هل ما زال دياز يصر على بعض قناعاته ..؟؟!
 

أولاً : الحمد والشكر لله تعالى على كل حال ..
ثانياً : اللاعبين و الإدارة ما قصروا ويشكرون على مجهوداتهم ..
ثالثاً : مباراة الْيَوْمَ أثبتت للجميع بأن الهلال يحتاج إلى ..
( قلب دفاع أيسر ) و ( صانع ألعاب ) و ( ريفاس ) ..
إعتماد الهلال على إدواردو و مجهوداته يشكل خطر كبير جداً على الفريق ..
لأن غياب إدواردو يكشف الفريق تماماً ولا فيه أحد يقدر يغطي مكانه بنفس الكفاءة !
كذلك الإعتماد على الأظهرة بات مكشوفاً لجميع خصومنا وهذا يجعل الهلال يتناقل الكرة
في المنتصف مع العجز التام عن الصناعة لأن الأظهرة ممسوكة !
لو كان هناك تنويع بالهجمات لأصبح مدربي الفرق المنافسة في حيرة من أمرهم لوقف الهجوم الأزرق وهذا لن يتحقق إلا بوجود صانع ألعاب ذو كفاءة و مهارة عالية و يجيد الكرات الثابتة ..
كذلك عمق الهجوم الهلال سيكون بحول الله فتاكاً بوجود ريفاس إلى جانب خريبين !
فترة الإنتقالات الشتوية القادمة ستشهد بعض التغييرات إذا كان دياز قد إستوعب الدرس جيداً ..
وتخلى عن بعض قناعاته الخاطئة وقام بتصحيح بعض الأخطاء ..
نعم دياز نجح في كسب رهانه على المعيوف ..
ولكنه خسر رهانه على ماتياس ، وخسر رهانه على عدم الحاجة لقلب دفاع و صانع ألعاب ..!

أخيراً ..
لن تنتهي زعامتنا بمجرد خسارة نهائيين آسيوياً ، نبقى نحن زعماء آسيا و أسيادها ولكن ..!
يجب أن نصحح أخطائنا لكي تعود المستعصية ، ولكي نحافظ على الفارق الكبير بيننا وبين منافسينا على صعيد البطولات الآسيوية .. تعودنا على الريادة و الصدارة ويجب أن نبقى على
ثقة تامة بالله تعالى أولاً ، ثم بإدارتنا بقيادة وجه السعد وأنها قادرة بحول الله على تقوية خطوط
الفريق بلاعبين أفضل لكي نبقى بالقمة كما تعودنا ..

هاردلك يا زعماء .. وبالتوفيق للزعيم .. والقادم أفضل وأجمل بإذن الله ..

::::::::::::::
::::::::

معاك حق ياخوي لاززززززززززززززززززززززززززززم صانع العاب من طراز هداف وهداف مايرحم </B>

صانع لعب وجناح على مستوى عالي وابشروا بسعدكم والمهاجمين والله اني كرهت المهاجمين الاجانب من اللي جالسين نشوفه من ماتياس لريفاس

شباب النادي اولى منهم بالفرصه واذا كان وراهم صناع لعب بيبدعون مع خربين وقبل كل هذا المدرب ياليت نشوف بصماته ع الفريق

لا تنظيم دفاعي ولا هجومي استحواذ ع الفاضي واخرتها الخصم يسجل فيك هدف وكور ثابته مالها اي استفاده الكور الثابته هذي تحقق لك بطولات

يعطيك العافية

المدرب شغلته انه يوصل الفريق لمرمى الخصم ... دياز ماقصر ... الفريق كان مستحوذ على المبارات و الفرص كانت لنا كثيره و لكن لم تحسم

البعض يطالب بتغير الاعبين و لكن الحقيقه فريقنا مكتمل و قوي جدا ... طبعا موب معناتها مايكون هناك تدعيم للفريق بلاعب او اثنين

الفريق كفريق ممتاز و متكامل و دياز ماعليه كلام سوا كل شي .... بعكس المدربين الاخرين الي دربو الهلال المبارايات الحاسمه تكون السيطره للفريق الخصم

دياز في هذا النهائى سيطر سيطره كليه و هذا يدل انه مدرب كبير و حتى مع النقص و الاصابات

خيرها بغيرها و فكونا من هالبطوله التعبانه ... الاتحاد الاسيوي مايبي الهلال ياخذ البطوله ... افهموها ياعالم

هل لديه سامي او ماجد او نور او نواف التمياط في دكة البدلاء ؟
كثر الله خيره وصل مع هاللاعبين المحليين للنهائي ..

قناعات إبش !! والدكة ياسر ومختار وكادش وكنو ومدري مين .!!
هذولا تلعب فيهم في دوريك المحلي ( على قدك ) ..
لكن يا حبيبي آسيا يبغالها رجاااال ونجووووم وللإسف ( ماكو )
يا رجل اصيب ادواردو انكبنا وزادها خريين ( الأجانب ) ويجيك واحد يقول تغييرات المدرب ..

المشكلة حطوها براس دياز والله المشكلة واضحة مثل الشمس العلة بالاعب المحلي اللي مايعرف يجيب هدف ولا فيه فريق بالعالم تجيه
فوق 25 هجمة بين الذهاب والاياب ولا جاب الا هدف واحد ولا بالصدفة ونفس الحكاية بسيدني فوق 30 تسديدة والمحصلة 0
ياحبيبي تبي اسيا جب اجانب قدام حريقه ماهو جايب لي سالم الدوسري مهارات وتسحيب وقدام المرمى صفر اجل وش الفايدة من المهارات والفنيات اذا ماتجيب لي هدف

اتفق معك ومع الأسطورة ظ،ظ الهلال يحتاج
صانع لعب سريع ومهاري ويجيد التسديد الثابت والمتحرك
قلب دفاع أيسر قوي وسريع ويجيد ضربات الراس
مع الحبسي وريفاس وخربين ويبقى المحترف الاخير حسب الحاجه ولكن من يقنع المسؤولين

بإذن الله تكون في حلول عاجله ومأثره في الشتوية آمين

تحيتي

فارس كردي

• فعلا كلامك صحيح برأيي محليا لايحتاج الهلال اي تعاقد!!
• فقط اثنين اجانب بديل لماتياس و ادواردو لحين تشافيه!!
• اهم نقطه بصانع اللعب هي (اجادته للكرات الثابته)!!
• تخيل معي ان فاول خريبين سُجّل لاندفع الفريق الياباني للامام وقد نضيف هدف!!
• نيفيز كان يفك الكثير من عقد المباريات!!
• للاسف الهلال كان في السابق افضل كاستغلال جزئيات تغير مجريات المباراه!!
• كالركلات الثابته والركنيات!!
• اشكرك ثائر وهاردلك ياغالي!!

لابد التعاقد مع مهاجم وجناح وصانع العاب

لانو مش ناقصين نتحمل عك نواف وسالم

هلابك أخوي فيصل ..
من كلامك إنت تتفق معاي بأنها قناعات مدرب ..
لأن سالم ماكان راح يلعب لو كان فيه أجنبي بخانة الجناح
أو الوسط ( صانع ألعاب ) .. لكن قناعة المدرب هي من فضلت ماتياس
على غيره وكانت النتيجة إننا نلعب النهائي بميليسي و خربين فقط بعد
إصابة إدواردو ..

يعطيك العافية ..

..

حياك الله ي الغالي ..
دائماً تعليقاتك إضافة جميلة لأي موضوع ..
أتفق معاك و مع كل ما طرحت ..

شرفني جداً مرورك ..

::

هلابك أخوي العزيز ثائر ..
شرفني مرورك .. لأنك تملك نظرة ثاقبه ..
ورأيك دائماً فني بحت ..

يعطيك العافية ..

::