1000 مبروك الدوري يازعماء
المتابع لمستوى الهلال يرى انه من الضرورة البحث عن حارس يكون بمستوى طموح الهلال , او اتاحة الفرصة للواكد , او التفكير في هذا الامر بشكل جاد .. لا ننسى فضل الدفاع على الحراسة الهلالية , وهدف النصر اليتيم ينم عن ردة فعل بطيئة جدا , وعدم تمركز , وهي ليست المرة الاولى اللي تحدث .
حارس الوحدة الغامدي خلال متابعة مباراة الوحدة والقادسية كان نجم المبارة, قد يعاب عليه قصر القامة , ولكنه ذكي جدا وردود فعل سريعة.

نتمنى ان يطور حارسنا الاساسي من مستواه , او يشعر ان الواكد قد يخطف الخانة . ليطور من نفسه .

عندنا مروان حيدري كان حارس المنتخب الاولمبي هو اولى بالفرصه من التعاقدات من خارج النادي

بصراحة المعيوف مايطمن اطلاقا

يعطيك العافية

متى يسمحون بالحارس الاجنبي ونفتك من صداع الحراس المزمن ... لن انسى مبارة كان فيها الدعيع نجم المبارة تصدى لكل هجمات الاتحاد صد كور باليد والراس خارج المنطقه والظهر والرجل كحارس كورة يد وكنت اقول في نفسي ترى بعد الدعيع هل سيكون للهلال حارس بربع مستواه والجواب حتى الان لا يوجد حارس بمعنى خارس حقيقي المعيوف مجتهد وعلى قدر امكانته ولا يلام فهذا كل ما يستطيعه الدور على الادارة الهلاليه اعطاء فرصه للحيدري او التعاقد مع حارس ممتاز

السلام عليكم
اخوي مع احترامي لك وللجميع اشوف كثر الكلام عن المعيوف وانه فيه ومافيه لكن تراه مثل غيره من اللاعبين ساهم في تحقيق الدوري فمن باب الشكر انكم تشكرونه على ماقدم ماهوب تجون في ليلة عرسه وفرحته بالدوري تصدمونه بانتقاداتكم في الوقت اللي هو ينتظر منكم الاطراء والثناء مو معقوله اللي يصير هجوم غير مبرر عليه ياخي الهلال اللي طلب وده من الاهلي وكان مقدم مع الاهلي موسم رائع ومدام انه ماهوب بطموح الزعيم ليش نفكر فيه من اول وقاعدين ننتظر حسم الصفقه

يا احباب ادعموه قدامكم استحقاقات لس ما انتهت وهذا وقتكم تؤازرونه وتوقفون معه اكيد تذكرون حسن العتيبي كانت الجماهير ماترغب فيه وفجأة صار هو المطلب وقدم مستويات انتحاريه مع الزعيم
وتذكروا اختلاف الاراء لايفسد للود قضيه

والف الف الف مبروك لدوري جميل فوزه بالزعيم

يعطيك العافية
انا اشوف ان المعيوف حارس ممتاز ولا ودنا نتخبط باختيارات الحراس

ولنا في السبيعي والسديري والشمري والثنيان خير مثال

اتوقع لو يتم جلسه مع خالد شراحيلي والاتفاق معه على الانضباط واعطاءه فرصة اخيره افضل من التعاقدات الغير مجديه في الغالب

الله يعطيك العافية
وبالتوفيق للهلال الزعيم الملكي

المعيوف والحيدري أفضل الموجودين ..
الواكد بصراحة ماهو بمستوى الهلال .. أحسه لاعب بالواسطة ..

:

للاسف المعيوف افضل الموجودين
البحث عن حارس ضروري

طيب اللي ينتقد المعيوف ويطالب بالبديل!!

من هو البديل !لايوجد في الملاعب السعودية من يقال عنه حارس متمكن!!
العويس وله مشاكل بسبب انتقاله للاهلي ! ووليد عبد الله تورط به الفقر واكل خمسة من الزعيم ولم يثبت نفسه!!

إقتباس الرسالة الأصلية كتبت بواسطة هلالي السالميه السلام عليكم اخوي مع احترامي لك وللجميع اشوف كثر الكلام عن المعيوف وانه فيه ومافيه لكن تراه مثل غيره من اللاعبين ساهم في تحقيق الدوري فمن باب الشكر انكم تشكرونه على ماقدم ماهوب تجون في ليلة عرسه وفرحته بالدوري تصدمونه بانتقاداتكم في الوقت اللي هو ينتظر منكم الاطراء والثناء مو معقوله اللي يصير هجوم غير مبرر عليه ياخي الهلال اللي طلب وده من الاهلي وكان مقدم مع الاهلي موسم رائع ومدام انه ماهوب بطموح الزعيم ليش نفكر فيه من اول وقاعدين ننتظر حسم الصفقه يا احباب ادعموه قدامكم استحقاقات لس ما انتهت وهذا وقتكم تؤازرونه وتوقفون معه اكيد تذكرون حسن العتيبي كانت الجماهير ماترغب فيه وفجأة صار هو المطلب وقدم مستويات انتحاريه مع الزعيم وتذكروا اختلاف الاراء لايفسد للود قضيه والف الف الف مبروك لدوري جميل فوزه بالزعيم

كلامك اخي صحيح والمفروض يشيدون فيه وليس التحطيم فيه بعض الجماهير لاتعلم ماذا تريد سبحان الله

المنتدى أصبح حكر على كل مندس
هذا وقت انتقاد ؟ ؟ ؟ ؟ ؟
المعيوف كاد أن يحطم أرقام الأسطورة الدعيع وتقول نفكر في بديل ؟ ؟ ؟
المعيوف مشروع أسطورة بلا منازع
حتى الدعيع كان الدفاع تفاريس
المهم إلا شراحيلي لا اشوف خشته
نكبنا في الدوري وآسيا وكفاية خلاص
المعيوف إلى الأمام وان شاء الله خمس سنوات مع الزعيم

افضل 3 حراس المعيوف والعويس والمسيليم

وجميعهم متقاربين قد يتفوق عليهم العويس مستقبلا ولكن حاليا الثلاثه هم الافضل

المسيليم طبعا كبير بالسن والعويس برز بسنه واحده واختفى الان

لذا لااعتقد يوجد في الساحة الان من هو افضل منهم وقد يدعم الحراسه الهلاليه

دعم الحراسه الهلاليه لايكون حاليا الا باكتشاف حراس شباب يتنبأ لهم بمستقبل بعيد عن مانراهم في الساحة الان


وبالنسبه للمعيوف كسنة اولى اراه قدم افضل مستوى بعد الدعيع

فلا العتيبي ولا السديري ولا السبيعي ولا شراحيلي كانو مطمئنين للحراسة الهلاليه وكانت لديهم هفوات كبيره واخطاء قاتلة

المعيوف اخطائه قليله ولا تعتبر اخطاء فادحة قياسا بهدايا شراحيلي والسبيعي والسديري

المعيوف افضل حارس يلعب بقدمه بالسعودية يعطي دائما الدفاع الاريحيه بارجاع الكره له

ارقام المعيوف هي الافضل بعد الدعيع

في البطوله الاسيويه هذه السنه المعيوف كان له دور رئيسي في كسب الهلال لاكثر من مباراه

لو سمحوا بالحارس الأجنبي راح يكون أفضل قرار من ثلاثين سنة ..
المركز الوحيد اللي متضرره منه الأندية ..
وحتى المنتخب متضرر منه ..
حارس المنتخب دايم من الفرق الأربع الكبار..
وهذا يخلي الحارس دايخ لأن فريقه بالدوري دفاعه قوي ومايقابل فرق تهاجم ..
الكسار افضل حارس سعودي للأمانة ..
لكن الحارس الأجنبي بيفلتر الحراس الكديش وبيبقى كم حارس سعودي عليهم العلم وهم بيمسكون المنتخب

المعيوف ممتاز لكن لازم ينزل وزنه

والحيدري اولى بالفرصه من غيره

الاحبة الكرام سعدت بمروركم الجميل وتعليقاتكم الرائعة
المعيوف ولدنا وحبيبنا وشكرا له من الاعماق ونتمنى ان يبرز ويكون افضل الحراس ليدعم الزعيم في جميع الاستحقاقات
والاخوة المنتقدين للنقد اود ان اذكر لهم ان هذا نقد بناء , الهدف منه تطوير الامكانات , والحصول على الافضل .
الاخ ابو ساري اشاركك الراي في موضوع الكسار ( حارس جيد )

وفق الله الزعيم في كأس الملك والاسيوية
وان شاء الله نبارك للجميع بالحصول عليهما.