لازم من الضرب , ضرب ضرب مو كلام !
 

تكمله للعنوان .. بالله جِد ماتشوفون العلم إستفحل ويحتاج تدخل (سلطه عُلياء) ؟؟
وسامحوني بسردها بالعاميّه واللهجه اللي على لساني بكتبها هنا ..
بزارين أمس متعصبين ويوم كبروا بدوا يتطاولون على (الرموز) ؟!!!!
كنت بقول يتطاولون على الهلال بس الهلال شبع من كُباريتهم والحين بدوا صغاره
وهالشي ما أثر في الزعيم ولا راح يأثر فيه لو يلحسون السماء ..
المهم مع السوشل ميديا بدا كبارهم وحشدوا صغارهم إننا في فضاء مفتوح ..
ولازم تنتقد وتظلم وتدرعم وقول اللي تقوله ولاعليك في أكبر مسؤل حتى لو انك ع غلط!
كل اللي فوق نتقبل منه الإنتقاد بس الظلم وتصوير إن رياضتنا تدار من خلال مسؤلين وأمراء وإنهم ظلمه ويخونون الأمانه هذا اللي مانرضاه ولانبغاه
ياخي ماراح أتكلم عن دوري العام وقبل العام وإتحاد عيد وغيره, لأننا نؤمن بالأخطاء
لكن لو كل خطأ من إتحاد أو لجنة تحكيم وغيرها خليتوها إنها خدمه لنادي هنا نقول إستوب
إستحوا ع وجيهم وإتركوا رموز رياضتنا من إسائتكم وهمزكم ولمزكم وغيره
نافسوا الهلال ولاتنافسون نفسياتكم وعقلياتكم اللي تقول الهلال مدعوم
وقبل الختام لاتسوي فيها إن تويتر وغيره فضاء مفتوح وتقدر تقول الي تقوله
ترا اللي مارباه الزمان يربيه سلمان يا إعلاميين الغفله
لاحد يقوللي لاتهدد وترا إحنا في حريّه وغيره
لأني بقول له الوضع إستفحل ومبزرة الإعلام يبيلهم تربيه
والشاهد شوفوا بعض قنواة ابو كلب ونقادها الحصريين ع قولهم
وشوفوا تويتر وغيره والكلام اللي ينقال فيه ومالقينا رادع لهم

وختاماً إذا الوطن أعطاك حريّة التعبير لاتشخمط وسلامتكم.

اغلب ما في الاعلام ياهي غيبه يانميمه يا همز يا لمز يا تنابز بالالقاب

وكلهم حرام

لو تتدخل السلطه العليا وتمنعهم واحد واحد من الظهور في اي شاشه سعوديه.
بيكون مكسب كبير
وخله يفر بين تويتر وبين التطفل على القنوات الخليجيه.
فعلا الوضع ما ينسكت عليه .

الله يعطيك العافية
وبالتوفيق للهلال الزعيم الملكي