|
ادارة الهلال هي سبب ما يحدث للفريق !! الوضع للفريق الهلالي في الوقت الراهن وعدم الثقه من اغلب الجماهير في لاعبي الفريق وخصوصا المحترفين منهم امثال ادواردو وميلسي ولا هان ليوم طالبا سابقا بلاعب صانع لعب لان هو ما يفقده الفريق وهو ما طالب به الاعب الكبير ناصر الشمراني وتم ابعاده من الفريق وكذالك لاعب طرف ايمن او ايسر مع قلب دفاع -- ثانيا : العقود المبالع فيها مع بعض الاعبين امثال اسامه هوساوي و كما يشاع سلمان الفرج وسالم الدوسري اتوقع لو تستثمر الاموال التي سوف تدفع للفرج والدوسري سالم في جلب محمد كنو واحمد الزين واالعبيد لاعب القادسية يكون اقضل سالم الدوسري لم يعد لديه ما يقدمه جناح ايمن يالله نتحمله والمدرب مدري وش شايف فيه كذلك المدرب يتردد في التغيير ويتاخر . الرويلي ليس الاعب المناسب للهلال قلتها قبل واقولها الحين فريق مهزم وترجي تغيير نتيجة من الرويلي اتوقع مستحيله. الهلال امامه ثالث مباريات مهمه اذا تجاوزها ان شاء الله الدوري هلالي اما الفيصلي والخليج والاتحاد . كلام في اذن كل لاعب اولا اللعب الفردي لا يفيد الفريق ولا يفيد نفسك اذا منت كفو لحمل شعار الهلال ترى الهلال في غناء عنك الاستهتار واللعب العشوائي والامبالات والبرود الزايد ما نبيه نبي لاعبين بقلب النعيمه وسامي والشلهوب والاحمد ونواف والتماوي والثنيان ورموز الهلال السابقين والله يوفق الفريق صرنا نخاف في كل مباراة بعد ما كنا نتقهوى برواق وحنا نتفرج على الزعيم |
كلام سليم بعض اللاعبين ((( يلعبون على الهلال وليس للهلال ))) نعم هناك أسماء (( كانت تفرق في التشكيلة ولكن الآن تغرق التشكيلة )) سالم والرويلي والشهراني وليو وبعض ادواردو ومليسي هؤلاء يبعثرون التكتيك وينسفون الطموع والخطط اذا لم يكن لديهم ما يقدمونه للهلال (( فــ شباب الهلال بالتأكيد فيه من هم أفضل وأحرص على الهلال )) اعود للرئيس حفظه الله (( قدمت الكثير من مدرب ومال وفكر وخلق يبقى دور اللاعبين هم من يتحملون النتائج وخاصة أنصاف اللاعبين المذكورين وشكراً لطرحك |
اتفق معك مشكلة الهلال اداريه بحته حلها الاهلي بكيال والهلال لازال يكابر ويعتقد رئيسه ان الحرب ع المفرج بسبب عدم تسريبه للأخبار الرئيس يعتقد ان السريه بالصفقات وعدم تسرب التشكيله بطوله ، في التعاقدات الصيفيه الماضيه تم صرف النظر عن عدد من المحترفين الاجانب اللي كانت الاداره تفاوضهم بسبب تسرب اسمائهم للإعلام شر البلية مايضحك ياوجه السعد : ) |
الهلال يبي روح يبي حماس يبي تحفيز يبي قوة جسمانية يبي جلادين ومهاجمين يدخلون المرمى قبل الكورة وان حصل حتى الاحارس يدخلونه للمرمى بي شكل وباي طريقه مثل أسلوب السهلاوي والراهب |
لاعبين الهلال لم يظهروا بالمستوى المهود وهذا ما جعلنا نتعجب |
يمكن دياز علي حق يوم قال التدريبات بيكون الصباح عشان الاعبين مرهقين وبرد |
الله يعطيك العافية وبالتوفيق للهلال الزعيم الملكي |
أغلب الجماهير الهلالية أدركت نقاط ضعف الهلال والمتمثلة في تخاذل ومزاجية بعض اللاعبين وعدم جديتهم وعجز إدارة الفريق عن وضع حد لذلك،، كذلك ضعف بعض المراكز في الفريق،، أرى نواف بن سعد حريص على الفريق ولكننا ننتظر منه حلول لتلك الأمور اللي ربما تكلف الفريق الخروج من الموسم خالي الوفاض |
إقتباس:
المثالية لاتنفع مع اللئااااام ! بالتوفيق للزعيم الملكي العالمي:alzaeem: |
إقتباس:
كيال مع الاهلي اخذ اكبر وصمه عار بالاهلي وهي فضيحة الانسحاب امام الشباب كيال مع الاهلي اخذ من الهلال اربعه دفعه وحده كيال مع الاهلي لم يحقق قبل الدوري الا بطولتين كل شوي كيال وكيال الهلال مشكلته الفنيه واضحه وقلتها الف مره هيا مسلسل ضياع الفرص بكثررره ولو استمثر نصها تلقونا فارقين عن الثاني ب عشر نقاط الفريق يمر بحاله ازمه نفسيه مع الفرص ومايزيد الطين بله جمهور الهلال نفسه بكثره انتقاداته ومجافات الحضور واخص بالذكر جماهير الريياض يقولو تعبنا وهم مايحضرو اي تعب تتكلمون عنه اااه تعب الحلطمه ممكن اول مره اشوف جمهور يصيح ع لاعبيه وقت المباراة ( جمهور الهلال بالرياض) عن اي ثقة تريدون!!! واللاعب يخاف يخطئ والخوف من الغلط اكبر غلط وراح يوقع بغلط ثاني ويندمر الفربق عشان واحد مايبي المفرج ولا ياسر اللي بالاحتياط ولا له لاعب مايعجبه فريق منهار مثل ويرفعه جمهوره مثل الاتحاد مادري وش تبون تسسون اذا كان حال الهلال مثل الاتحاد اللي يتهم ادارة واللي يقول انا قايلكم ان هذا اللاعب ماينفع وليش مابعتوه وليش وليش وكان الليش حقته الحين تأكل عيش اقسم بالله انه ارتفع ضغطي من الخزعبلات ابدا مافيه دعم سبعه الاف مشجع؟!!!! بمبارة الهلال والاتفاق 14 الف والله عيب عليكم ولكم وجه تطالبو اكفونا شركم وخل العالم ذي تشتغل دامك ماتبي تحضر ولا تتعب نفسك وتتحلطم هنا |
قد يكون كلامك منطقي في بعض النقاط ... لكن صدقني غربلة الفريق في منتصف الموسم ليس بالايجابي بتاتا بل سيفقد الفريق توهجه .. ماتطالب به من المفترض ان يحدث بعد انتهاء الموسم الفريق الان يحتاج كل الدعم لاكمال المسيره وتحقيق بطولة الدوري باذن الله هذا هو وقت الجمهور .... وعلى الجمهور الصبر وضبط النفس الى انتهاء البطوله حينها سيبدأ التقييم بالتوفيق لهلالنا |
اسمح لي ان اختلف معك فالبداية ثم اعلق على بقية الموضوع الفرج وسالم أفضل لاعبي وسط بالمملكة ولا يمكن ان يكون الزين في أفضل مستوياته مقاربا لأقل مستوى يمكن ان يقدمه ايا منهما أما العبيد في مباراة القادسية الشوط الأول أخذه سالم رايح جاي وعندما لعب ادواردو وسط أيمن استطاع العبيد التقدم لأن ادواردو لا يضغط . كنو قد يكون جيدا ولكن سيكون على حساب عطيف بالمحور المساند ... اتفق معك وشي بديهي أن الإدارة تتحمل مسؤولية ما يحصل بالفريق حاليا ليس هناك مجال للتغيير ولكن هناك مجال للدخول بتشكيل متناسق يستطيع تقديم أداء كروي جيد حاليا الدفاع ليس هناك مشكلة وبشكل أقل الهجوم ولكن الوسط مشكلة وحلها سهل جدا تثبيت الخيبري وعطيف محاور والعابد أو الفرج يسار وسالم او درويش يمين وليو وخربين مهاجمين وهذا يتطلب بقاء ميليسي وادواردو خارج التشكيل في حال اللعب بطريقة 442 وفي حال اللعب بطريقة 451 يكون ادواردو أساسي كمهاجم ثاني او وسط مهاجم ويكون ليو او خربين مهاجم وحيد طبعا بقاء ادواردو بالاحتياط غير ممكن حاليا لأنه مطلوب خارجيا وسيرحل إذا رأى عدم الاعتماد عليه لذلك أهون الأضرار أن يبدأ المدرب أغلب المباريات بطريقة 451 ثم بالشوط الثاني يسحب ادواردو ويلعب بمهاجمين . نقطة أخيرة نحن نلعب دوري الفوز والخسارة والتعادل وارد والضغط الذي تسببه مافيا النصر الإعلامية على بعض الجماهير ينعكس سلبيا على الفريق واتمنى ان يكون تعاطي الجميع مع الخسارة لا قدر الله بأننا نلعب كرة قدم ومبروك للفائز وحظا أوفر للخاسر عندها سيخف الضغط على اللاعبين ويبقى إعلام الصفر مع نفسه ... |
|
تغير واحد نحتاجه فقط واتمنى ان يخيب ظني وتوقعي فيه تعليقاً على موضوعك اخي الكريم : # الإدارة عملت جهود كبيره جداً فهي جلبت مدرب عالمي وله مكانته التدريبه # تعاقدات ضخمه متمثله في هوساوي - خيبري - رويلي - معيوف ( وان كنت ضد التعاقد مع معيوف ) ولكن يحسب لها التعاقد بمبلغ وقدره... # الأهم تخليص النادي من لاعبين لا يستفاذ منهم ويكلفوا الخزينه المال الكثير وعددهم وصل إلى 25 لاعب # تخفيض العقود المبالغ فيها للاعبين # التعاقد في الشتويه مع مهاجم رائع يمتلك صفات الهجوم من سرعه وتسديد ومراوغه وحماس وهذا ردي بخصوص الاداره... بخصوص اللاعبين سالم وسلمان الفرج : هم افضل لاعبي الوسط والدليل تواجدهم على مر المدربين المختلفين على نادي الهلال وتواجدهم في قائمه المنتخب والاعتماد عليهم كلياً فمن غير المعقول ان جميع المدربين من مر على نادي الهلال ومدرب المنتخب مخطئ ونظرة ( قلة من الجمهور هي الصحيحه ) ولو تواجدوا هؤلاء اللاعبين بنادي اخر لطالبتم بالتعاقد معهم كحال الرويلي الموسم الفائت. اعود لنقطتي بالتغير الذي اراه يحل الكثير من المشاكل : اللاعب ليو مهاجم لا يمت صله بالهجوم لاعب ثقيل جداً، تسديدات ضعيفه غير مركزه، ولا يملك اي مهاره في المراوغه ميزته الوحيده، تمركزه الجيد غالباً. لو تم تغير هذا اللاعب بلاعب هجومي من الالومبي اتوقع افضل وسيقاتل لاثبات نفسه وربما لن نجد هذه الفرص المهدره في كل مباراه. عالاقل حتى التخلص من ليو وجلب مهاجم اخر افضل. |
نعم هناك جزئية تتعلق بالإدارة ..وهي عدم التعامل بسياسة الإحتراف المالية بذكاء عالي كيف؟ .. اللاعبين يلعبون في دورينا أربع مباريات في الشهر كلّه ..أي لاعب يتقاضى حسب عقده السنوي مبلغ كبير وقدره ..فمثلاً لو قلنّا إن الكابتن (سالم) عقده (6) مليون في السنة يعني يأخذ مرتب شهري (نصف مليون) ريال يعني في الإسبوع إللي هي مباراة وحدة (125000) ألف ريال .. كلامي هذا كلّه هو لإجل ضبط اللاعبين ومعاقبتهم بالخصم المادي ..فهي الوسيلة الوحيدة إللي تخلّلي اللاعب ينتبه طالما يتعاملون بالإحتراف وليس بالعاطفة والميول .. فكل مباراة يلاحظ فيها هبوط في المستوى لأي نجم إخصم عليه ربع راتبه الشهري والعكس صحيح عندما يبدع أي لاعب .. عندما يبدع اللاعب ويسجل أهداف أضف على ربع مرتبه مكافأة على مستوا ه.. وهكذا نستطيع أن نتحكم في السيطرة على اللاعبين الغير مبالين. |
| الوقت المعتمد في المنتدى بتوقيت جرينتش +3.
الوقت الان » 05:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd