|
موضوع مهم حقيقة .......وينكم يا ادارة الهلال من هاللاعب بسم الله الرحمن الرحيم اعزائي جماهير الهلال ما هذا الذي يفعله عبدالعزيز الدوسري في التدريبات او في النادي معقولة اي مدرب يجي على الهلال يخرجه من التشكيلة ويستدعى الى المباريات الودية ولا يشارك هل هو سيء في التدريبات ام توصية من بعض الشخصيات بعدم استدعائه الى الفريق وخاصة المباريات.الرسمية ......وش كاعد يسوي في النادي حقيقة ادارة الهلال ساكتة لا حس ولاخبر عن هذا الموضوع المهم لاعب شاب مهم للهلال ومحتاجة في المستقبل ان كان يريد الخروج خله ياخذ راحته بالاحتراف لاي نادي كان والله اني اقول حرام عليه هذه الفلوس اللي ياخذها الان وهو ما يلعب وهو مايستحقهه صح انه مرتبط في عقد لكن الملايين حقيقة اللي اعطيت له مايستحقها اي افضل لاعب سعودي 5او6 مليون في السنة غريبه والله وكثيرة جدا في حقه بالختام اقول يجب تدارك هذا الامر والاخذ به بجدية حتى لا يكون مصير بعض اللاعبين مثله والله يوفقنا في قابل الايام |
عزوز في الحالتين بقاءه مضرر بالفريق سواء لعب أو جلس بالدكة افضل حل هو بيعه ولو بخسارة لأن بقاءه بيخسرنا أكثر |
الشريد برا النادي وعزوز يعطونه 6.5 مليون بالسنه! شكل وكيل أعماله لبس النادي عقد لايمكن الخلاص منه اسأل من هو وكيل أعماله وقد تصل إلى طرف الحقيقة |
مشكة عبالعزيز الدوسري بعقده العالي ويحق على يرفق الإعارة لأي فريق النادي ما يقدر يجبره يطلع او يشوفله فريق هذي مشكلة التخبط بالتعاقدات ومبالغ واهية وصارت درس وان شاء الله اول ما يخلص عقده بيمسك الباب هو وكم لاعب متورطين فيهم بالتوفيق |
قدر الله وماشاء فعل عزوز الدوسري كان من افضل العيبه قبل الاصابه بعد الاصابه شفنا الشد والجذب على هذا الاعب صح المستوى مايرضي اي مشجع هلالي ولاكن احباط الجماهير والاعلام هذي نتيجته وبتوفيق لكل لاعب هلالي محب لكيانه |
لاعب الجمهور جالس يحبط فيه شلون تبيه يقدم مستوى ادعم الاعب عشان يادي فهد المولد لاعب الاتحاد الجمهور الاتحادي كان يطالب بإبعاده عن النادي وبعد الدعم صار الرقم واحد بالاتحاد اللحين |
الهلال بحاجة لأعادة النظر بعقود اللاعبين هناك فقرات مهمة تظاف للعقد ممكن الأستفادة منها في التخارج مع اللاعب غير المفيد بخصوص عزوز هناك شيئا ما غير مفهوم كان من افضل المواهب الهلالية واكثرها مهارة وانضباط بعد الأصابة الأخيرة تغير كل شيء وجمهور الهلال اصبح لايرحم ويشكل ضغط كبير على اي لاعب اتمنى التوفيق للزعيم |
عبدالعزيز الدوسري لاعب منتهي جالس بالنادي يتمرن وياخذ راتب هذه وظيفته فقط ولا لعب معد عندك لعب ولا المفروض اللاعب من نفسه يشد وينتبه لنفسه ويحسن من مستواه لكن شاف الفلوس والملايين معد يبغى شي |
الله يعطيك العافية وبالتوفيق للهلال الزعيم الملكي |
إقتباس:
لاعب صار عمره 28 ومع ذلك ماعنده خبرة لا نه مايلعب وفيه لاعبين يلعبون ويقاتلون وكان مصيرهم الاستغناء ومع ذلك عقده 42مليون اجل شلون لو يلعب كم عقده مليار !!! الاعب اللي يعطي يقعد بالنادي اما الاعب المعطوب اللي بس مصاب فمصيره الاستغناء ياحبيبي الاولمبي قاعدين يحترقون يبون الفرصة وماهم قادرين من الواسطة اللي عند عزوز وربعه |
الله يعطيكم العافية اللاعب عبدالعزيز الدوسري سترونة بافضل حال والايام بيننا |
لاعب مرتبط بعقد خرافي لا يحلم به اي لاعب وماعمره لعب مباراتين ورى بعض .. واذا لعب كلها 20 دقيقه في الشهر او الشهرين .. ولا يقدم أي مستوى يذكر يلعب ببرود وكأن المباراه ودية او تحصيل حاصل .. ملايين تهدر واللاعب المستفيد ..اللهم لا حسد .. لكن وش السر في بقاءه .. اتوقع أن والدته تدعي له .. لان اللي يحصل غير معقول الادارة تتحمل مايحصل .. المفرج مع كامل احترامي بعيد كل البعد عن شخصية مدير الكره القوي والحازم والا لم يكن هذا حال بعض لاعبي الهلال المستهترين والمزاجيين |
عزوز انكبنا فيه بن مساعد الله يسامحه مجدد عقد طويل المدى وبراتب 7 مليون بالسنة !! ونواف بن سعد حاول معه بالصيف يشوف له عرض ونادي ويطلع بس صاحبنا رافض ويبي يجلس الله يقلعه |
لو كنت مكانه سويت مثل اللي سواه اجل توقع مع لاعب سعودي ب 6 مليون كل سنه ولمده خمس سنوات وتبيه يطلع!!!! هذا درس لكل اداره تبي تمسك الهلال.... |
للاسف الهلال صاير زي الضمان الاجتماعي لعزوز و المفرج و اخوه نفس الدعم و العقود للخلوق الغنام لاعب في الموسم كامل ما يكمل مبارات و الباقي مصاب هذي مشكلة الهلال المحسوبيات و حب الخشوم اللي خلانا نفرط في الشريد بحجة ان الهلال ملزم بتسجيل ظ£ظ لاعب فقط و مسجلين اخو المفرج كلاعب في الفريق الاول راتب و مكافئات الفوز و غيره |
| الوقت المعتمد في المنتدى بتوقيت جرينتش +3.
الوقت الان » 11:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd