سلمان راح يوقع للزعيم بثمانية ملايين للموسم الواحد ..
عقده الجديد ( ثلاث مواسم ) .. والإعلان قريب جداً ..
سبب تأخير التوقيع هو إشتراط الفرج إستلام مبلغ
مقدم من العقد قبل التوقيع ( ثمانية ملايين ) ..

الله يوفق الفرج وإن شاء الله فالنا الدوري ..

: :

والله وصمة عار على إدارة نواف بن سعد اذا اعطته 9 او 8 او 7 مليون
اللاعب اقل من هذا المبلغ بكثييييييير

واذا ما أعجبه فيه أنديه يتمنون اي شي يرميه لهم الهلال وبيعطونه المبلغ اللي يبغاه

يا أخوان هل سلمان الفرج مطمع للهلال ؟
أنا عن نفسي لا أرى ذلك

الله يعطيك العافية
وبالتوفيق للهلال الزعيم الملكي

والله إذا المبلغ مو عاجبه الله يستر عليه يعني انا ما افاوضه لاهو ولا سالم الدوسري
زيارة عدد

والله مبالغ كبيره
اذا كان فيه نجوم تغطي الخانة ما هو لازم اضغط الميزانية

برأيي

التجديد مع الفرج وتسويقه خليجيا

بكذا نضرب عصفورين بحجر واحد

إقتباس الرسالة الأصلية كتبت بواسطة The-Legend-10 صباحكم جميل!! الحل بشكل مختصر التالي!! ايقاف لاعبين الهواه من لجنة الاحتراف مع وجود حلول بديله،التي تبعد،اللاعب من ضمان مقدمات كبيره (كهاوي) قد تكون سبب بقتل الطموح او عدم تقديم مستوى جيد!! بالاضافه لضمان عدم تضخم العقود،للوقوع بمديونيات قادمه!! ايضا لابد من الاداره بأن يكون المبلغ يربط بالمستوى ويكون كلاعب محترف يستلم على دفعات تكون مقرونه بمدى الاستفاده منه فهذا يعطي دافع اكبر بالعطاء!! والاستفاده من درس،عزوز فيجب ان يضمن النادي حقوقه (القانونيه) لمنع ضرره!! اخيرا محافظة كسب اللاعب بأفضل الطرق بعيدا عن اية ضغوط اخرى كمنهج لك!! ولايعني،اني،اطالب بالتفريط بل بالحنكه للتعامل مع الامر!! فإذا عسرت يستفاد منه ببيع بدون ان يذهب بلا مقابل للنادي!! فهذه من الاخطاء الاداريه التي،جعلتك بموضوع اصعب فالتجديد المفترض من وقت مبكر بقبل سنه كأقل تقدير من انتهاء عقد اللاعب عند (القدره)!! مع الشكر!!

اتفق معاك تماما في نقطتين الاوله ربط عقده بمستوياته اللي جالس يقدمها مو معقوله يجي يشد حيله قبل التوقيع ولاضمن نفسه قام يسحب رجوله

بالملعب تجديد عقد الاعب قبل دخوله الستة اشهر ويعرض عليه عقد اذا ما وافق ضعه في سوق الانتقالات منها تضمن عدم مماطلته والذهاب ببلاش

وتطلع من بيعته فضل تربيتك له في النادي ناكر الجميل وبكذا تخليه عبره لغيره مايجيك بعده واحد يلوي ذراعك

مستوياتهم فاشله ويجونك يطالبون بعشره ملاييين قسم بالله مايستحون حلل عقدك لابارك الله فيك اول بعدين نعطيك للي تبيه

شوفوا رادوي اجنبي كان يلعب عشان يحلل المرتبات اللي يآخذها ويوم قرر الرحيل وقع للهلال عشان يستفيد الهلال من بيع عقده

ما أعرفه أن الأندية الكبيرة تدفع الغالي والنفيس في التعاقد مع لاعب يكون سبب في جلب

البطولات واعتلاء المنصات ..أما ما يفعله الهلال فهو على العكس من ذلك تماماً فيما يتعلق

بالتعاقد مع سلمان فهم يتعاقدون معه بأغلى العقود لكي يقوم هو بدوره المعهود بتضييع النقاط

و إخراج الهلال من البطولات !!!... لاعب لا يستحق حتى أعلى سقف مليونين و أربعمائة ألف ..

إقتباس الرسالة الأصلية كتبت بواسطة بالثمنيات ما أعرفه أن الأندية الكبيرة تدفع الغالي والنفيس في التعاقد مع لاعب يكون سبب في جلب البطولات واعتلاء المنصات ..أما ما يفعله الهلال فهو على العكس من ذلك تماماً فيما يتعلق بالتعاقد مع سلمان فهم يتعاقدون معه بأغلى العقود لكي يقوم هو بدوره المعهود بتضييع النقاط و إخراج الهلال من البطولات !!!... لاعب لا يستحق حتى أعلى سقف مليونين و أربعمائة ألف ..

سيندمون يوم لا ينفع الندم

الادارة عارفه ومتيقنه ان هاللاعب ما يسوا بس المشكله في هالجماهير اللي كلمه توديها وكلمه تجيبها .
اللاعب يا ساده لا يستحق هذا المبلغ .

حينما تصبح المادة هي الولاء والانتماء فلا تتأمل نتائج والاولى ان كل لاعب يلعب للهلال يدفع 25‎%‎من عقده لنادي الهلال لكونه كيان يصنع النجوم ويحظى الاعب بشرف العب للهلال وتحت مظلة عشاق الهلال

اذا وقع بالمبلغ المناسب للادارة و خصوصا انه اصبح عالة على الفريق

ان وقع حياه الله و اذا رفض ابركها من ساعة

إقتباس الرسالة الأصلية كتبت بواسطة زمن نواف الكابتن (سلمان) ولدنا ولن نفرط فيه بإذن الله ..وو(جه السعد) يعلم ذلك .. (سلمان) باقي مع ناديه غصباً عن الجميع وممن يحاولون زرع الفتّن بينه وبين ناديه ..أهم شيء إن الكابتن يعرف هالغوغائيين ويبتعد عنهم .. يوجد الكثير من المُندسين في منتدى الملكي ..يحاولون زرع الفتّن ممن يقولون لهذا اللاعب ينقلع ما نبيه وغير ذلك من المواضيع المُريبة ...

ا

خي العزيز وليه تاخذها من زاوية ان الموضوع لاثارة الفتنه بين اللاعب والنادي .
بالعكس اللاعب هو من بدا بوضع شروط ومبالغ من وجهة نظر الكثيرين لا يستحقها ناهيك عن مستواه الفني المحبط
على الاقل من وجهة نظري المتواضعه ..... اما سالفة ولدنا وما ولدنا فمعنى ذلك ان نحن نصير ((( اهله )))
والولد لا يضغط ويساوم اهله .... لا تقول مستقبل وتامين حياته الرجل يطلب 8 مليون ومن حقه ولكن السوال :
هل ..... يستحق ..... 8 ..... مليون ..... بالسنه ...... ما هي انجازاته ....... واترك الاجابه لك .

متى يفهم المفاوض الهلالي إن اللاعب السعودي حالياً مايستحق مليون بالسنة ؟
متى يفهم المفاوض الهلالي إن لاعب الأولمبي اللي ناشف يبي يلعب أساسي راح يقدّم لك ثلاث أضعاف سلمان وغير سلمان؟
متى يفهم المفاوض الهلالي إن اللاعب اللي يطلب 8 مليون مثلاً راح يخلي غيره يطلب 8 مليون و راح تبلش بتجديد العقود؟
متى يفهم المفاوض الهلالي إن سلمان الفرج حالياً مايستحق تجلس معه على طاولة نقاش أكثر من مرة وحدة؟

سلمان الفرج بدون مبالغة لو لعبت بداله و أنا مالمست كورة من سنين يمكن أقدم نفس مجهوده و أقل أخطاء منه !
لاعب يمطرس في منطقة يحظر فيها المطرسة .. و إذا بقى على عقده شهر قعد يراكض بالملعب يبي تجديد عقد ..
قمة الاستهتار بالجماهير الهلاليّة .. سووها مع الفريدي رايحين جايين على بيته .. و ثم هوساوي رايحين جايين على بيته ..!!

وللأسف فرّطوا بلاعبين مثل خالد عزيز بسبب إنه تأخر يوم و إلا سحب يوم و إلا سافر يوم ..
وفرّطوا بعبدالله الجمعان بسبب قلة الحيلة بسبب إنه يبزوط ( يغيب يوم عن التمرين )
خله يسافر و يستانس .. قله لا يجي إلا وقت المباراة .. قله قبل المباراة بساعة نبي ندق عليك تجي تلعب ..
دام اللاعب يقدّم لك بالملعب خلاص .. بينك وبينه عقد ثلاث سنوات مثلاً لا تغصبه .. بعد ماينتهي عقده قله مع السلامة ..
اللاعب الموهوب دامه يقدّم لك اجلس معه .. ناصحه .. عطه فرص .. شف ظروفه ..
وش فادتني انضباطيّة عزوز الدوسري؟ .. وش أخذت من عدم غياب الغنّام ؟ ..
وش أخذت من ملاحق الفريدي و هوساوي؟

شيء يتعب بصراحة .. خلاص ياخوي الجمهور يقول لك اطلق سراحه .. عطه عرضك اللي يناسب سياستك إذا ماعجبه يقضب الباب
الهلال كنادي لازم يكون شركة له سياسته .. حط أرقام تجديد عقود حسب مستوى اللاعب من بداية عقده لنهاية عقده ..