|
اختياركم الملز افسد الحضور وحرم الهلال من جماهيره الغفيره فلا يحق لكم انتقادهم للاسف خطا كارثي وقعت فيه الادارة ومازالت مستمرة ومقتنعه بنقل المباريات للملز وعلى راسها اسيا !! لا اجد عذر لها سوى خزعبلات فالهلال حقق اكثر بطولاته على ارض الاستاذ وبدعم جماهيره الغفيره الزعيم حرم من جماهيره الكبيره اللي يستمد منها الروح والحماس فالملز لايرحب بالحضور الكبير ويشجع على الاتكالية وفقط حضور عشر الاف يسببلك ازمة زحمة وفي وسط الرياض وبعدين الملعب كل ما كان اكبر بيساعدك على اختراق الفرق الدفاعيه وكل ماكان الملعب اصغر بيساعدهم عليك والله مافيه عذر غير خزعبلات وان هذاك الملعب نحس يا اخوان الاستاذ سطر امجاد الهلال واحتضن جماهيره سبعين الف هلالي والله لو المباراة على الاستاذ والهلال في مثل هذا الوضع الحساس والله مايقل الحضور عن اربعين الف فالهلالين لايغيبون في مثل هذا الوقت ودايم يحضرون وبقوة في المباريات الحسم والخطيره على الهلال نقول للادارة اعيدوا للهلال جماهيره الغفيره والا لا يحق لكم مطالبتهم |
ماعمر الهلال احتاج لجمهوره واخذلوه لكن تحط المباراة في ملعب صغير مايكفي ظ¢ظ وتحشر العالم وارض الله واسعة لا تلوم الجمهور اذا محد حضر او حصل بينهم اتكالية !! المباراة الهلال الجايه مع الفتح لازم تكون على الاستاذ وبأذن الله مايقل الحضور عن ظ¤ظ الف وخلو الهلال يتهنى بجمهوره |
قرار غريب وعجيب ممزوج بالغباء يعني اكيد الريان القطري بيلعب على تقفيل المناطق الخلفية وشي طبيعي ملعب الملز راح يساعدهم في الشي هذا وشفنا معاناة الهلال مع الفرق اللي تقفل المناطق الخلفية مثل ماعانينا مع القادسية لكن وش تقول اصلا الفريق بكبره مايجمل وماشي بالبركة |
إقتباس:
وكأن الاستاذ هو المسؤول عن غياب الهلال في اسيا او مسؤول عن ضياع الفرص السهله والمشاكل الفنيه والا مافيه اعذار مقنعه الاستاذ افضل للهلال من جميع النواحي ملعب كبير يساعدك بالتحرر من الرقابة والتكتل الدفاعي حضور الجماهير الكبيره يضيف للهلال هيبه وقوة وسعة الملعب لاتشجع على الاتكاليه |
ليس عذرا لعدم حضور الجمهور القرار صحيح ميه في الميه لاسباب كثيره منها - قلة حضور جماهير الهلال هذا الموسم - زراعة ملعب الملز افضل زراعه من ملعب الملك فهد ومن جميع ملاعب المملكه - القرب - التجارب اثبتت ان استاد الملك فهد ان حضر فيه ثلاثين الف فتاثيرهم لايساوي حضور نصفهم في الملز. |
إقتباس:
اللي يهمنا عدم حرمان الهلال من جمهور غفير له قوته وهيبته حضورظ¢ظ الف ولا شي في مباراة كبيرة ومهمه لا لها تاثير لا لون ولا طعم وترا ماهي زينه يحضرلك عشرين وانت متصدر الدوري الواجب كل المباريات على الاستاذ يرافقها حملات ودعم لمساندة النادي |
اللي ينتقد القرار وهو مقيم في الرياض اقول له مع احترامي لك يازينك ساكت |
بالفعل حزيت كثيرا عندما علمت ان مسيري الهلال اختارو هذا الملعب الصغير خصوصا مع ابداع جمهور الزعيم في التغير ... شكرًا لك |
جيب لي مباراة واحدة من الدور الأول على ملعب الملك فهد وصل فيها عدد الجماهير إلى 40 الف او 30 الف وانا ابصم على كلامك .. يارجل بلا أعذار واهية جمهور الرياض جمهور اتكالي حتى لو وفرت لهم ملعب بمساحة الكامب نو .. العام الماضي في مباراة الشباب بالدور الثاني وفي مرحلة مفصلية للمنافسة على الدوري وعلى ملعب الملك فهد وعدد الحضور ماتجاوز ال 5 آلاف حدثوا العاقل بمايعقل وهذه احصائية الحضور الجماهيري الموسم الماضي والارقام امامك وقارن بين عدد الحضور في مبارايات الاتحاد والأهلي وبين الحضور في مبارايات الهلال إحصائيات رابطة دوري المحترفين السعودي 2015/2016 |
صدقني لو ادارة الهلال شايفه ان الرياض فيه جماهير كفو كان اختارته لكن ماشافت الا ناس بس تصايح وتهايط وتنتقد وهي حضور ماكلفت نفسها ليتهم بعد اختاروا ملعب النادي . ياليت الهلال ياخذ مقر له غير الرياض يجي الغربيه ويشوف كيف الجمهور اللي بيفجع العالم ماهو كم واحد اذا جاء الملعب قام يصيح تقول شايف له شي مروعه امحق تشجيع . |
الله يعطيك العافية وبالتوفيق للهلال الزعيم الملكي |
صدقت والله ! أنا ودي أعرف وش الحكمه من نقلها للملز ! يعني الملعب صغير والمدرج صغير وموقع الملعب مايساعد ابد على الحضور الملعب جنبه الحديقه وجنبه أحياء سكنيه نزعج أهاليها بوقوف سياراتنا عند بيوتهم وخذ الدعاوي من الناس على ذا الهلال على قولتهم أضف إلى ذلك حي الملز نفسه وشوارعها اللي ماتدري الشارع وين بيوديك للي يستشهدون بمباريات الدوري .. فيه جمهور يتحمسون لمباريات آسيا أكثر من الدوري وأنا منهم ياما رسمنا أجمل التيفوات على مدرجات الدره ويجي قرار زي كذا يخرب الدنيا يعني على صغر الملعب وعدم ترقيم الكراسي وعدم وجود مواقف وطرق سيئة تحطون مباراة آسيا فيه ! برافو إدارة الهلال ! أتمنى إعادة النظر في هذا العبث اللي حاصل |
والهلال متصدر وحضر له سته الاف امام الخليج هذولا لو في استاد الملك فهد مايبانون ثانيا كيف تقول ماتهمك الزراعه هههههههه شي غريب |
إقتباس:
جمهور الهلال في كل ملعب نشوفه يحضر بكثافة بغض النظر عن أهمية المباراة وهل هي ( تستاهل ) او لا .. على قولة البعض .. الا في الرياض احضر في الملز وشجع وبعدها اننتقد براحتك .. |
بالعكس! اختيار الملعب جيد لعدة أسباب صغير الملعب لا يحتاج لياقه عالية.....وسيفوز الهلال ان شاء الله باقل مجهود اضف لذلك حضور20 الف فقط سيجعل الملعب ممتلئ عن بكرة ابيه.. انا واثق ان شاء الله ان الهلال سيعبر دور المجموعات بطريقة اسهل الممتنع وباقل مجهود ان شاء الله.. |
| الوقت المعتمد في المنتدى بتوقيت جرينتش +3.
الوقت الان » 02:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd