ما ان تتم صفقه بين ناديين منافسين الا و مردودها نفسي اي انتصار خارج الملعب اكثر من قيمة و خدمات اللاعب نفسه ( هنا لا اقصد ان اللاعب في النادي المنافس لا يستحق و لكن الصفقه تغلب عليها الطابع النفسي و هز الفريق المنافس و تحريك جماهيره ضد ادارته ) ..

[ الغشيان - خالد عزيز - سعد الحارثي - عبدالعزيز الدوسري ( عرض مقدم مبالغ فيه قبل المباراة ) - عوض خميس قبل رجوعه مره اخرى لناديه و الهجوم الإعلامي و الجماهيري على إدارتهم رغم قناعة الادارة بعدم احتياجه ]

جميع تلك الصفقات لم يستفد منها النادي من خدمات اللاعب اكثر من العامل النفسي ..

على الجميع ان يعلم ان الكره داخل المستطيل الأخضر و الانتصار الحقيقي يكون داخل ذلك المستطيل ..

كسر خشوم وحب خشوم وكلام ماله اي فائده او اي داااااعي

اذا للهلال حق بياخذه واذا ماله ما راح ياخذ شي موب له مثل باقي الانديه

عندنا اسيا وعندنا الدوري وكل همكم ايش بتسوي الاداراه وكيف بترد ومين يكسر راس الثاني؟

وعلشان مين... عوض خميس؟
يعني يوم راح الفريدي وخالد عزيز ما عملتوا اللي بتعملوه الحين

وبدل لا تساندوا الفريق والاداراه وقدامنا مباريات مفصليه ومهمه، تطالبوا بكسر خشوم عشان لاعب ولا يسوى؟

اتركوا كسر الخشوم يوم نفوز بالدوري ونرفع الكأس
ذاك الوقت اقول لكم صــــح كسرنا خشومهم كلهم.

اما تتكلموا عن موضوع ( تافه ) ولا له اي فائده فهذه مو من عادات جماهير الهلال العاقله الفاهمه والراكزه.
اتمنى تركزوا عالفريق وعلى البطولات
وابتعدوا عن بطولات ( الورق والمكاتب )

اتمنى تساندوا الفريق لتحقيق البطولات ومساندة الاداراه لتركيزها في عملها

والابتعاد عن ( زعزعه الفريق و اثارة الازمات بداخل الجماهير )

اللهم وفق الهلال فوق كل ارض وتحت كل سماء

الله يعطيك العافية
وبالتوفيق للهلال الزعيم الملكي