الفرج وخربين والشهراني
 

اوافقك الراي بخصوص الفرج والشهراني

واختلف معك بخصوص خربين لسبب , أنا اشوف ان دياز هو السبب بانخفاض مستوى خربين لان من ابسط مسؤليات المدرب هي توظيف الادوات بالشكل الصحيح ودياز لم يوفق بتوظيف رفاس وخربين وكأني اشوف انه قال للاثنين يلا روحوا العبوا وسجلوا هدف !!!!!

اتمنى من الاداره مسائلة دياز ونقاشه بخصوص الفرج بالذات .

بصريح العبارة هناك خلل في منظومة لاعبي الهلال
لعب على الاطراف غير سليم
تمرير سيء وخاطيء وغير متقن
انتشار غير سليم للمهاجمين وعدم انسجام
اضافة الى غياب الروح والقتالية ربما ان لمباراة الثلاثاء القادم وهي نصف نهائي اسيا وقع على قلوب اللاعبين والمدرب وبالتالي تشتت تفكيرهم فلم يقدموا الكرة السلسة والجميلة المعتادة
اقول ربما ولست متأكد

عموما اليوم اضعنا نقطتان كانت في المتناول ولكن ان تخطيء الأن في الجولة الرابعة خيراً من أن تخطيء في الحولات الأخيرة من السباق

اتمنى ان السيد دياز يتعلم من اخطائه ويتداركها فيما بعد

لو ان لدينا اليوم لاعب بمواصفات عموري او الشلهوب او حتى يحي الشهري في صناعة اللعب لربما فزنا لكن يبقى الحال كما هو عليه حتى إشعار آخر

لا تتهم جزافا


الخلل واضح

وجود ريفاس هو السبب

قبل ريفاس ومتياس كنا نسجل 4و 5

لان الوسط مكتمل
والان يا تلعب مليسي او سالم او نواف

الشهراني من أميز اللاعبين دفاعياً .. لاعب حقنة .. نشبة .. منطقته شبه مقفلة ..

لكنه من عرفناه من اللاعبين المتوسطين في العرضيات و صناعة الهدف أو حتى التسجيل ..

مميز في المثلثات و صناعة الهجمة ككل حتى لو ماصنع هدف مباشرة ..

اليوم تخيل لو الزوري مكانه في هجمة المولد؟ .. بكثير من الهجمات في مباراة الإتحاد و غيرها ..

الشهراني أنقذ لك هدف محقق .. ومهب صدفة ولا هي أول مرة يسويها ..

قد شال أهداف من خط المرمى .. و قد خلص هجمات مثل هجمة المولد بسبب سرعته ماشاء الله عليه ..

لكن الزين مايكمل .. مثل ماهو مميز دفاعياً .. يعيبه ضعفه في العرضيات و صناعة الهدف و التسجيل في حال سنحت له فرصة ..

بالنسبة لي تواجده مهم لأن الهلال دفاعياً يفقد نصف قوته بغياب الشهراني ..

البريك العكس .. مميز هجومياً و يصنع الهدف .. لكن جهته برحة .. و هدف الإتحاد من جهته ( كالعادة ) ..



الفرج .. أنا شخصياً مليت من الكلام عنه .. لاعب انتهى فكرياً قبل ينتهي بدنياً و مهارياً ..

لاعب لا يمكن يتعلم .. ولا أتخيل شكله و هو يتوب عن حركاته و بربسته بالكورة و المخمخة الزايدة بالتمرير ..

مالنا إلا نشوف وش يسوي المدرب .. يحطه على الدكة وإلا يجبرنا نتكيّف مع تواجده أساسي شوي شوي لين يجينا مناعة ..

خربين لاعب ممتاز .. ومازلت أشوفه لاعب ممتاز .. بس مشكلته ما يلعب إلا بمركز معين و بمهام معينة .. وهذا سبب هبوط مستواه

حتى إدواردو رجعه المدرب سنتر بحت .. وغاب عن المباراة باستثناء كم لقطة مع لقطة الهدف ..

المدرب خبص شوي بالمباراة .. قدّم لاعبين و رجع لاعبين ولعب بمهاجمين عندهم نفس التركيبة و المهارة و الأدوار ..

جمّع الممطرسين بنص الملعب .. كلهم يلعبون طويل و كلهم يستلمون الكورة بمكان خطير ويميلون للعب البطيء ..

ميليسي و الفرج و عطيف .. و طلّع الخيبري المحور الدفاعي الوحيد و الأميز بين الثلاثي مستوى في هالمنطقة ..

الشهراني ليس مميز في المثلثات ولا يعرف يتحرك مع احترامي له
ما يعرف يعرض كورة ولا يعرف يشوت ولا توجد لديه جرأه للتوغل
هجمة المولد اللي خلصها هو اللي كان كاسر التسلل
ولو المولد بالفورمة كان سجل
ولو كان لاعب آخر كان سجلها
الهدف لم يأتي من جهه البريك
بل اتى من جهه الشهراني عن طريق فهد المولد
والشهراني تأخر بالتغطية وشارك بالهدف عندما غير اتجاه الكرة
ما اقول ان الشهراني سئ بالدفاع
لكني اذكر ما حصل بموقعة الامس
الشهراني محتاج للدكه حتى يراجع حساباته

الله يعطيك العافية
وبالتوفيق للهلال الزعيم الملكي

ما حدث في المباراه امر صحي وفائدته تدارك الخطأ امام بيروزي الذي شغل فكر اللاعبين اثناء مباراة الاتحاد, كلي ثقه انشاء الله بالفوز على بيروزي ودعمكم مهم في هذا الوقت.

انا احب ياسر الشهراني و رجل بمعنى الكلمة في الملعب , لكن ليتسع صدرياسر لي في تقييمي له في امر اجده يتكرر كل سنة و بشكل كبير جدا و ممل ...


يا اخوي تدرب على الكرات العارضية وين ترفعها بشكل مركز اكثر , كل الرفعات الجانبية اللي جات منك من جهة الشمال تقليدية و ما منها اي فائدة و ضيعت مجهود زملائك في بناء الهجمة. هذا الامر بصراحة اصبح ممل . التمريريات الجانبية منك في مباراة التعاون بصراحة تدرس .. اما الرفعات بصراحة هل هو مشكلتك ام ماذا... لاني اشوفك ترفعها بدون الاكتراث لمن توصل .. بس ارفع و خلاص ..

هذا لا يقلل من مستواك المتميز اخوي ياسر بس ارجوك اذا بترفع ركز او كرر التمريرات الجانبية

العنيد

بالفعل كان هنالك خلل في منظومة الهلال وسببها اتوقع المباراة الماضية مع احد لم يكن من المفروض تغير جلد الفريق بالكامل من اجل مباراة احد
كان من المفترض اراحة بعض اللاعبين مع الزج ببعض الاسماء الجديدة لضمان توازن الفريق

الشهراني لم يكن في افضل حال فعلا وسلمان الفرج لم يكن ايضا في يومه ...

بالتوفيق للزعيم وجمهوره

أخوي تراي أقصد مباراة الهلال والإتحاد الأخيرة .. كيف الهدف لم يأتي من جهة البريك؟ ..
https://www.youtube.com/watch?v=k0hCvxZc41A
الكورة راحت لجهة البريك و لاعب على الطرف فاضي كاشت لحاله ..!!!
هذا مقطع الهدف .. شفه أكثر من مرة أخوي .. :yes:
المولد استلمها في عمق الصندوق .. لكن الكورة جته مقشرة عن طريق جهة البريك مهب الشهراني ..
ويحسب للشهراني إنه حاول بالكورة مع الكورة مهب بمنطقته ..
والكورة اساسا مهب صعبة .. وخمسة سنتيمتر عن يد المعيوف .. حتى صدمت المعيوف ودخلت ..


بالنسبة للقطة الشهراني مع المولد .. المولد انطلق و انطلق معه الشهراني ..
الكورة أساساً من فهد الإنصاري لعكايشي اللي جلّاها من بين رجليه و راحت لفهد المولد اللي لاحقه الشهراني!
كيف الشهراني كاسر التسلل وهو خلف المولد؟؟ ..
المولد أساساً انطلق أول مالعبها الأنصاري .. والعكايشي ترك الكورة و استمر المولد بالركض ..
خط دفاع الهلال كان على خط واحد ! ..

ارجع للقطة وتأكد ..

بالنسبة للمثلثات و مساندته هجومياً . أخوي خلك منصف .. الشهراني أكثر اللاعبين مساندة ..
ومن نوعية اللاعبين اللي يريّح خويه .. فاتح له الليل و النهار .. الشهراني بدون كورة يتمركز و يطلب كورة ..

نعم الشهراني طايح مستواه .. بس لا تغالط الحقيقة .. وهي إن الشهراني بربع مستواه براس البريك و الزوري جميع

أتمنى ترجع للمباراة وتشوف الهدف و تشوف هجمة المولد .. الجميع كذلك ..

الله يوفق الزعيم الملكي بالمعترك القادم