|
ظلم الهلال يتوارث من جيل لجيل بسم الله الرحمن الرحيم ياخوان مسئلة استدعى لاعيبة الهلال للمنتخب لمشاركته بالمعسكر الودي على رغم ان كاس العالم بقى عليه 9 اشهر والهلال عنده مبارات مهمه تاهله لنهائي كاس اسياء وباسم الوطن مايبيله كلام و واضحة وله تبعات ارجعو للتاريخ قسم بالله اني من يوم هدد الهلال بالشطب بدورة الخليج للاندية بالبحرين بسبب مطالبة الهلال بالسماح للاعيبته بالمشاركة اسوة ببقية الانديه الخليجيه والسعوديه بمشاركات مماثلة اصبحت لاحب المنتخب ولا اشجعه حتى لو مثله الفريق الهلالي باكمله ياخوان تكرر السناريو كثيرا وزاد عن حده وبالاواني الاخيرة اصبح جهارا عيني عينك فضلا عن اشراك لاعيبة الهلال المصابين وهم في فترة نقاهه مع ناديهم وكم لاعب خسرناه بسبب المنتخب وليته ينفع بهم بل العكس دائم الظلم يقع على الهلال في كل شاردة وواردة واضف الى ذالك ان الهلال ولاعيبته لهم الفضل بعد الله بتاهل المنتخب 5 مرات ولاعيبة الهلال اكثر تسجيل بكاس العالم الا انه حين اقتراب كاس العالم يبعدون بعض لاعيبة الهلال ويجيبون لاعيبة النصر لينالو شرف المشاركة كما فعلو حين ضمو ماجد والهريفي اللي سبق ان ابعد عن المنتخب بدعو الاصابه وفجاة يشارك مع ناديه بعدها بيومين ضمن الدوري بدون لاعيبة المنتخب يعني ابعدوه علشان ينقذ فريقه وهكذا نعاني ونعاني من ظلم وتجني وسلب ابسط حقوق الزعيم وعبر التاريخ |
اخي الكريم شخصيا كنت أتمنى تفريغ لاعبي الهلال..لان مباراة الإياب قريبة عكس نهائيات كاس العالم باقي 8 اشهر.. لكن ياعزيزي.. لاتكبروا الموضوع..ونضل نمارس عقدة المؤامرة ونخرج الهلال من الملعب...فان اخرجنا هلالنا من الملعب فالله يستر.. الهلال بلاعبيه وادارته ومدربه الفذ وجماهيره في مسقط قادر بمشيئة الله على تكرار الفوز على بيروزي وبذات النتيجة او اكبر الأهم الحضور الذهني والنفسي والبدني وكلها ان شاء الله متوفره.. ارجوكم ياجمهور الهلال استدعاء لاعبي الهلال للمنتخب يجب ان نراه من الجانب الإيجابي بانه سيكون ان شاء الله خير استعداد بدني للاعبي الهلال المنضمين للمنتخب.. لاتخرجونا الى خارج الملعب...ارجوكم...الفريق وضعه ممتاز ان شاء الله...بلاش مواضيع المؤامرة.. |
حسبي الله عليهم بس هذا اللي اقوله |
الاتحاد والاهلي تم تفريغ لاعبيهم لانهم في مهمة وطنية ويلعبون باسم الوطن اما الزعيم فصوته ضعيف فما نشاهد تفرقة عنصرية يعني بالعربي الفصييييح مايبونك تاخذ اسيا يبونك دائماً في محتوى العالمية صعبة قوية الاتحاد الإيراني فرغ بيرلوس تماماً وتكفل بالمعسكر وكل مايطلبه النادي أما الهلال فاالوطن اهم وواجب عليه أن يضحي ويكون هو من ينزف ولا أقول سوى حسبي الله ونعم الوكيل |
صباح الخير لا تكبرون الموضوع يمكن تكون في صالح الهلال منها أكتساب لياقة وخبرة ويكون في جو المباريات ربما ضارة نافعة خلونا من الاراء الان لاعبيين الهلال بحاجة لوقفكم معهم وتشجيعهم وأتركونا من كلمة أجهاد يوم سعيد على الجميع العود/ ابوعبدالله |
صبحكم الله بالخير إن شاءالله تعالى سوف نروضها هذه المروة ..... ويمكرون ويمكر الله وربي إن شاءالله تعالى يوفق وجه السعد على نيته الطيبه وتفائلوا دائما بالخير وتحقيق الكأس الغالية...بس الله يعيننا على فقد ربع الشعب هههههههههههه |
الله يعطيك العافية وبالتوفيق للهلال الزعيم الملكي |
في عام 1408ه تأهل الهلال لنهائي كأس أبطال الدوري الأسيوي وبعد اسبوعين يلعب المباراة النهائية وهي مباراة واحدة حسب النظام القديم رفض الاتحاد السعودي وسحب 9 لاعبين من الهلال للمنتخب بحجة أنه بعد 3 شهور سوف نستضيف دورة الخليج الثامنة في افتتاح ملعب الملك فهد بالرياض ووعدوهم بتأجيل المباراة النتيجة المباراة النهائية لم تؤجل وغرامة على نا دي الهلال وحرمانه سنتين في عام 2006 م تأهل الهلال لنصف نهائي كأس الأبطال وسحبوا منه 6 لاعبين من أصل 9 في المنتخب وهدد نائب رئيس الاتحاد نواف بن فيصل بالإستقالة إن شارك لاعبوا الهلال والحجة دائما منتخب الوطن سوف يشارك بعد 4 شهور (عذر أقبح من فعل ) أخي العزيز إذا كنت تكره رياضتنا الأن فأنا أكرهها من أيام المنتخب الرمزي (أكبر عار على الكرة السعودية) |
إقتباس:
|
اللاعب اذا كان في المنتخب يتطور مستواه وثقته بنفسه. |
الخوف فقط من الحلطمه والمظلوميه اللي في بعض الجمهور وفرحان فيها مايدري انها لو تسربت للاعبين لانهزموا نفسياً قبل المباريات. نتمنى عبارات التشجيع والثقه في زعيم اسيا والتذكير بالامجاد والانتصارات الصعبه التي عملها الهلال رغم كل الظروف. |
| الوقت المعتمد في المنتدى بتوقيت جرينتش +3.
الوقت الان » 03:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd