|
مبروك الفوز المستحق نتيجه ومستوى 4-0 بدون مختار فلاته 4-0 من دون الشلهوب 4-0 بدون نواف العابد 4-0 من هذا المدرب اللي قلتوا عنه (يدور الشرط الجزائي) 4-0 من هذا المدرب اللي قلتوا عنه ( سمسار وسباك) الحمدلله والشكر كتبتوا مواضيع وسنة السكاكين من بدري ورد عليكم في الميدان مبروك للأمه الهلاليه هاردلك لكل مندس خبيث اللهم وفق الهلال فوق كل ارض وتحت كل سماء |
هههههههههههههه والله الصباح لما فتحت الموضوع قلت الله لايبلانا بهالعقليات من الموسم اللي فات ودياز يتعرض لانتقادات كانه جاب ثامن الدوري ماادري وش وضعك ياصاحب الموضوع بعد الرباعية رغم الطرد وتعامل دياز الاكثر من رائع |
مبرووووووك فوز الزعيم للامة الهلالية جمعاء بالنسبة للاخ صاحب الموضوع لا نشك بزعامتك ولكن عليك ان تخلع القبعة السوداء قليلا فزعيما في مستوى ممتاز ماشاء الله والعمل الجماعي الذي يقدمه دياز يجعل القيمة العليا للاعب الجاهز والمستعد اما دمج تشكلية اللاعبين المتنوعة والرائعة فيحتاج لوقت نبارك لبعضنا ان شاء الله بتحقيق هذه البطولة قريبا |
اقسم بالله جمهور عاطفي صدق مدرب حقق الدوري بعد غياب 5 سنوات وحقق معه كاس الملك مدرب لم يخسر منذ مجيئه سوى مباراتين مدرب على اعتاب النهائي الاسيوي وبمستوى رائع جدا ويجيك من يتفلسف عليه الباشا دياز نعم قد يكون عليه ملاحظات او نقاشات فهو بشر بالنهاية... لكن دياز افضل مدرب مر على الهلال منذ سنوات...دعوه يعمل..اعطوه كامل الثقه..وباذن الله يحقق مع الهلال كاس اسيا هذا الموسم |
اتمنى الاصوات النشاز من بعد مباراة أمس تنخرس ولا تتفلسف وبتأهلنا للنهائي وقرب الحلم بيطلع جرذان الفقراوية زي ماصار بنهائي 2014 السابعه بإذن الله دياز عرابها |
اولا مبرووووووك لكل الامة الهلالية من قلب.. ثانيا.. في بعض الردود تحسسني اني كنت اتمنى خسارة الزعيم.. يعلم الله اني احب الزعيم حبا لا يعلمه الا الله و اني عاصرت زمن العمالقة لمن لا يعرف النعيمة و البيشي و الحبشي و التخيفي و غيرهم.. ولا اكتب الا ما ندر.. وليس معناه اني انتقدت المدرب اني اتمنى خسارة الفريق... او اني مندس... لا اعلم لماذا التشكيكي بالذمم .. غيرتي على الزعيم هي من دفعتني للكتابة.. و الحمد لله على الفوز و فالنا البطولة باذن الله.. و الانتقاد يأتي بالفائدة بالكثير من الاحيان.. الف الف مليون مبروك لكل عاشق لهذا الكيان و يارب البطولة... |
بصراحه الرد في الميدان مؤلم ياجماعه اتركوا الفريق يمشي صح وشجعوه ان عثر وشكراً |
انا استغربت من تعاقد الهلال مع مختار واستغرب من اللي يطالب بمختار اساسي مختار لاعب اقل من عادي اتوقع ان يوسف السالم افضل منه بمراحل ودياز كل يوم يثبت انه الافضل |
نتفق ونختلف مع الأخ صاحب الموضوع انا بالنسبة لي صدمة انه ضم ياسر وماتياس ومجاهد بحكم عود اثنين من اصابة والثالث واضح انه ماعنده شي يقدمه للفريق كان الاولى الاستفادة من الأجهز فنيا مثل مختار والشلهوب وكادش وبعض الاسماء الأخرى ولكن الحمد لله على الفوز في الشوط الأول وباقي لنا شوط ثاني صعب في مسقط وبإذن الله يتحقق التأهل ولازم ياخذون فرصة مثل ما اخذها ماتياس وريفاس خصوصا مختار فلاته اللي مانشوفه غير في التمارين فقط |
اتوقع النتيجه والمستوى ردوا على اعتقادك يا غالي لكن من الظلم ان نقارن دياز بسئ الذكر السابق بالتوفيق للزعيم الملكي بأذن الله |
المتابع للمباره بدقه يكتشف ان هناك مصائب بالدفاع لو استغلها الفريق الايراني كان النتيجه مؤيده لكلامك والمبارة اعتبرها لسى ما خلصت و الحظيظ الي يبي يقابل الفريق الياباني بالنهائي |
إقتباس:
اولا: الموضوع كان عن عدم ضم مختار فلاته واختيار ياسر القحطاني المنتهي فنيا ومجاهد المنيع العائد من الاصابه والتغزل بسايبريا وأن نتائج سايبريا افضل من نتائج دياز! فكيف صار صح كلامك وانت نقلت كلللل الموضوع لخط الدفاع واخطاء بعض المدافعين؟! الحين يوم فاز الهلال وكسب الرهان وبأربعه اهداف بدون رد تقول كلامك صح الدفاع فيه مشاكل...؟ ولو استغلها الفريق الايراني.. يعني كلامه صح؟ بأي منطق تتكلم؟ يعني خاب ظنكم بالمره الأولى والكلام عن مختار فلاته... الحين حولتوا الكلام عالدفاع عجيب امركم حسبي الله ونعم الوكيل الاداره المفروض تكون صاحيه اكثر من كذا |
صاحب الموضوع من حبه و غيرته و خوفه على الهلال كتب ما كتب ولكن الحمد لله على النتيجة |
إقتباس:
حتى الان اقولها ولا هو انت الي تفرض علي اغير كلام ولا الادارة المنتدي انا قصدي لو تقدم الفريق الايراني كان جلستم تبحثون عن بديل متياس و طقة الكديش بالدكه |
إقتباس:
بس ترا ماتياس بإذن الله رايح (حسب الاخبار) والكديش بالدكه فيهم الخير والبركه والهلال يلعب على كل البطولات اما حكايه لو الفريق الايراني حط هدف... الخ مش منطق ابدا لاني بالمثل اقدر اقولك لو سالم حط كل الفرص اللي جاته وعددها 5 فرص محققه ولو ادواردو جاب هدف لفرصه الانفراد كانت النتيجه العادله 10 - 0 للهلال المباراه ماهي بـ (لو حطو هدف ولو حطينا هدف) كان عملتوا وقلتوا وعكيتوا... المعطيات واضحه بسالك من متى الهلال خسر؟ كم له ما خسر مع دياز؟ كم هدف للهلال مع دياز وكم هدف عليه؟ قارن النتائج بأي مدرب اخر جى للهلال او اي مدرب لفريق اخر؟ وبعدها تعال قولي المدرب سباك والمدرب مايفقه شي والمدرب يبحث عن الشرط الجزائي.. الخ ياخي ارحم والديكم شويه منطق بس وامانه واتكلموا بانصاف وابعدوا العاطفه والانتصار لرأي الشخصي والنقد لمجرد النقد... فيه اشياء ما تعرفها تصير داخل النادي وبين اللاعبين وظروفهم.. وفيه أشياء أخرى تتعلق بالاحتراف والانضباط.. حسبي الله ونعم الوكيل بس قسم تحرقوا الدم. تدرون... انا وش علي فيكم انتم حريين بارائكم ولا لي حق اغير رأي اي شخص وخلاصه الكلام... نمنع النقاش وكل واحد يقول رأيه وانتهينا. رأي : موووووضوووووع ماله داعي وغير موفق في وقت طرح الموضوع والهلال يلعب مباريات مصيريه وختاميه وبالاساس موضوع ما يعتمد الا على عاطفه ويعمل تفرقه بين الجماهير العاطفيه والمدرب دياز واهداف المواضيع مثل هالنوعيه واضحه. تحياتي لجميع والسلام الختام |
| الوقت المعتمد في المنتدى بتوقيت جرينتش +3.
الوقت الان » 01:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd