|
بدون زعل مستوى لعيبة الهلال غير مطمئن ! البعض يلعب على الواقف ومتى قطعت منه الكرة وقف اما انه يلعب بلا نفس او انه لايملك لياقه أو انه يبي يطفش الناس منه والبعض اناني امام المرمى والبعض يستعرض والبعض لو وضع على دكة الاحتياط افضل والطامة الطامة الدفاع بصراحة اللهم لاشماته واتمنى ان لايكون سبب عدم تقديم المستوى عدم وجود المكافأت أو ان البعض ضمن تجديد العقد والاجانب باسنثناء عمر نتامل به خير اما البقية المحترفين السعوديين اطلق منهم اداري الفريق فهد المفرج رغم احترامي لشخصه الا انه غير قادر على رفع الروح القتالية في الفريق والفرق الوسط بدأت تطمع في الهلال وتستميت في مقابلته والفريق باستثاء اربع لعيبة يلعبون لمصلحتهم يبون نصورهم مع نفسهم يا اخوان ترى الهلال تاريخ ومجد حتى المباريات الودية اللي يكسب الهلال يعتبره بطولة |
تأمين الدفاع هو من الأولويات في فريق لايقبل المفاجئات والتفريط.. وباقي الفريق يعمل على هدف الفوز الصعب مع الفرق المدعومه بالمكافئات. القادم اجمل ياصديقي ان شاء الله |
الجود من الموجود هذي إمكانات الفريق |
بهذه المجموعه من اللاعبين والمنظومه الاداريه بقيادة المفرج لاتتفاءلوا بالدوري ..اتمنى التركيز على بطولة النفس القصير ..كاس الملك والاسيويه .... للاسف ..الدوري اهلاوي من الاخر |
مشكلة الهلال ظ³دارية بحتة ، ظ²ولاً عدم التوزيع الصحيح للمحترفين الأجانب على المراكز خاصة من بداية الموسم. ثانياً غياب الروح في كثير من الأوقات عندما نقابل بعض الفرق التي تعتبر التعادل مع الزعيم مكسباً بخلاف التي تعتبر الفوز بطولة. والسبب عدم التهيئة النفسية. ثالثاً غياب القائد الميداني داخل الملعب. رابعاً عدم الزج بالمواهب الهلالية من الأولومبي والشباب في بعض المباريات المحسومة. |
ماني فاهم ليش تلفون وتدورون على موضوع اللعيبه وتتركون اساس المصيبه والمشكله بعض الاعضاء هنا استغرب من طرحهم اللي يثير السخريه !!!!! اساس المشكله المدرب ثم المدرب . هذا المدرب استلم الفريق يفوز ويمتع وبنتيجه كبيره . السؤال ليش لما استلم دياز صار الفريق مستواه متواضع ؟؟؟؟ سبق أن طرحت ملاحظه عن البريك بالذات ( مع جوستافو كان مرعب خصوصا بالتسديدات من فاولات بعيده ويسجل ) ليش هالمهاره اختفت مع هالمدرب (دياز) ؟؟؟؟؟ معظم اللاعبين انخفضت مستوياتهم !! المدرب ديااااااااااااااز هو العله وووووبس |
يفتقد الهلال لروح الهلال والحفاظ على كرامة الشعار وليس كل لاعب يلعب لذاته الخصوم من فرصة تسجل والهلال عشر فرص وممكن هدف لعدم وجود روح قتالية كالاخرين |
الله يعطيك العافية وبالتوفيق للهلال الزعيم الملكي |
يا جماعه الخير نفس الفريق مع المدرب سيبيرا كان فريق جبار ويخوف الجميع العله بالمدرب وليس بالفريق عشان تحاربون اللعيبه قد يكون مدرب قدير ولكن ممكن ان اللاعبين مايفهمون عليه ولايستوعبون لغته او اسلوبه |
استغرب حقيقه من يلقي اللوم على المدرب دياز... دياز لم يقل لسالم الدوسري الا يستخدم عقله امام المرمى ويطوح بالكره فوق بعدة امتار بدلا من رفع رأسه و تمريرها لليو المتمركز! دياز لم يقل لمليسي ان يلعب الكره بدون ان يرفع راسه ويسلمها للخصم وهدف مبكر على الهلال امام القادسية .. دياز لم يقل لادواردو ان يلعب ببرود وكانه مغصوب على اللعب.. دياز لا يستطيع ان يبث الروح والحماس في لاعبين يلعبون كتأدية واجب.. سبحان الله مااشبه اللية بالبارحه..وهاهنا البعض بداء بانتقاد المدرب وانا متأكد ان بعض اعلاميي الهلال سيتجهون لدياز مثلما اتجهوا العام الماضي لدونيس الذي حقق للهلال3 بطولات!..ولازلنا ندور بحلقة مفرغه.. علة الهلال ليست في المدربين عله الهلال في شيئين فقط أولا..الروح والحماس ثانيا..اللعب بفردية وانانية خصوصا امام المرمى وبدون استخدام العقل وبطلها الأول سالم الدوسري.. الهلال امام القادسية حصل على مالا يقل عن 6 او7 فرص عباراه عن اهداف...ضاع بعضها بسبب الحظ وضاع اغلبها بسبب الفردية والانانية وعدم استخدام العقل امام المرمى وخصوصا سالم الدوسري الذي أضاع لوحده 3 اهداف محققه وطوح بالكرة فوق المرمى بعدة امتار بدلا من تمريرها لزملائه وتسجيل الأهداف المحققة!! |
الجمهور لازم يشد على اللاعبين شوي بصراحه م فيه اي حماس منهم . اذا اعطو الللاعبين في الملعب ممكن نحضر المباريات اما نجي على هالبرود والاستهتار معليش ..ولا يساومون النادي على عقود عاليه وهم م قد رفعو درع الدوري .. |
تعبنا وحنا ننتقد ولكن لا حياة لمن تنادي سناريو المشهد الدوري للأهلي في ضل المستوى اللي لعب فيه امس ضد الاتحاد والجماهير طبعا راح تتطالب باقالة دياز والادارة ستقيله لتخفيف الضغط عنها مع اشباه اللاعبين لم ولن تحقق بطوله نفس قصير عشان تحقق الدوري وجهة نظر .... لكم كل الاحترام والود 💔 |
وبدون زعل لو ناظرنا مستوى الهلال نلقى انه ما قاتل على الصدارة ولا تشبث فيها واستفاد من قرار الفيفا بخصم نقاط الاتحاد ,,, باختصار اللاعبين ماهم متحمسين ولا عندهم روح قتاليه ولافيه اداري حازم يوريهم العين الحمرا |
دعونا نعود للوراء منذ تدريب ريجي كامب وسيبيريا ومرورا بدونيس ثم السيد دياز, المشكله الحقيقيه هي لم تكن في نقص الفريق للاعبين مميزين او لصانع اللألعاب او المهاجم القناص فالفريق ولله الحمد من يرى الأحصائيات يجد انه الاقوى هجوما ودفاعا حتى الجوله ال 16. انما المشكله الحقيقيه تكمن في عدم استغلال الكرات الثابته والركنيات وهي السر الحقيقي وراء حسم الكثير من المباريات في دوري 2010 و 2011م. اي فريق مهما كان قوته سوف يمر بمرحله لا يستطيع الحسم الا عن طريق الكور الثابته أو الركنيات وأقرب مثال على هذا النادي الأهلي. أرجوا من إدارة النادي ان تهتم بهذا الأمر فالطائر لا يستطيع التحليق في السماء بدون أجنحه. ودمتم يا زعماء, |
والله ماندري وين العله ندور في حلقه مفرغه ؟؟؟! تجي الفرصه وتروح من ايدينا وحنا ساكتين حاطين يد على يد هذولا يبيلهم روئيه وحساب مواطن وساهر عند مدخل النادي يوقعون عقود بالملايين ولافكرو بحد واخرته يسحب رجليه طويل العمر بالملعب تقل ماوده يلعب واذا انتهاء عقده وشبع فلوس طنقر وقال ابي انتقل روحه بلا رده لا انتم ولا المسؤولين عليكم |
| الوقت المعتمد في المنتدى بتوقيت جرينتش +3.
الوقت الان » 05:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd