ابعدوا الفرج عن منطقة الخطر ..
هذي نحذر منها منذ 3 سنوات ..
لماذا لم ياخذ الفرج دور الفيس و يدخل عطيف مكان الفرج ؟
لا اختلق الاعذار للفرج .. لكن لماذا لانرى أخطاءه الا اذا لعب بالمحور ؟
للامانه دياز خسر المباراه امام زوران ..
يكفيك انه دخل بدون صانع لعب ..
كان بالامكان الاستفاده من الفرج بالامام في ظل غياب ادواردو والعابد

إقتباس الرسالة الأصلية كتبت بواسطة الشهم1 نعم يستحق أن يجدد معه ولا زلت أرى أنه لاعب ممتاز ولكن يلعب خلف المهاجمين وليس محور. عليه كرات طويلة خطيرة جدا وكونه أخطأ في عدم تسجيل الفرصة التي أتيحت له فلا يعني أنه ليس بلاعب ممتاز فهناك مهاجمين أخطر منه بمرات عديدة أضاعوا الفرص عندما انفردوا بالحارس. ادعموا الفرج وقفوا معه وانظروا كيف سيتغير أما أن تشنعوا به وتطالبوه بمستوى أفضل فلا. تعدون أخطاءه ولا تعدون ميزاته.

يا الغالي انت قلت بنفسك أنه سلمان لا يصلح محور. طيب هو ما يعرف هالشي؟ ليش ما يكون شجاع و يقول للمدرب انا أحوس المحور حوس؟ يعني لازم يلعب حتى لو على حساب الفريق؟ لازم يلعب حتى لو اخذ مكان لاعب محور أحسن منه بمراحل؟ لو قلبه على الفريق كان قدم مصلحة الفريق على مصلحته الشخصية. لكن هذه قمة الأنانية و الاستهتار.

إقتباس الرسالة الأصلية كتبت بواسطة معذب من الهلال اتمنى تركز بالهدف الثاني اسامه تأخر بالتمرير ووضع الفرج في موقف محرج مرر للفرج وهو بين لاعبيين من النصر اللي يتحمله هوساوي ولولا الله ثم الحافظ اتوقع اكثر من هالاهداف

يا الغالي خلنا نتفق على شي من الاول، الدفاع اليوم شوارع و شوربة بعد، هذي ما عليها خلاف، لكن وش وظيفة المحور؟ من أبجديات الكرة انك لما تكون محور و شايف دفاعك ما عندك أحد انك تلعب بمبدأ السلامة و تنظف منطقتك و تأمن دفاعك. و بعدين هل هذه اول هدف علينا من سلمان بنفس الطريقة الكربونية؟ ارجع لكثير من الأهداف المسجلة علينا العام الفائت و قلي وش رايك؟

اللي يقول سلمان ظلم في المحور ... اقول كلامك صحيح لو كان ما يؤدي... سلمان مستهتر وعقليته عقلية لاعب حواري ... الكور اللي تقطع منه ٩٠٪ لاته يحاول يحاور .. ورغم كثر اخطاؤه مازال اقل لاعب يمرر من لمسه .. سوء التمرير ماله علاقة بالمركز ... تمريراته سيئة وغالبا مقطوعة .... من اكثر من موسم ما شفت له رفعة صحيحة

فوق ذا وحطينه كابتن ... وينطرد ... ويروح يضرب المعيوف .... ادارة متسيبة وضعيفة


اما بخصوص مباراة اليوم .... الدقيقة ١١ والتسديدة في الشبك الخارجي ... لو عنده دم .. كان مرر لميلسي .. لكان بالامكان الهلال يفتتح التسجيل

البلنتي الاول ... جلى الكورة قبل ما توصل للغامدي وما عرف يشتتها اول مرة ... الهدف الثاني .... حب يحتفظ بالكورة وانقطعت ... ولا احد يقولي التمريرة اللي وصلتله تعبانة

الانفرادة .. نفس كورة هدف النصر .. الا ان لاعب النصر كان في زاوية اصعب وجايله مدافع ..... سلمان النكبة كان لحاله ... مواجه الباب ... بس الاستهتار ... والعقلية المتخلفة

لو لعب اساسي ... او لم تسحب من اشارة الكابتنية بعض فضيحة غرفة الملابس اليوم .... فتعرف ان النادي يسير بالواسطة

إقتباس الرسالة الأصلية كتبت بواسطة Tough.Enough اللي يقول سلمان ظلم في المحور ... اقول كلامك صحيح لو كان ما يؤدي... سلمان مستهتر وعقليته عقلية لاعب حواري ... الكور اللي تقطع منه ٩٠٪ لاته يحاول يحاور .. ورغم كثر اخطاؤه مازال اقل لاعب يمرر من لمسه .. سوء التمرير ماله علاقة بالمركز ... تمريراته سيئة وغالبا مقطوعة .... من اكثر من موسم ما شفت له رفعة صحيحة فوق ذا وحطينه كابتن ... وينطرد ... ويروح يضرب المعيوف .... ادارة متسيبة وضعيفة اما بخصوص مباراة اليوم .... الدقيقة ١١ والتسديدة في الشبك الخارجي ... لو عنده دم .. كان مرر لميلسي .. لكان بالامكان الهلال يفتتح التسجيل البلنتي الاول ... جلى الكورة قبل ما توصل للغامدي وما عرف يشتتها اول مرة ... الهدف الثاني .... حب يحتفظ بالكورة وانقطعت ... ولا احد يقولي التمريرة اللي وصلتله تعبانة الانفرادة .. نفس كورة هدف النصر .. الا ان لاعب النصر كان في زاوية اصعب وجايله مدافع ..... سلمان النكبة كان لحاله ... مواجه الباب ... بس الاستهتار ... والعقلية المتخلفة لو لعب اساسي ... او لم تسحب من اشارة الكابتنية بعض فضيحة غرفة الملابس اليوم .... فتعرف ان النادي يسير بالواسطة

بارك الله فيك اخوي
غطيت كل النقاط الي ما ذكرتها

نعم يستحق التجديد .. لاعب كبير والشهراني اليوم اسوء منه ومع ذلك الشهراني لاعب كبير وان اخفقوا اليوم.

اللاعب اغلاطه كثيره نعم لكن مايختلف على موهبته اثنين خوفك يروح لنادي ثاني ويبدع والله ان ننغبن

الهلال كله كان تعبان لاتلوم الفرج ولاتحمله فوق طاقته

لاعب يحب يتفسلف في كل كوره مايلعب لعب سريع هجمه مرتده تضيع
الاجانب امس اختبار لهم واثبتوا فشلهم عبنا الشوط الثاني بدون ميلسي والفيس كنا افضل وجودهم مثل عدمهم المدرب احمق مهزوم من الشو الاول غير لاعبين وغير طريقة اللعب الهزيمه بواحد مثل 10

والله العظيم ان كبدي طقت من سلمان الفرج حتى يوم غرد بحسابه بتويتر بعد مباراة الباطن اني رديت عليه وقلتله إن شاء الله انك ماتجدد مع الهلال الرويلي وعطيف يقومون بدور الفرج وبدون مطرسه يستملون الكوره ويسلمونها سرعه سرعه الفرج يستلم الكورة ويحتفظ فيها لين يتجمعون عليه لاعبين الخصم ياما تنقطع منه وتصير هجمه مرتده خطره على مرمانا او انه يرتكب فاول وزود على هذا يعترض على الحكام بكل كبيره وصغيره والله العظيم ماني مصدق انه طالب زيادة بعقده تكفى ياوجهة السعد لاتجدد معه استفد من بيع عقده بأسرع وقت

السلام عليكم
حبيت اشارككم في النقاش بحاجه مهمه جدا
جعلنا كل اللاعبين سيئين ونسينا او تناسينا ان جمهور الهلال هو الاكثر سوء الم تروى جمهور الاتحاد وما يقدمه لناديه من دعم كبير حتى اصبح اللاعب العادي في الاتحاد يقدم اكثر مما يمتلك وكذلك الاهلي في العام الماضي فقد قدم اهم درس لجميع الاندية عندما صعد بفريقه لمنصات التتويج في اهم بطولتين بينما نحن ننتقد الغير وننسا انفسنا وننسا ما قدمنا لفريقنا قبل ان ننتقده

حتى حضورنا الملعب يكون احيانا حضور سلبي وكائننا جمهور الفريق الاخر

نعم يستحق التجديد معاه لكن بالسعر المعقول و المناسب لعطائة