انه لاعب غير محترف وهو اهم سبب في الخسارة طبعا بعد استقصاد اليابانيين لعمر خربين وادواردو !! بدل ماكان فيه امل ولو ضئيل لم يعد يوجد هذا الامل والسبب التصرف الصبياني اللي قام به اود معرفة رأيكم وماذا يحتاج الفريق مستقبلا ولكم جزيل الشكر :ba1::ba: مع الزعيم في السراء والضراء :ba::ba1: |
كل لاعب معرض للطرد سوا سالم او غيره صحيح يمكن نقول ان التهيئة النفسية سيئة ويتحملها مدير الفريق ولكن حاليا نحتاج صانع لعب سريع ومهاري ويجيد التسديد الثابت والمتحرك بدلا من ادواردو وقلب دفاع أيسر قوي وسريع ويجيد ضربات الراس بدلا ماتياس وبعدها تتعدل الامور |
والله مالقى إداري له شخصيه قويه يهابونه اللاعبين لكن حصل واحد ماعندك احد |
إقتباس:
اتفق معاك جدا في مراكز المحترفين وشاكر مشاركتك :ba: |
إقتباس:
|
فهدالمفرج اخذ فرصته وكفايه 5 سنوات او 6 خلاص يتوكل على الله فيه غيره وياخذ معه الفرج وسالم والقحطاني ومختار والتيس ماتياس |
إقتباس:
|
رأي في سالم الدوسري لاعب متمكن ووممتاز لكن فيه علة جميع لاعبين الزعيم في النهائي تجيه ام الركب وبربس ياسالم |
اشكرك على طرح هذا الموضوع بالنسبة لي سالم كان من افضل لاعبي الهلال اليوم..لكن للأسف (خرب) كل شيء سواه بالطرد وانا احمل سالم تماما مسؤلية الطرد..يعني عندك كرت اصفر وفي نهائي وتدخل على رجل اللاعب امام الحكم! براءيي طرد سالم هو كان اهم سبب في تعثر الهلال ودخول هدف اوراوا بسبب النقص...للأسف يتم طرد سالم بالدقيقه75 يعني كان فيه وقت طويل بالإمكان تسجيل هدف للهلال في أي ثانيه لو كان الفريق مكتمل خصوصا ان اوراوا كان يدافع وخايف من أي هدف مفاجيء...بعد الطرد استغله اوراوا وبهجمه سريعه خلص المباراة! رغم ان سالم كان افضل لاعب الى ماقبل الطرد...الا انه تصرف بشكل سيء..وتم طرده. وانهارت معنويات اللاعبين.وضيع أي امل في تسجيل هدف مباغت! |
إقتباس:
حرام اللي سواه فينا :( شكرا لمشاركتك |
إقتباس:
الله يجازي اللي كان السبب وبس !!!! يارجل اللاعبين سوو اللي عليهم واكثر |
استغرب الهجوم على سالم ما قصر هو أكثر واحد متحرك لا ننسى أنه أنقذ انفرادتين من جهة البريك أحداها أخذ عليه اصفر مع أنه وسط مهاجم ما ألومه على الاحمر لاعب متحمس مقاتل |
|
اذا ماسجلت الهدف في الشوط الاول وفي اول 20 دقيقه من الشوط الثاني.. بعدها يبدا التسرع والعشوائية المبررة |
اولا هاردلك ثانيا بخصوص النهائي وكيف خسرناه الهلال خسر النهائي بسبب عدة عوامل وسألخصها كنقاط : 1- الخطأ من البداية التعاقد مع مقلب مثل ماتياس وعناد الجماهير وتسجيله في الكشوفات الآسيويه على حساب الحبسي 2-مباراة النهائي الاولى التجهيز النفسي كان فيها صفر بالمئه ودخل اللاعبون وهم مشحونون بلا ادنى سبب وكمية كروت مجانيه 3-خسارتنا لأهم قوه هلاليه وهو ادواردو ولم يكن هناك بديل له لاعتماد دياز اعتماد كلي عليه مما زاد الاحمال عليه واصيب 4-المراهنه على أن سلمان الفرج لاعب يحس بالفريق او بالجماهير فوالله أنه لا يستحق التجديد فضلا على أن يكون أساسيا فمكانه الدكه حتى يعي بأنه اصغر من الهلال ويراجع حساباته 5-الهلال يفتقد لمفاتيح الفوز الهامه وهي :( الاستفادة من الركنيات, الاستفادة من الفاولات, التسديد من خارج المنطقه) هذه كلها اختفت بعد خروج نيفيز من الهلال وزادت اكثر باصابة ادواردو 6-قلبي الدفاع يفترض تواجد قلب دفاع اجنبي صلب ويمتلك السرعه ويجيد ضربات الرأس والتغطيه 7- خريبين ليس بالمهاجم الصريح ولو كان ريفاس بدلا من ماتياس لرأينا ريفاس ومن خلفه عمر بعد اصابة ادواردو لكن كما قلت ماتياس وجوده اضاع علينا البطولة من الأساس 8- ياسر القحطاني ومحمد الشلهوب كفيتم ووفيتم ولكن آن الأوان لأن تغادرانا وتعطيا الفرصه لنجوم الأولومبي 9- بعد اصابة ادواردو وضح ان دكتنا تفتقد للأوراق الرابحه 10- مدرب فريق اوراوا كان اذكى من دياز وحصل على مبتغاه من المباراتين وبالأخير البطولة لم تكتب لنا حتى الأن ولم ولن تكون هي نهاية المطاف فنحن كهلاليين لا نعرف اليأس ولا نعرف التشبع من البطولات قدر كل هلالي بأنه لا يرضى ولا يطمح لفقط بطوله واحده بل يسعى للأكثر موعدنا يتجدد آسيويا في 2018 بإذن الله ويتجدد الحلم مره أخرى |
| الوقت المعتمد في المنتدى بتوقيت جرينتش +3.
الوقت الان » 01:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd