إقتباس الرسالة الأصلية كتبت بواسطة الكاسر ياسـر ماني عارف ليه هالهجوم الكبير على ع الزلزال ؟؟انت والي معك نسيتم موسم 2014. ايش سوى البومبر ؟؟ نسيتم قاد النادي لنهائي الحلم الي فشل فيه جل مهاجمي الهلال من بعد 2002 !! ولا ما عندكم الا نظام الجحد والاستنكار !!! والاغرب الي يقول ايش سوا ناصر الموسم الماضي !!! يا عممممي الهلال بنفسه ايش سوى الموسم الماضي !! ع العموم تذكر ان اذا الهلال ما جاب. مهاجم اضافي للموسم القادم فمافي الا خربين وياسر وتذكر انه بيكون فيه اصابات لا سمح الله وخاصة لو جت ع الاثنين . لازم الفريق يكون عنده بالهجوم 3 مهاجمين على الاقل وناصر رأس حربه صريح عكس عمرنا .. والله ودي بعودته وحاب اذكرك ناصر ب16 مباراة مع نادي العين الإماراتي مسجل 12 هدف لسه فيه خير عنده والله يوفق هلالنا بالموسم القادم

طيب يا الحبيب انا ذكرت بموضوعي فترة تألق ناصر لكن اسالك بالله بعد ذهاب النصف نهائي ضد العين أين ناصر !! هل نظل نردد انه ساعد الفريق على التاهل لنهائي اسيا وهو موسم ونصف بلا هوية !
بمركز ناصر هناك من هو افصل منه خريبين والمهاجم المحترف بديل ليو الذي تبحث عنه الادارة مع دياز الذي نتمنى ان يكون وحش مع تصعيد المهاجم الشاب اليامي و الجمعان ابن محيسن الجمعان .

إقتباس الرسالة الأصلية كتبت بواسطة زمن نواف كل إللي كتبت ياحضاري ..حنّا عارفينه ...أنت بالضبط وش تبي ؟ .. تبي (عبيد) القادسية؟؟ ولا شلون بالضبط ...

كيف عارفينه يرحم والديك وانا كاتب بالموضوع اكثر من شخص يطالب بعودة ناصر ! او ما تقرا عناوين المنتدى !!
والعبيد ايه نعم مطلب او مهب عاجبك وعاجبتك فهاوة الزوري الدفاعية حتى وان سجل هاتريك مع اني احترمه كلاعب خلوق وما قصر صراحة بتكملة الدوري وكأس الملك وآسيا وظهر كهجوميا ومهاريا بشكل جيد لكن دفاعيا صفر هو و درويش ويجب ان يكون الظهير صاحي دفاعيا .

إقتباس الرسالة الأصلية كتبت بواسطة الحضاري لا يا الحبيب خريبين له علاقة بمركز ناصر اللاعبين اثنينتهم متشابهين تقريبا بمركز اللعب فكلاهما يلعبان كمهاجم طرف ثاني او مهاجم صريح مع استطاعة خريبين باللعب خلف المهاجم . ارجع للذاكرة للوراء شوي وبالتحديد الدور الاول دياز كان يلعب بليو كمهاجم أساسي و ناصر كمهاجم احتياطي او ثاني أعطى الفرصة لناصر لكن ناصر لم يثبت نفسه ! عمر خريبين أحرج دياز ان اغلب مشاركاته خاصة الشوط الثاني لها تأثير إيجابي على الفريق وأجبره العكس ان يجلس ليو احتياط والحمدلله صارت خيرة ان دياز استقر على تشكيلته الاساسية 4-5-1 وإعطاء خريبين كامل الحرية وتطبيق اللامركزية . ناصر ذكرتها بالموضوع هي اول ما جاء للهلال لكن جلس موسم ونصف وهو بعيد ما الحل هل نظل نردد انه ساعد الفريق بالتأهل لنهائي اسيا ! ياسر فيه ميزة عن ناصر انه يستطيع اللعب خلف المهاجم ونرى تاثيره أكثر من ناصر ونفس الكلام عن الشلهوب الذي انقذنا في اكثر من مباراة مثل مباراة الريان و مباراة النصر كأس الملك . ناصر هناك من هو افضل منه بمركزه ونتمنى تصعيد المهاجمين اليامي و الجمعان ابن محيسن الجمعان .

ناصر مايلعب الا راس حربه لاعب صندوق يسجل
وان بغيت الصدق والله مافيه مهاجم في السعوديه غيره.... بس لاتخاف الاداره كارهته مابيرجع.

المهم انت كيف تبي تصعد مهاجمين وانت عندك اثنين اجانب في الهجوم وتطالب باستمرار ياسر والشلهوب؟ ....

إقتباس الرسالة الأصلية كتبت بواسطة al700t ناصر مايلعب الا راس حربه لاعب صندوق يسجل وان بغيت الصدق والله مافيه مهاجم في السعوديه غيره.... بس لاتخاف الاداره كارهته مابيرجع. المهم انت كيف تبي تصعد مهاجمين وانت عندك اثنين اجانب في الهجوم وتطالب باستمرار ياسر والشلهوب؟ ....

ناصر يلعب ايضا مهاجم طرف او ثاني
ناصر يمتاز بالسرعة لكن يفتقد لميزة التحضين او تحضير الكرة لزملائه اللاعبين هذه مثلا نشاهدها كأمثلة عالمية ابراهيموفتش و كوستا وعندنا بالدوري السعودي السومه و خريبين ايضا نتذكر بدايات ياسر يجيد هذا الأسلوب التحضين على الكرة ، وناصر ضعيف بالالتحامات الهوائية لا ينجح بالالتحامات ويستسلم للرقابة ، كل مهاجم له ميزة او ستايله لكن ناصر انخفض مستواه ككل وكان كثير يقع بمصيدة التسلل وبعيد عن أجواء اللعب .
المهاجمين الشباب اليامي و الجمعان بالإمكان أدراجهم بالتدريج حتى يثبتوا انفسهم ويكسبوا الثقة
الشلهوب و ياسر تبقى خياراتهم خلف الهجوم .

إقتباس الرسالة الأصلية كتبت بواسطة الحضاري ناصر يلعب ايضا مهاجم طرف او ثاني ناصر يمتاز بالسرعة لكن يفتقد لميزة التحضين او تحضير الكرة لزملائه اللاعبين هذه مثلا نشاهدها كأمثلة عالمية ابراهيموفتش و كوستا وعندنا بالدوري السعودي السومه و خريبين ايضا نتذكر بدايات ياسر يجيد هذا الأسلوب التحضين على الكرة ، وناصر ضعيف بالالتحامات الهوائية لا ينجح بالالتحامات ويستسلم للرقابة ، كل مهاجم له ميزة او ستايله لكن ناصر انخفض مستواه ككل وكان كثير يقع بمصيدة التسلل وبعيد عن أجواء اللعب . المهاجمين الشباب اليامي و الجمعان بالإمكان أدراجهم بالتدريج حتى يثبتوا انفسهم ويكسبوا الثقة الشلهوب و ياسر تبقى خياراتهم خلف الهجوم .

العدد محدد كم عندك لاعب اللحين وكم تبي تصعد؟

صراحه انا اشوف الفريق فيه اثنين اجانب بنفس المركز خريبين وادواردو اتمنى صانع العاب بدال اداوردو اللي سمعنا انه جاهـ عرض مغري من العين ومهاجم شرس بجانب خريبين وابقاء ميلسي

بالنسبه للمهاجمين اشوف ان نعطي فرصه للمواهب بالاولمبي مجاهد المنيع وعبدالرحمن اليامي ابرك من نعطيها لاعب وصل 34 من عمرهـ

إقتباس الرسالة الأصلية كتبت بواسطة al700t العدد محدد كم عندك لاعب اللحين وكم تبي تصعد؟

مثل ما كان يتواجد مجاهد المنيع يكون مكانه ابن محيسن الجمعان او اليامي ويتم مشاركته بالتدريج حتى يثبت نفسه

إقتباس الرسالة الأصلية كتبت بواسطة MgnOnk773 صراحه انا اشوف الفريق فيه اثنين اجانب بنفس المركز خريبين وادواردو اتمنى صانع العاب بدال اداوردو اللي سمعنا انه جاهـ عرض مغري من العين ومهاجم شرس بجانب خريبين وابقاء ميلسي بالنسبه للمهاجمين اشوف ان نعطي فرصه للمواهب بالاولمبي مجاهد المنيع وعبدالرحمن اليامي ابرك من نعطيها لاعب وصل 34 من عمرهـ

يوجد فروقات بين خريبين و ادواردو حتى وان اشتركوا بمركز مماثل الذي يسمى المهاجم خلف رأس الحربة
ادواردو يناسب خط الوسط أكثر فهو يمتلك رؤية للملعب أكثر وتمرير الكرة وعلى ما اعتقد سبق ان لعب بأوربا بمركز صانع لعب و محور هجومي ( نفس مكان ميلسي و الفرج )

خريبين يناسب خط الهجوم أكثر ويجيد التحركات لفتح الثغرات لزملائه والتحضين على الكرة والتحضير لزميله و الألعاب الهوائية
والحمدلله ان ادواردو مؤخرا أبدى تعاون بينه وبين خريبين وزملائه اللاعبين بالإسراع بتمرير الكرة وعدم الاحتفاظ بها كذلك البعض ربما يظن ان ادواردو لا يتعاون الا مع أبناء جلدته ك ليو الذي حل محله خريبين لكن هذا الكلام غير صحيح فادواردو محترف .

لذلك ادواردو للأمانة ابدع في مركز صناعة اللعب أو خلف المهاجم

اختصرها لك اذا عكست أماكن اللاعبين لا اعتقد انه سيكون نفس الشيء !! وذلك لاختلاف ستايل كل لاعب فخريبين يناسب خطة 4-5-1 مع حرية الحركة له وخلفه ادواردو و العابد .

الان عرفة ان ناصر محسوب علينا بلاعب اجنبي . يعني يا خريبين او ناصر.

اتكلم بعقل واحترم عقولنا

ناصر تغير في نادي العين اصبح يتقبل التغيير والدكة ويسجل . ومن الجفاء ان يتكدس في ادمغتكم مواقفه السلبيه دون النظر في تغير سلوكه الحالي.


على العموم ان لم يلتزم ناصر بتعليمات المدرب اتمنى بيع عقدة

الهلال عال العال وينقصنا مدافع اجنبي فقط ولكن عقلية مدربنا يريد مهاجم .

يعلم الله ان ودي ان يكون ابوعلي متواجد مع الزعيم لكن المشكله انه يحب نفسه اكثر من اي شي
لما يجي وقت الحسم تلقاه يهز استقرار الفريق يعمل مشكله مع المدرب ولاتنسى اكيد فيه لاعبين
بيكون ناصر قريب منهم وبينحازون معاه وتبدا مشاكل مالها داعي لذلك انا احب الزعيم اكثر من ناصر واتمنى ان يكون بعيد عن الزعيم

إقتباس الرسالة الأصلية كتبت بواسطة attac الان عرفة ان ناصر محسوب علينا بلاعب اجنبي . يعني يا خريبين او ناصر. اتكلم بعقل واحترم عقولنا ناصر تغير في نادي العين اصبح يتقبل التغيير والدكة ويسجل . ومن الجفاء ان يتكدس في ادمغتكم مواقفه السلبيه دون النظر في تغير سلوكه الحالي. على العموم ان لم يلتزم ناصر بتعليمات المدرب اتمنى بيع عقدة الهلال عال العال وينقصنا مدافع اجنبي فقط ولكن عقلية مدربنا يريد مهاجم .

يا اخي لا تفسر الموضوع بمزاجك وتربطها محترف او سعودي !!

افهم مقصدي خلك من قولة سعودي و محترف

ناصر كم له وهو مهاجم أساسي بالهلال ؟ او حتى كخيار ثاني بعد نزول مستواه ؟
مع سامي أساسي وكان تقرييا اغلب الموسم له بصمته .
مع ريجكامب أساسي ولكن ناصر حتى مباراة النصف نهائي ضد العين وبعدها اختفاء تام حتى في ذلك النهائي ضد سيدني لم يفعل شيء وان صاحبه كوارث ناشمورا لكن ناصر كان ضيف شرف بالذهاب و الأياب لم يفعل أي شيء يذكر !!

الموسم الماضي كان مابين اساسي و احتياط كخيار ثاني ولم يكن له بصمة بل كان منخفض مستواه بقوة ! ماعدا بعض المباريات

هذا الموسم اتيحت له الفرصة اكثر من مرة لكن غير مقنع لأحد عدا مباراة الباطن اول مباريات الدوري

لذلك قدوم خربين حل للفريق مشكلة ولله الحمد بالهجوم بدل مزاجية ناصر وسلبيته وكأنه تكملة عدد وما شاء الله عليه عمر خربين استحق مهاجم اساسي وهذا ماقصدت ربطه بناصر ان الهلال ليس بحاجة ناصر فوجود خربين مع مهاجم محترف وتصعيد اليامي او الجمعان كافي ان شاء الله

ناصر ماراح يستفيد منة الزعيم في الادوار النهائية باسيا بحكم انه لعب مع العين

المهم و الاهم لا الهلال و لا اغلب جماهيرة تؤيد عودة الشمراني

يا حظك يالشمراني ما شاء الله تبارك الله
لا كنترول ولا تسليم ولا تسديد ولا ترويض ولا هوائيات
ومع ذلك لعبت في الزعيم ورغم إهدارك لفرص يستطيع تسجيلها المعيوف ورغم مشاكلك مع المدربين ورغم تهاونك في التمارين
وإعتراضك على التغيير

الا انه يوجد لديك جماهير مثلك

الهلال كبير وسيبقى كبير ولن يضره ناصر وياسر وشلهوب ولا حتى مدرب ولا رئيس
فكيف بناصر الشمراني

اي والله ياحظ ناصر هههههه
وتقول مافي البلد الا هالولد مدري العجوز
عموما الله يستر عليه
طلع من الفريق بكيفه هو
ويلحق شارب النمر اذا رجع
الزعيم ماهو نادي مبزرة وبلطجية وعيال حارة
وصعب اي لاعب يحقق حلمه ويلعب للهلال
انا اشوف اذا بيرجع بالمجان او هو يدفع رسوم
وجع راس مايبي لها

إقتباس الرسالة الأصلية كتبت بواسطة الحضاري مثل ما كان يتواجد مجاهد المنيع يكون مكانه ابن محيسن الجمعان او اليامي ويتم مشاركته بالتدريج حتى يثبت نفسه

يعني تبي واحد صاعد مكان واحد صاعد؟!
ترا السسواط تسرح لان ماله مكان.