بخصوص موعد النهائي والتذاكر - نادي الهلال السعودي - شبكة الزعيم

فيفي وعشقي الهلال · #1 15/05/2017, 05:58 PM

السلام عليكم ورحمة الله وبركاته

حبايبي الزعماء انا من ابها وحاليا في جده وباذن الله حاضر النهائي

السؤال النهائي الخميس او الجمعه ؟

الشي الثاني متى موعد طرح التذاكر واين ستطرح

اللي اعرفه عن طريق مكاني لكن تفأجت امس انهم طارحين تذاكر

مبارة الاهلي السعودي والاهلي الاماراتي وهي بعد اسبوع

والنهائي ساحبين عليه وباقي له كم يوم

اللي عنده خبر يفيدني واعتذر عن الاطاله

عقد البطولات · #2 15/05/2017, 07:13 PM

والله يا اخوك سمعنا عن مؤامره لسحب تذاكر الهلال للاهلي .. ومنزلين هاشتاق بالتويتر يطالبون فيه بالتذاكر كلها للاهلي..
على قولتهم طالت وتشمخت .. والاهلاويه نسيوا نفوسهم ومسخوها..
ادارة الهلال يجب ان تطالب بكل تذاكر جمهور الهلال وبيعها عن طريق وسيط ومن ارض الملعب لضمان الجمهور الهلال.

عقد البطولات · #3 15/05/2017, 07:14 PM

وفيه كلام بسبب زيارة ترامب ان المباراه يمكن تنقل الى الجوهره بالرياض.

قاصدنت · #4 15/05/2017, 07:24 PM

المباراة في جدة وستباع في مكاني احتمال بكره ان شاء الله لاني شفت بطاقة دعوة مع حكم سعودي دولي معتزل التحكيم وجهت له دعوة لحضور المباراة قال لي المبارات خلاص رسميا ستقام في جده وبالتوفيق للزعيم ان شاء الله والحصول على كأس خادم الحرمين الشريفين

فيفي وعشقي الهلال · #5 15/05/2017, 07:45 PM

والله ماندري احترنا معهم لكن الله ييسر ويكتب اللي فيه الخير

نجوم هلالية · #6 15/05/2017, 07:59 PM

سواء المباراة في جدة او الرياض حنا جاهزين وان شاء الله الكاس هلالي بالتركيز واللعب بكل قوة

فيفي وعشقي الهلال · #7 15/05/2017, 08:22 PM

باذن الله لو يبغون في باريس الكأس من نصيبنا يارب ياكريم

HAKEEM2 · #8 15/05/2017, 08:55 PM

اتمنى من الاداره التنسيق مع اعضاء الشرف لشراء حصة الهلال كامله وتوزيعها عن طريق الرابطه في الرياض وجده حتى تذهب كل التذاكر لمشجعي الزعيم الملكي

يجب ان نستفيد من اخطاء نادي الفقر الغبي

(((C.RONALDO))) · #9 16/05/2017, 12:43 AM

المباراة يوم الخميس والتذاكر نزلت الحين ع موقع مكاني ..

عاشق الزعيم505 · #10 16/05/2017, 12:50 AM

الطحالب مسوين هجوم على التذاكر من أول ساعة يفتح مكاني
25 الف تذكرة للزعيم الملكي 25الف تذكرة للأهلي
10 آلاف مقعد فاصل أمني
وناوين يشترون تذاكر الهلال بأسماء أقارب فقط يغير النادي المفضل هذي خطتهم اللي مسمين أنفسهم الراقي !!!وهذي فعايلهم
المهم الادارة الهلالية اكيد تعرف كل مايدور وياليت يتخذون إجراءات عاجلة
مجلس الجمهور الهلالي في الغربية فاهمين الوضع وأتمنى نرى ردة فعل منظمة
وزي ماقال أحد الاخوان سحب جميع تذاكر الهلال من مكاني وتوزيعها بإشراف الرابطة في جدة والرياض
نحن في منتدى الزعيم مهي عوايدنا نخوض في مواضيع غوغائية كما يدور في هاشتاقهم فالملكي يبقى ملكي لكن مادام وصلت للهجوم على قولتهم وجب التنوية وسحب تذاكر الزعيم بطريقة نظامية
ويارب الفوز من نصيب الزعيم الملكي

عبدالعزيز الثنيان · #11 16/05/2017, 01:56 AM

في إحدى النهائيات ..
لعب الأهلي مع الشباب والملعب فل بالجماهير الأهلاوية ..
وأعطاهم الليث ثلاثة أهداف و طار بالبطولة ..
لاعبينا تعودوا على الأجواء الجماهيرية .. واللعب تحت الضغط ..
المهم التركيز .. التركيز هو من سيقودنا إلى الكأس الغالية بإذن الله ..
طبعاً كل شي بعد توفيق الله تعالى ..

: :

إحساس خالد · #12 16/05/2017, 02:21 AM

ايه شفت الهاشتاق
متحمسين هههه بزياده وحاطين مقاطع قديمه يوم كانت الكوره مربعه ههه
اللي يعطيني نفس تفاؤلهم ...

hilalicanada · #13 16/05/2017, 08:40 AM

جمهور الاهلي يخطط للسيطره على واجهه ملعب نهائي كأس الملك

تفضلو الرابط:

خطة السيطرة على على الواجه يا جمهور الاهلي

نتمنى حفظ حقوق النادي

abubadr98 · #14 16/05/2017, 04:07 PM

الله يعطيكم العافية
وبالتوفيق للهلال الزعيم الملكي