حراسـة الهلال إنتبهوا من الإنشغال خارج الميدان (وجهة نظر)
 

كثر الكلام في الإعلام عن حراسة الهلال للمزايدة وإشغال الهلال خارج الميدان بل والكثير يطالب الإدارة بالعويس وكأنه أهم من الدوري والفريق ويضغط لكسب خدماته

العويس حارس ، ولكن من خلال متابعتي ليس بالخارق أو المتميز مثل الدعيع والأجيال السابقة بمعنى يلقم أهداف بسيطة وإبداعه كان في مباريات محدودة مثله مثل شيعان وإبداعه في مباراة الدوري أمام الهلال .

وأي لاعب أي كان مركزه يبدع أمام الهلال و (خاصة ) الحراس من أيام الدعيع وزاد الإبداع بعد إعتزال الدعيع ليكونوا ملفتين للنظر لكسب خانة الدعيع خصوصاً في المنتخب أما مع الفرق وتميز الحراس امام الهلال أتذكر الثنيان قبل لا يجي الهلال إبدع مع فريقه السابق والكسار والشمري وووالخ ابدعوا أمام الهلال في مباريات عدة للفت الإنتباه .

كـ جماهير يهمنا تكامل خطوط الفريق بشروط الهلال وبدون مزايدة بمعنى . . .
إذا جاء العويس بشروط الهلال أهلاً وسهلاً مرحب فيه من الجميع
إذا لم يقبل وزايد على الهلال وراح الله يوفقه والإدارة هي من يقيم هذا الأمر ، والهلال ليست المشكلة الرئيسة فيه الحراسة الموجودين عطاءهم جيد وليسوا الأسوا .

مباريات محدودة التي ابدع فيها العويس من متابعتي وبإمكانكم الرجوع والمشاهدة(للمعلومية فقط)

بالتوفيق للهلال إن شاء الله رجال إدارة ولاعبين أبطال للتركيز فقط على ما يهم الجمهور بالموجودين حالياً وهم أبطال ، وقادرين بإذن الله على تقديم الصورة الأفضل بالتركيز على الانتصارات المقبلة والتي تهمنا .

ماحد قال لك العويس نفس مستوى الدعيع

لكنه اقرب حارس مرمى في الموجودين حالياً من مستوى الدعيع واسرعهم رده فعل

وفوقها انت قاعد تحكم عليه مع الشباب وقدامه دفاع شوارع ومحاور ولا ازبل

حسن معاذ له موسمين يلعب قرفان وقلوب الدفاع زباله والجزائري افضلهم والمحور ابو كلب

واكبر دليل انه فريق تعبان وشغل ترقيع ان الهلال ماتعب في هزيمتهم هذا الموسم

واصلا الشباب خلال الموسمين الي فاتت شفنا خناقات اثناء المباريات بين لاعبين الشباب وعدم الاستقرار واضح على الفريق

فلا تحكم على حارس مرمى إذا الفريق الي يلعب فيه ضعيف وزملائه اللاعبين يحرجونه بكور غبيه اثناء المباريات

كلاممك صح

واهم شي الجمهور يدعم ويساند اللعيبه في كل مرحله قادمه مهما كان الوضع .

وعدم احراج الأدارة بتعاقدات او تجديد او مغالاة في قيمه لاعب مهما كان اسمه ومهما كان مستواه

هناك اداره تحاسبه وهناك مدرب يصحح اخطاء اللعيبه .

دورنا كجمهور التشجيع ثم التشجيع وغيرة

اشكرك على الطرح s13s

أخوي hilalicanada حياك الله
يا ليت تقرأ المكتوب مرة ثانية أنت بعدت بعيد عن المقصد وهو ما لخصته في آخر سطر
وأكرر بتوضيح خاص لك :
العويس يردينا يا هلا ومرحبا وهو مُرحب فيه بيننا بشروط الهلال وما يريده الهلال وإذا كابر الله يوفقه ونحنُ كـ جمهور لا ننشغل فيه ونترك الفريق وكأنه هو الهلال !!!

أخي محمد الشعلان 20
حياك الله وكل الشكر على تعليقك وهذا ما قصدت بالضبط الوقوف مع الممثلين حالياً للفريق ودعم والوقوف مع من يمثل الفريق لعدم التعثر . . .

دمتم بووود ،،،

الله يعطيك العافية
وبالتوفيق للهلال الزعيم الملكي

مشكلة بعض الجمهور إذا تم توجيهه بإتجاه معين خلاص (علق) او يأخذ الموضوع عناد للانتصار لراية.
اتفق معك اذا كان العويس يرغب الهلال فمرحبا به وإذا كان غير ذلك فبسلامته .
الثنيان وابو ملحه جيدين والحيدري على كلام البعض جيد انا اتوقع أكبر مشكلة بموضوع الحراسة هو المدرب واتمنى اختيار مدرب حراس (مصري) او مدرب حراس الشباب اللي اكتشف وليد وشيعان والعويس وعندها ستكون حراستنا بخير .