| إقتباس | | | | |
الرسالة الأصلية كتبت بواسطة عبدالعزيز الثنيان | | | | | | | |
مسألة إني أخليه لاعب أجنبي ( سادس ) هذي مفروغ منها ..
لأنه طايح بكبودنا وعقده ساري المفعول و راتبه ماشي .. حرام نتركه
ياخذه وهو متبطح .. ع الأقل أستفيد منه كحائط صد أو تكملة عدد في
التمارين خصوصاً عندما ينضم لاعبي المنتخب ..
لكن السؤال اللي يتبادر لذهني وخلاني أرجع أرد بعد ما قررت الإنسحاب من النقاش..
اللي يقول ( ليو ) ما تم توظيفه بالشكل المطلوب ولا كان يلعب بالمكان المناسب .. كيف ممكن
تشرح لنا وش مركزه الأساسي .. والمدرب كيف أخطأ بتوظيفه ؟؟
شاكر رحابة صدوركم ..
: : | | | | | |
الأخ عبدالعزيز هم يقصدون إن ليو لازم يتوظف بحيث يسجل أهداف
لكن كيف يجيب أهداف و مافيه صانع لعب ( خرافي ) على قولتهم ..
طبعاً مواصفات صانع اللعب الخرافي إنه يخليك أنت و المرمى وجهاً لوجه بدون ماتبذل مجهود نهائياً ..
ومن مواصفات صانع اللعب الخرافي إنه يعطيك عرضية توقف بمكانك هي تصدمك الكورة و تدخل قول ..
ومن مواصفات صانع اللعب الخرافي إنه يعطيك أوفر يخلي الكورة تجي لراسك تبوسه و ثم تدخل قول ..
ومن مواصفات اصانع للعب الخرافي إنه يخلي ليو مهاري و سريع و يتمركز صح و يشوت صح ..
حاولت أفهم وش اللي سواه ليو بوناتيني الموسم اللي راح علشان يخلي الواحد يقول اللاعب عنده شيء ؟
والله العظيم رجعت لأهدافه باليوتيوب و لقطاته أبي أشوف شيء فاتني مالقيت ..
لاعب مقلب نمرة و استمارة و لو تجيب له تشافي بعز مستواه وراه ماراح يقدم شيء ..
لأن مشكلة اللاعب مهب مشكلة صناعة لعب .. مشكلة اللاعب إنه خلال مباراة وحدة حصل له ثلاث انفرادات بالحارس ..
انفرادتين شاتها جنب القائم و مابينه و بين المرمى إلا يمكن خمس متر أول أقل ..
وخلال موسم كامل جته فرص لو أنا مكانه يمكن طلعت الهداف بالريوس ..
مشكلة ليو إنه تجيه فرص و تضيع بالهبل.. ماله دخل منسجم ما انسجم بالموضوع ..
الانسجام يخليك ماتتفاهم من أخوياك بالفريق .. مثلك تبي تسوي ون تو و خويك بيسدد ..
الانسجام مع الفريق مثلاً تبي تطلع خلف المدافعين و خويك يعطيك إياها قصيرة وتنقطع ..
وش دخل الانسجام بإن المرمى فاضي قدامك و تشوتها بالشبك الخارجي؟
وش دخل الانسجام بإن اللاعبين يعطونك كور أنت والباب و تضيعها لدرجة إن الشوالي بغى ينزل الملعب يجلده ..
الشوالي المعلق في أحد المباريات فصل على ليو و كيف مهاجم مثله يصير هجوم للهلال !! ..
وتجي تقول انسجام و يبي له صانع لعب؟
إذا أبجيب صانع لعب علشان ليو .. لا ياخوي جب صانع لعب و رجّع العنبر يلعب و خله هجوم أصرف و أرخص ..
لكن أرجع و أقول لك أخوي عبدالعزيز .. ليو يبي له توظيف